ՀՀ-ն 92,3 մլն եվրո գումարի չափով բյուջետային աջակցության վարկ է նախատեսում ներգրավել փախստականներ ունեցող երկրներին աջակցող հիմնադրամից – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
23 10 2024
  • $
    387.67
  • RUBLE
    4.01
  • 417.83
WEATHER
+8.09 oC

ՀՀ-ն 92,3 մլն եվրո գումարի չափով բյուջետային աջակցության վարկ է նախատեսում ներգրավել փախստականներ ունեցող երկրներին աջակցող հիմնադրամից

15:14 23.10.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Նախատեսվում է ներգրավել բյուջետային աջակցության վարկ 92,3 մլն եվրո գումարի չափով, ի լրումն դրան նաեւ 16 մլն ԱՄՆ դոլարի գումարի չափով դրամաշնորհի ստացում Արտոնյալ ֆինանսավորման գլոբալ գործիքի հիմնադրամից: Վերջինս համաշխարհային բանկի կողմից ստեղծված հիմնադրամ է, որի նպատակն է աջակցել փախստականներ ունեցող երկրներին: Այս մասին ԱԺ հոկտեմբերի 23-ի հերթական նիստի ընթացքում ասել է Ֆինանսների նախարար Վահե Հովհաննիսյանը՝ զեկուցելով Կառավարության՝ ««Հայաստանի Հանրապետության ու Վերակառուցման եւ զարգացման միջազգային բանկի միջեւ «Կանաչ, կայուն եւ ներառական զարգացման քաղաքականության երկրորդ գործառնություն» ֆինանսավորման համաձայնագիրը վավերացնելու մասին» օրենքի նախագիծը:

Երկրի ֆինանսական բլոկի ղեկավարի խոսքով ՀՀ-ն հիմնադրամի շահառու է դարձել 2023 թվականի դեկտեմբերին եւ ԱՄՆ-ի ու Նիդերլանդների Թագավորության կողմից կատարված հատկացումների շնորհիվ մեր երկիրը հիմնադրամից կստանա առաջին ֆինանսավորումը:

«Ուզում եմ եւս մեկ անգամ շնորհակալություն հայտնել մեզ համար այս կենսական ժամանակաշրջանում աջակցություն տրամադրելու համար»,- ասել է Վահե Հովհաննիսյանն ու հավելել, որ բյուջետային աջակցության միջոցները եւս ուղղվելու են ՀՀ-ի` 2024 թվականի «Պետական բյուջեի մասին» օրենքով սահմանված պակասուրդի ֆինանսավորմանը, որը կազմում է 482,9 մլրդ դրամ:

Բյուջետային աջակցության միջոցների ստացման համար, ըստ Ֆինանսների նախարարի, նախապայման է երկկողմ համաձայնեցված քաղաքականության գործողությունների աղյուսակով սահմանված մի շարք ոլորտներում միջոցառումների եւ բարեփոխումների իրագործումը, որոնք արդեն իսկ ամբողջությամբ իրականացվել են:

«Ի տարբերություն նպատակային վարկային ծրագրերի՝ բյուջետային աջակցության միջոցները տրամադրվում են համաձայնեցված գործողությունների իրականացումից հետո եւ ուղղվում են ընդհանուր պետական բյուջե՝ սահմանված չլինելով հետագայում որեւէ հստակ միջոցառման իրականացմամբ»,- ասել է Վահե Հովհաննիսյանը:

Ծրագրի շրջանակը ներառում է կլիմայի փոփոխության մեղմման եւ հարմարվողականության խթանման, շրջակա միջավայրի կառավարման համար կարգավորող շրջանակի բարելավման, հավասարության ամրապնդման եւ մարդկային կապիտալի զարգացման խթանման, հակակոռուպցիոն շրջանակի ու արդարադատության ոլորտի արդյունաբերության հզորացման ուղղությունները:

Վարկի տարեկան մարման ժամկետն է 22 տարին, որից 8-ը՝ արտոնյալ: Մայր գումարի մարումն իրականացվելու է 2032 թվականի հունիսի 1-ից մինչեւ 2045 թվականի հունիսի 1-ը:

ԱԺ ֆինանսավարկային եւ բյուջետային հարցերի մշտական հանձնաժողովի դրական եզրակացությունը ներկայացրել է հանձնաժողովի նախագահ Ծովինար Վարդանյանը:

