Ճանապարհահատվածի կառուցումը կնպաստի ապրանքաշրջանառության մեծացմանը, տարանցիկ տրանսպորտի ներգրավմանը եւ տուրիզմի զարգացմանը. Քրիստինե Ղալեչյան – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
23 10 2024
  • $
    387.67
  • RUBLE
    4.01
  • 417.83
WEATHER
+8.09 oC

Ճանապարհահատվածի կառուցումը կնպաստի ապրանքաշրջանառության մեծացմանը, տարանցիկ տրանսպորտի ներգրավմանը եւ տուրիզմի զարգացմանը. Քրիստինե Ղալեչյան

18:23 23.10.2024

Համաձայնագիրը ստորագրվել է 2024 թվականի մայիսի 15-ին, որի շրջանակում ՀՀ-ի համար առաջնահերթություն համարվող Հյուսիս-հարավ ճանապարհային միջանցքի 4-րդ տրանշի: Սիսիան-Քաջարան ներդրումային ծրագրով, նախատեսվում է կառուցել 60 կմ նոր ճանապարհահատված, 4.7 կմ երկարությամբ 27 կամուրջ, 12,5 կմ ընդհանուր երկարությամբ 9 թունել, որոնցից ամենաերկարը կլինի Բարգուշատի թունելը` 8.6 կմ երկարությամբ: Այս մասին տեղեկացրել է ՀՀ տարածքային կառավարման եւ ենթակառուցվածքների նախարարի տեղակալ Քրիստինե Ղալեչյանը:

Հոկտեմբերի 23-ին խորհրդարանը քննարկել է «ՀՀ ու Վերակառուցման եւ զարգացման եվրոպական բանկի միջեւ «Հյուսիս-հարավ ճանապարհային միջանցք (Սիսիան-Քաջարան հարավային հատված)» վարկային համաձայնագիրը վավերացնելու մասին» օրենքի նախագիծը:

Ճանապարհի կառուցումը թույլ կտա կրճատել գոյություն ունեցող ճանապարհահատվածը շուրջ 58 կիլոմետրով, կբարձրանա երթեւեկության հարմարավետությունն ու անվտանգությունը: Ճանապարհահատվածի կառուցումը կնպաստի նաեւ ապրանքաշրջանառության մեծացմանը, տրանսպորտային ծախսերի կրճատմանը, տարանցիկ տրանսպորտի ներգրավմանն ու տուրիզմի զարգացմանը: Մանրամասն ներկայացնելով ճանապարհի կառուցման ծրագիրը, վարկային համաձայնագրի պայմանները` հիմնական զեկուցողը տեղեկացրել է, որ ճանապարհի կառուցման ժամկետ սահմանվել է հինգ տարի, երկու տարի էլ սահմանվել է որպես որակի երաշխիքային ժամկետ: «Հարավային ենթահատվածի ֆինանսավորման համար անհրաժեշտ վարկային միջոցները կազմում են 373 մլն եվրո, որից ներկայացվող համաձայնագրով ֆինանսավորվելու է 236 մլն եվրոն: Սա համաֆինանսավորվող ծրագիր է եւ մնացյալ հատվածը կֆինանսավորվի Եվրոպական ներդրումային բանկի կողմից»,- նշել է Քրիստինե Ղալեչյանը:

Զեկուցողը պատասխանել է պատգամավորների հարցերին` ներկայացնելով պարզաբանումներ Դիլիջանի եւ Պուշկինոյի թունելների վերակառուցման, վերանորոգումների վերաբերյալ:

ՀՀ ԱԺ նախագահի տեղակալ Հակոբ Արշակյանը տեղեկացրել է, որ մեծ հետաքրքրություն կա միջազգային ասպարեզում ՀՀ կառավարության առաջարկած «Խաղաղության խաչմերուկ» նախագծի վերաբերյալ, որի մի մասն է Հյուսիս-հարավ ճանապարհը: Իսկ քննարկվող վարկային համաձայնագիրն այն առանցքային փաստաթղթերից մեկն է, որը թույլ կտա իրագործելու ռազմավարական ծրագիրը:

Ֆինանսավարկային եւ բյուջետային հարցերի մշտական հանձնաժողովի անդամ Արուսյակ Մանավազյանը ներկայացրել է հանձնաժողովի դրական եզրակացությունը նախագծի վերաբերյալ: Կարեւորելով ծրագիրն ու համաձայնագիրը կյանքի կոչելու անհրաժեշտությունը` նա կոչ է արել կողմ քվեարկել նախագծին:

Բոլոր լուրերը

Կապակցված լուրեր

Դարպասապահը լողալով փախել է Ուկրաինայից՝ բելառուսական ակումբին միանալու համար

20:05 23.10.2024

Դարպասապահը լողալով փախել է Ուկրաինայից՝ բելառուսական ակումբին միանալու համար

Ուկրաինացի դարպասապահ Դենիս Շելիխովը պայմանագիր է կնքել բելառուսական «Սլավիայի» հետ, հայտնում է ակումբի մամուլի ծառայությունը։ Ինչպես նշում է Sputnik.by-ն, ֆուտբոլիստը փախել է Ուկրաինայից՝ երկար ու մանրակրկիտ ծրագրելով իր փախուստը։ Նա լողալով անցել է Տիսա գետը, որը հոսում է ԵՄ երկրների՝ Հունգարիայի և Ռումինիայի սահմանով, իսկ հետո հասել Բելառուս, որտեղ պայմանագիր է ստորագրել ակումբի հետ՝ որպես […] ...

SHANTNEWS

20:00 23.10.2024

SHANTNEWS

Մոդին հեռացել է Կազանից

19:50 23.10.2024

Մոդին հեռացել է Կազանից

Վարչապետ Նարենդրա Մոդին Կազանից մեկնել է Նյու Դելի՝ ավարտելով իր մասնակցությունը BRICS-ի գագաթնաժողովին։ Այս մասին X սոցիալական ցանցի իր էջում հայտնել է Հնդկաստանի արտաքին գործերի նախարարության պաշտոնական ներկայացուցիչ Ռանդհիր Ջեյսվալը։ «Վարչապետ Նարենդրա Մոդին ավարտում է արդյունավետ այցը Կազան և թռչում դեպի Նյու Դելի»,-գրել է նա: Ավելի վաղ ՌԴ նախագահ Վլադիմիր Պուտինը հրաժեշտ էր տվել Մոդիին […] ...

Ո՞վ է փոխարինել Միշել Տեր-Զաքարյանին

19:40 23.10.2024

Ո՞վ է փոխարինել Միշել Տեր-Զաքարյանին

Ժան Լուի Գասեն դարձավ «Մոնպելյեի» նոր գլխավոր մարզիչը։ Ակումբը որոշել էր բաժանվել Միշել Տեր-Զաքարյանից Լիգա 1-ի 8-րդ տուրում «Մարսելից» 0-5 հաշվով կրած պարտությունից հետո: «Մոնպելյեն» Ֆրանսիայի առաջնության մրցաշարային աղյուսակի վերջին տեղում է՝ 8 խաղից հետո վաստակած 4 միավորով։ Ակումբն այսօր հայտարարել է Ժան Լուի Գասեի՝ գլխավոր մարզչի պաշտոնում նշանակվելու մասին։ 70-ամյա ֆրանսիացի մասնագետը մարզել է […] ...

Չկալովկա գյուղում այրվել է անասնակեր

19:32 23.10.2024

Չկալովկա գյուղում այրվել է անասնակեր

Հոկտեմբերի 23-ին, ժամը 14:57-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Չկալովկա գյուղի 5-րդ փողոցի տներից մեկի բակում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 15։58-ին, մարվել՝ 17։28-ին։ Այրվել է տան բակում կուտակած մոտ 900 հակ անասնակերը։ ...

«Երևանի Ղևոնդ Ալիշյանի անվան թիվ 95 միջնակարգ դպրոց» ՊՈԱԿ-ում գործարկվելու է էլեկտրական շչակ

19:20 23.10.2024

«Երևանի Ղևոնդ Ալիշյանի անվան թիվ 95 միջնակարգ դպրոց» ՊՈԱԿ-ում գործարկվելու է էլեկտրական շչակ

Հոկտեմբերի 24-ին՝ ժամը 14։00-ից մինչև 14։30-ն ընկած ժամանակահատվածում, «Երևանի Ղևոնդ Ալիշյանի անվան թիվ 95 միջնակարգ դպրոց» ՊՈԱԿ-ում անցկացվելու է «Քաղաքացիական պաշտպանության միջոցառումների կազմակերպումը և իրականացումը հակառակորդի հարձակման դեպքում» թեմայով հրամանատարաշտաբային ուսումնավարժություն, որի ընթացքում գործարկվելու է էլեկտրական շչակ։ Այս մասին հայտնում են ՀՀ ՆԳՆ փրկարար ծառայությունից։ ...

BACK_TO_TOP