18:05 14.10.2024
ՀՀ քննչական կոմիտեն ավելի վաղ տեղեկացրել էր, որ ԱԺ նախկին պատգամավոր Խ․ Քոքոբելյանի հոր՝ Տավուշի մարզի Աչաջուր գյուղի 84–ամյա բնակչի առևանգման և ԱԺ նախկին պատգամավորի նկատմամբ առանձնապես խոշոր չափերի շորթում կատարելու վերաբերյալ քրեական վարույթից անջատված մասը 17․07․2023թ․, 4 անձի վերաբերյալ մեղադրական եզրակացությամբ, ուղարկվել է դատարան։ Իսկ մայր քրեական վարույթով նախաքննությունը շարունակվել է, որի շրջանակներում բացահայտվել է ենթադրյալ հանցավոր խմբի ևս մեկ անդամի ինքնությունը, ով Իրանի Իսլամական Հանրապետության քաղաքացի է:
Մասնավորապես, ՀՀ քննչական կոմիտեի ՀԿԳ ՔԳՎ մարդու դեմ ուղղված հանցագործությունների քննության վարչությունում իրականացված քննչական և վարութային մեծածավալ գործողությունների արդյունքում փաստական տվյալներ են ձեռք բերվել այն մասին, որ, ԻԻՀ նշված քաղաքացին Ս․Մանուկյանի և մի խումբ այլ անձանց հետ նախնական համաձայնություն է ձեռք բերել 84–ամյա տղամարդուն առևանգելու և շորթմամբ վերջինիս հարազատներից առանձնապես խոշոր չափերի՝ 3.000.000 ԱՄՆ դոլար պահանջելու շուրջ։ Գտնվելով Իրանի Իսլամական Հանրապետությունում, իրենց գործողությունները հնարավորինս քողարկված իրականացնելու և հետագայում բացահայտվելու ռիսկերը նվազեցնելու նպատակով, վերը նշված գումարը կրիպտոարժույթի տեսքով ստանալու համար թվային արժույթի դրամապանակ բացելու հարցով ԻԻՀ քաղաքացին դիմել է ԻԻՀ-ում բնակվող իր մտերիմին՝ պատճառաբանելով, որ անձամբ չի կարող դա անել:
Բիթքոինի կրիպտոարժույթի հաշիվ-դրամապանակի տվյալները տրամադրելուց հետո, վերջինս, ԻԻՀ քաղաքացու խնդրանքով ձեռք է բերել նաև օտարերկրյա՝ ուկրաինական վիրտուալ հեռախոսահամար, որով բացել է «WhatsApp» բջջային հավելված: Նշված գործողություններն իրականացվելուց հետո, Ս․ Մանուկյանը, գտնվելով Հայաստանի Հանրապետությունում, հանցավոր խմբի անդամների հետ 2022թ. հուլիսի 27-ին՝ վաղ առավոտյան, «Օպել» մակնիշի ավտոմեքենայով գնացել են Տավուշի մարզի Իջևան համայնքի Աչաջուր բնակավայրի 1-ին փողոցում գտնվող տան մոտ, որտեղ դիմակավորված դարանակալել և սպասել են նշված տան 84-ամյա բնակչին: Ժամը 07:00-ի սահմաններում, երբ վերջինս դուրս է եկել իր տան բակից, ֆիզիկական ուժ գործադրելով, նրա կամքին հակառակ նստեցրել են նրան նշված ավտոմեքենան, փակել աչքերն ու բերանը և դուրս բերել գյուղից:
Կարճ ժամանակ անց տարեց տղամարդուն տեղափոխել են «TOYOTA LAND CRUISER PRADO 2.7» մակնիշի ավտոմեքենա, տարել Լոռու մարզի Ծաթեր գյուղ և պահել նույն գյուղի բնակիչներից մեկից վարձակալած հյուրատանը, որտեղ Թ. Պողոսյանը և հանցավոր խմբի մեկ այլ անդամ հերթափոխով, դիմակավորված, մինչև 2022թ. օգոստոսի 2-ը մշտապես գտնվելով նշված տանը՝ հսկել են տարեց տղամարդուն:
Այնուհետև Ս․Մանուկյանը մեկնել է Իրանի Իսլամական Հանրապետություն և հանդիպել ԻԻՀ հիշյալ քաղաքացուն: Շարունակելով իրականացնել իրենց հանցավոր մտադրությունը՝ խմբի անդամները 2022թ. հուլիսի 29-ին՝ ժամը 09:30-ին, տարեց տղամարդու որդուն՝ Խ. Քոքոբելյանին, վերոնշյալ հեռախոսահամարի «WhatsApp» հավելվածի միջոցով հաղորդագրություն են ուղարկել՝ պահանջելով 3 միլիոն դոլար գումար: Բացի այդ, նրանք բազմիցս վերջնագրեր են ներկայացրել ԱԺ նախկին պատգամավորին՝ սպառնալով, որ հաջորդը կլինի վերջինիս որդին:
