23 10 2024

$

387.67
4.01
€

417.83

+8.09 ^oC

Առաջարկվում է Հանրային խորհրդի կազմում ձևավորել փաստահավաք գործունեություն իրականացնող հանձնաժողով

ՀԱՅԱՍՏԱՆ

16:25 23.10.2024

Կառավարությունն առաջարկում է Հանրային խորհրդի կազմում ձեւավորել փաստահավաք գործունեություն իրականացնող հանձնաժողով, որի նպատակները, գործունեության ուղղությունները, սկզբունքները, գործառույթներն ու գործունեության համար անհրաժեշտ բոլոր հնարավոր մեխանիզմները սահմանվում են «Հանրային խորհրդի մասին» օրենքում լրացումներ եւ փոփոխություններ նախատեսող օրենքի նախագծում: Այս մասին ԱԺ հոկտեմբերի 23-ի հերթական նիստում ասել է Արդարադատության նախարարի պարտականությունները կատարող Արմենուհի Հարությունյանը:

Ըստ զեկուցողի՝ փաստահավաք հանձնաժողովը կիրականացնի ՀՀ-ում 1991 թվականի սեպտեմբերի 21-ից մինչեւ 2023 թվականը ներառյալ ժամանակահատվածում որոշակի ոլորտներում մարդու իրավունքների հիմնարար եւ պարբերական խախտումների փաստահավաք գործունություն եւ կկազմի զեկույց:

«Զեկույցում բացահայտվելու են նման խախտումների համակարգային պատճառները, առաջարկություններ են ներկայացվելու նման խախտումները կանխարգելելու կամ հետեւանքները վերացնելու համար, խախտումներից տուժած անձանց իրավունքները վերականգնելու կամ ճանաչելու վերաբերյալ եւ այլն»,- նշել է Արմենուհի Հարությունյանը` հավելելով, որ մշակվելուց հետո այն ներկայացվելու է Կառավարություն` վերջինիս իրավասությունների շրջանակում համապատասխան բարեփոխումներին ուղղված ռազմավարությունների եւ գործողությունների կոնկրետ ծրագրեր ընդունելու հարցը դիտարկելու նպատակով:

Արմենուհի Հարությունյանը տեղեկացրել է, որ հանձնաժողովն իրականացնելու է տարբեր գործառույթներ, մասնավորապես՝ տեղեկությունների հավաքագրում, նյութերի ուսումնասիրություն, անհրաժեշտության դեպքում անցկացնելու է հարցազրույցներ, լինելու են այցելություններ պետական եւ տեղական ինքնակառավարման մարմիններ, հրավիրվելու են հանրային լսումներ եւ այլն: Հանձնաժողովն ունենալու է 7 անդամ` ընտրված մրցութային բաց ընթացակարգի միջոցով:

Պատգամավորները հարցեր են ուղղել հիմնական զեկուցողին, որոնք վերաբերել են նախագծի` ՀՀ Սահմանադրությանը հնարավոր հակասումներին, հանրային մեծ հնչեղություն վայելող թեմաները խորհրդում քննության առնելուն, խորհրդի գործառույթներին ու դրա անդամներին ներկայացվող պահանջներին:

Հարակից զեկուցող, Պետական-իրավական հարցերի մշտական հանձնաժողովի անդամ Ալխաս Ղազարյանը տեղեկացրել է, որ օրինագիծը ստացել է հանձնաժողովի դրական եզրակացությունը:

Բաժանորդագրվեք SHANTNEWS.am-ին Telegram-ում

Բոլոր լուրերը

20:15 23.10.2024
ԱՄՆ-ը հաստատել է, որ Բայդենը կմասնակցի G20-ի գագաթնաժողովին

Կապակցված լուրեր

20:15 23.10.2024

ԱՄՆ-ը հաստատել է, որ Բայդենը կմասնակցի G20-ի գագաթնաժողովին

ԱՄՆ վարչակազմը հաստատել է, որ ԱՄՆ նախագահ Ջո Բայդենը մասնակցելու է նոյեմբերին Բրազիլիայում կայանալիք «Քսանյակի» (G20) գագաթնաժողովին։ «Մոտակա մի քանի շաբաթների ընթացքում նա կգնա Բրազիլիա՝ մասնակցելու G20-ի գագաթնաժողովին»,-ասել է նրա ազգային անվտանգության հարցերով օգնական Ջեյք Սալիվանը՝ ելույթ ունենալով Վաշինգտոնում Բրուքինգս ինստիտուտում կայացած սեմինարի ժամանակ: G20-ի գագաթնաժողովը նախատեսվում է անցկացնել Բրազիլիայում նոյեմբերի 18-19-ը։ Հնարավոր է, որ […] ...

20:05 23.10.2024

Դարպասապահը լողալով փախել է Ուկրաինայից՝ բելառուսական ակումբին միանալու համար

Ուկրաինացի դարպասապահ Դենիս Շելիխովը պայմանագիր է կնքել բելառուսական «Սլավիայի» հետ, հայտնում է ակումբի մամուլի ծառայությունը։ Ինչպես նշում է Sputnik.by-ն, ֆուտբոլիստը փախել է Ուկրաինայից՝ երկար ու մանրակրկիտ ծրագրելով իր փախուստը։ Նա լողալով անցել է Տիսա գետը, որը հոսում է ԵՄ երկրների՝ Հունգարիայի և Ռումինիայի սահմանով, իսկ հետո հասել Բելառուս, որտեղ պայմանագիր է ստորագրել ակումբի հետ՝ որպես […] ...

20:00 23.10.2024

SHANTNEWS

19:50 23.10.2024

Մոդին հեռացել է Կազանից

Վարչապետ Նարենդրա Մոդին Կազանից մեկնել է Նյու Դելի՝ ավարտելով իր մասնակցությունը BRICS-ի գագաթնաժողովին։ Այս մասին X սոցիալական ցանցի իր էջում հայտնել է Հնդկաստանի արտաքին գործերի նախարարության պաշտոնական ներկայացուցիչ Ռանդհիր Ջեյսվալը։ «Վարչապետ Նարենդրա Մոդին ավարտում է արդյունավետ այցը Կազան և թռչում դեպի Նյու Դելի»,-գրել է նա: Ավելի վաղ ՌԴ նախագահ Վլադիմիր Պուտինը հրաժեշտ էր տվել Մոդիին […] ...

19:40 23.10.2024

Ո՞վ է փոխարինել Միշել Տեր-Զաքարյանին

Ժան Լուի Գասեն դարձավ «Մոնպելյեի» նոր գլխավոր մարզիչը։ Ակումբը որոշել էր բաժանվել Միշել Տեր-Զաքարյանից Լիգա 1-ի 8-րդ տուրում «Մարսելից» 0-5 հաշվով կրած պարտությունից հետո: «Մոնպելյեն» Ֆրանսիայի առաջնության մրցաշարային աղյուսակի վերջին տեղում է՝ 8 խաղից հետո վաստակած 4 միավորով։ Ակումբն այսօր հայտարարել է Ժան Լուի Գասեի՝ գլխավոր մարզչի պաշտոնում նշանակվելու մասին։ 70-ամյա ֆրանսիացի մասնագետը մարզել է […] ...

19:32 23.10.2024

Չկալովկա գյուղում այրվել է անասնակեր

Հոկտեմբերի 23-ին, ժամը 14:57-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Չկալովկա գյուղի 5-րդ փողոցի տներից մեկի բակում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 15։58-ին, մարվել՝ 17։28-ին։ Այրվել է տան բակում կուտակած մոտ 900 հակ անասնակերը։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.