Բոլոր լուրերը

Կապակցված լուրեր

ԱՄՆ-ը հաստատել է, որ Բայդենը կմասնակցի G20-ի գագաթնաժողովին

20:15 23.10.2024

ԱՄՆ-ը հաստատել է, որ Բայդենը կմասնակցի G20-ի գագաթնաժողովին

ԱՄՆ վարչակազմը հաստատել է, որ ԱՄՆ նախագահ Ջո Բայդենը մասնակցելու է նոյեմբերին Բրազիլիայում կայանալիք «Քսանյակի» (G20) գագաթնաժողովին։ «Մոտակա մի քանի շաբաթների ընթացքում նա կգնա Բրազիլիա՝ մասնակցելու G20-ի գագաթնաժողովին»,-ասել է նրա ազգային անվտանգության հարցերով օգնական Ջեյք Սալիվանը՝ ելույթ ունենալով Վաշինգտոնում Բրուքինգս ինստիտուտում կայացած սեմինարի ժամանակ: G20-ի գագաթնաժողովը նախատեսվում է անցկացնել Բրազիլիայում նոյեմբերի 18-19-ը։ Հնարավոր է, որ […] ...

Դարպասապահը լողալով փախել է Ուկրաինայից՝ բելառուսական ակումբին միանալու համար

20:05 23.10.2024

Դարպասապահը լողալով փախել է Ուկրաինայից՝ բելառուսական ակումբին միանալու համար

Ուկրաինացի դարպասապահ Դենիս Շելիխովը պայմանագիր է կնքել բելառուսական «Սլավիայի» հետ, հայտնում է ակումբի մամուլի ծառայությունը։ Ինչպես նշում է Sputnik.by-ն, ֆուտբոլիստը փախել է Ուկրաինայից՝ երկար ու մանրակրկիտ ծրագրելով իր փախուստը։ Նա լողալով անցել է Տիսա գետը, որը հոսում է ԵՄ երկրների՝ Հունգարիայի և Ռումինիայի սահմանով, իսկ հետո հասել Բելառուս, որտեղ պայմանագիր է ստորագրել ակումբի հետ՝ որպես […] ...

SHANTNEWS

20:00 23.10.2024

SHANTNEWS

Մոդին հեռացել է Կազանից

19:50 23.10.2024

Մոդին հեռացել է Կազանից

Վարչապետ Նարենդրա Մոդին Կազանից մեկնել է Նյու Դելի՝ ավարտելով իր մասնակցությունը BRICS-ի գագաթնաժողովին։ Այս մասին X սոցիալական ցանցի իր էջում հայտնել է Հնդկաստանի արտաքին գործերի նախարարության պաշտոնական ներկայացուցիչ Ռանդհիր Ջեյսվալը։ «Վարչապետ Նարենդրա Մոդին ավարտում է արդյունավետ այցը Կազան և թռչում դեպի Նյու Դելի»,-գրել է նա: Ավելի վաղ ՌԴ նախագահ Վլադիմիր Պուտինը հրաժեշտ էր տվել Մոդիին […] ...

Ո՞վ է փոխարինել Միշել Տեր-Զաքարյանին

19:40 23.10.2024

Ո՞վ է փոխարինել Միշել Տեր-Զաքարյանին

Ժան Լուի Գասեն դարձավ «Մոնպելյեի» նոր գլխավոր մարզիչը։ Ակումբը որոշել էր բաժանվել Միշել Տեր-Զաքարյանից Լիգա 1-ի 8-րդ տուրում «Մարսելից» 0-5 հաշվով կրած պարտությունից հետո: «Մոնպելյեն» Ֆրանսիայի առաջնության մրցաշարային աղյուսակի վերջին տեղում է՝ 8 խաղից հետո վաստակած 4 միավորով։ Ակումբն այսօր հայտարարել է Ժան Լուի Գասեի՝ գլխավոր մարզչի պաշտոնում նշանակվելու մասին։ 70-ամյա ֆրանսիացի մասնագետը մարզել է […] ...

Չկալովկա գյուղում այրվել է անասնակեր

19:32 23.10.2024

Չկալովկա գյուղում այրվել է անասնակեր

Հոկտեմբերի 23-ին, ժամը 14:57-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Չկալովկա գյուղի 5-րդ փողոցի տներից մեկի բակում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 15։58-ին, մարվել՝ 17։28-ին։ Այրվել է տան բակում կուտակած մոտ 900 հակ անասնակերը։ ...

BACK_TO_TOP