«WhatsApp» հավելվածի միջոցով իրականացված բանակցությունների արդյունքում համաձայնության են եկել 200.000 ԱՄՆ դոլարի դիմաց ազատ արձակել տարեց տղամարդուն: Նշված գումարից 20.000 ԱՄՆ դոլարն իրենց կողմից նախապես ուղարկված կրիպտոարժույթի հաշվին ստանալուց հետո, 2022թ. օգոստոսի 2-ին Ս․ Մանուկյանը Իրանից վերադարձել է Հայաստան և Ա․ Ք․-ի հետ, իրենց մտերիմից վերցնելով HYUNDAI SONATA 2.4 մակնիշի ավտոմեքենան, ժամը 11:00-ի սահմաններում, Երևան քաղաքից ուղևորվել և ժամը 14:00-ի սահմաններում ժամանել են Ծաթեր բնակավայր: Մինչև վերջիններիս տեղ հասնելը, Թ. Պ․-ն բամբակե և բինտե խծուծներով փակել է տարեց տղամարդու աչքերը, որից հետո վերջինիս տեղափոխել են հիշյալ ավտոմեքենան և հեռացել: Նույն օրը՝ ժամը 17:30-ի սահմաններում, Դիլիջան-Իջևան ավտոճանապարհի անտառապատ գոտում հանցավոր խմբի անդամները տղամարդուն իջեցրել են ավտոմեքենայից, նստեցրել քարի վրա և հեռացել Իջևան քաղաքի ուղղությամբ, որից հետո վերջինիս հարազատներին հաղորդագրությամբ հայտնել են նրա գտնվելու վայրը և պահանջել պայմանավորված գումարի մյուս մասը: Ժամը 18։00-ի սահմաններում 84-ամյա տղամարդը հայտնաբերվել է նշված վայրում: Շարունակելով կատարել ձեռք բերված պայմանավորվածությունը՝ վերջինիս հարազատները վերը նշված եղանակով ևս 20.000 ԱՄՆ դոլար գումարին համարժեք փոխանցում են կատարել հիշյալ կրիպտոարժույթի հաշվին:
Ձեռք բերված բավարար փաստերի հիման վրա ԻԻՀ քաղաքացուն մեղադրանք է ներկայացվել՝ ՀՀ քրեական օրենսգրքի 191-րդ հոդվածի 2-րդ մասի 5-րդ կետով և 258-րդ հոդվածի 3-րդ մասի 3-րդ կետով, նրա նկատմամբ որպես խափանման միջոց է ընտրվել կալանքը։
Նախաքննությունը շարունակվում է։ Պարզվել է, որ վերջինս ՀՀ ՔԿ-ում քննված և մեղադրական եզրակացությամբ դատարան ուղարկված մեկ այլ քրեական վարույթով մեղադրվում է հանցավոր կազմակերպություն ստեղծելու կամ ղեկավարելու, հանցավոր կազմակերպության կողմից իրացման նպատակով առանձնապես խոշոր չափերով թմրամիջոցների ապօրինի շրջանառության, ինչպես նաև հանցավոր կազմակերպության կողմից իրացման նպատակով առանձնապես խոշոր չափերով թմրամիջոցների մաքսանենգության համար։
Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգովդատարանի` օրինական ուժի մեջ մտած դատավճռով:
19:38 14.10.2024
Չինաստանի ԱԳՆ-ն կոչ է արել դադարեցնել բռնությունները Գազայում19:00 14.10.2024
Մոդրիչը մտադիր է նոր պայմանագիր կնքել «Ռեալի» հետ18:22 14.10.2024
Քննարկվել է մշակութային, կրթական կենտրոնի ստեղծման հնարավորությունը18:16 14.10.2024
Վերադարձել եմ մարզումներին․ Իսլամ Մախաչև17:44 14.10.2024
Հոլանդը պատրաստ է տեղափոխվել իսպանական Լա լիգա17:18 14.10.2024
Սփյուռքի գործերի գլխավոր հանձնակատարն այցելել է Մոսկվա17:12 14.10.2024
ԿԸՀ-ն հյուրընկալել է IFES-ի ներկայացուցիչներին17:06 14.10.2024
Որոնք են աշխարհի ուժեղագույն լիգաները16:11 14.10.2024
Ավանեսյանն ու Խաչանովը նահանջել են15:45 14.10.2024
Նա բացառիկ է․ Գվարդիոլան՝ Մեսսիի մասին14:41 14.10.2024
Հերհեր գյուղում անասնագոմ է այրվել14:00 14.10.2024
Օդի ջերմաստիճանը կնվազի 4-7 աստիճանով13:45 14.10.2024
Սուրեն Պապիկյանն ընդունել է ՀՀ-ում Ֆրանսիայի դեսպանին13:32 14.10.2024
Փրկարար ծառայությունն ամփոփել է անցած շաբաթը12:55 14.10.2024
Ղազախստանում կանցկացվեն Հայաստանի մշակույթի օրեր12:50 14.10.2024
Հոկտեմբերի 8-ը նշվում է որպես Տանկիստի օր12:27 14.10.2024
Ապօրինի ծառահատումների դեմ ոստիկանության պայքարը շարունակական է12:12 14.10.2024
Տարադրամի փոխարժեքները հոկտեմբերի 14-ին12:06 14.10.2024
Շրջակա միջավայրի նախարարությունը ամփոփել է նախորդ շաբաթվա աշխատանքը11:35 14.10.2024
Օպերատիվ իրավիճակը հանրապետությունում հոկտեմբերի 11-ից 14-ը10:23 14.10.2024
ՊԵԿ-ն ամփոփել է նախորդ շաբաթվա նորությունները10:14 14.10.2024
Հանրապետության հրապարակից բազմաթիվ օդապարիկներ են բաց թողնվել20:12 14.10.2024
Չինաստանում հայտնաբերվել է մոտ հինգ հազար տարվա «արքայական» դամբարանՉինաստանում հետազոտողները հայտնաբերել են դամբարան, որը մոտ հինգ հազար տարեկան է։ Այս մասին հայտնում է «Սինհուա» գործակալությունը։ Դրա տեղեկություններով՝ երկրի կենտրոնական մասում՝ Հենան նահանգում հայտնաբերված դամբարանը պատկանում է Դավենկուի նեոլիթյան հնագիտական մշակույթին (Ք.ա. 3700-2600 թթ.)։ Դրա մակերեսը հասնում է 17 քմ-ի։ Դամբարանը պարունակում է 350 հնագույն մասունքներ, այդ թվում՝ խեցեղեն, խոզերի ստորին ծնոտներ, որոնք, հավանաբար, […] ...
20:05 14.10.2024
Ուսումնական զորամասում ակտիվ պարապմունքներ ենՀՀ ՊՆ-ն ներկայացրել է տեսանյութ ուսումնական զորամասում ակտիվ պարապմունքների մասին։ ...
19:55 14.10.2024
Տաթևի խաչմերուկից մինչև Սատանի կամուրջ ճանապարհահատվածին կատարվելու են պայթեցման աշխատանքներ«Ճանապարհային դեպարտամենտ» հիմնադրամը տեղեկացնում է, որ հիմնանորոգման աշխատանքներով պայմանավորված՝ Տաթևի խաչմերուկից մինչև Սատանի կամուրջ ճանապարհահատվածի կմ16+580-կմ16+640-ում կատարվելու են պայթեցման աշխատանքներ, ինչի հետևանքով հոկտեմբերի 15-ի ժամը 12.00-ից մինչև հոկտեմբերի 16-ը՝ ժամը 12.00, նշված ճանապարհահատվածը փակ է լինելու երթևեկության համար (պայթեցման աշխատանքներն ավելի շուտ ավարտվելու դեպքում կտրվի լրացուցիչ ինֆորմացիա)։ «Վարորդները նշված փակ ճանապարհահատվածը կարող են շրջանցել Նորավան-Լծեն-Տաթև […] ...
19:45 14.10.2024
ԼՂ-ից բռնի տեղահանվածներից ավելի քան 1400-ը լուծել է զբաղվածության հարցը պետական աջակցության ծրագրովԼՂ-ից բռնի տեղահանված մեր հայրենակիցներից ավելի քան 1400-ը լուծել է զբաղվածության հարցը պետական աջակցության ծրագրով: Մանրամասները՝ ՀՀ կառավարության տեսանյութում։ ...
19:38 14.10.2024
Չինաստանի ԱԳՆ-ն կոչ է արել դադարեցնել բռնությունները ԳազայումԳազայի հատվածում մարդասիրական աղետը չպետք է շարունակվի, և բռնությունը չի կարող լուծել բոլոր կողմերի օրինական մտահոգությունները, ասել է Չինաստանի արտգործնախարար Վան Ին իր իսրայելցի գործընկեր Իսրայել Կացի հետ հեռախոսազրույցում։ «Բոլոր մարդկանց կյանքը հավասարապես արժեքավոր է, անկախ նրանից, թե որ երկրից կամ ռասայից են նրանք: Մարդասիրական աղետը Գազայում չպետք է շարունակվի», – ասել է Վան Յին, […] ...