19:48 09.10.2024
Գերմանիայի նախագահական նստավայրում կայացել է Հայաստանի Հանրապետության նախագահի դիմավորման հանդիսավոր արարողությունը, որին հաջորդել է նախագահներ Վահագն Խաչատուրյանի և Ֆրանկ-Վալտեր Շթայնմայերի հանդիպումը:
Ողջունելով Հանրապետության նախագահին և նրա գլխավորած պատվիրակությանը՝ Գերմանիայի նախագահը նշել է.
«Ուրախ եմ Ձեզ հյուրընկալել Գերմանիայի նախագահական նստավայրում և շնորհակալ եմ, որ ժամանակ գտաք այս հանդիպման, ինչպես նաև Համբուրգի Կայունության համաժողովին մասնակցելու համար:
Բեռլինի «Հատուկ օլիմպիական խաղերին» մեր վերջին հանդիպման ժամանակ մենք քննարկեցինք ձեր տարածաշրջանի տարբեր իրողություններ և զարգացումներ: Ներկայումս էլ առկա են բազմաթիվ հիմնախնդիրներ և հակամարտություններ և այս տեսանկյունից Կայունության համաժողովը կարևոր բովանդակություն ունի՝ ավելի խաղաղ ու զարգացող աշխարհ ունենալու համար:
Պետք է նշեմ, որ Գերմանիան հետաքրքրված է Հայաստանի հետ ինչպես միջմշակութային կապերի, այնպես էլ տնտեսական հարաբերությունների զարգացումը խթանելով և տեղյակ եմ, որ մեր հետաքրքրությունը փոխադարձ է: Հուսով եմ նաև, որ առաջիկայում հնարավոր կլինի իրականացնել Հայաստան այցելելու իմ ցանկությունը»:
Շնորհակալություն հայտնելով ընդունելության համար՝ նախագահ Վահագն Խաչատուրյանն ասել է.
«Պարոն նախագահ, ինձ համար պատիվ է գտնվել Գերմանիայի նախագահական նստավայրում, շնորհակալություն եմ հայտնում նաև Համբուրգի Կայունության համաժողովին հրավերի համար:
Կարևորում եմ համաժողովի բովանդակությունը, որտեղ հնչեցին խաղաղությանը միտված նոր գաղափարներ և հայեցակարգեր: Մենք շատ բարձր ենք գնահատում Հայաստանի և Գերմանիայի միջև առկա սերտ համագործակցությունը ամենատարբեր ուղղություններով, իսկ Գերմանիայի ներկայությունը մեր իրականության մեջ նշանակալի և զգալի է ամենատարբեր ոլորտներում:
Մենք կարևորում ենք և գնահատում Գերմանիայի շարունակական աջակցությունն ու ներդրումը Հայաստանում ժողովրդավարական բարեփոխումների կյանքի կոչման գործում: Վստահ եմ, որ առաջիկայում էլ մեր փոխգործակցությունը շարունակելու է ընդլայնվել տնտեսության, էներգետիկայի, մշակույթի, կրթության և այլ ուղղություններով, ինչի համար առկա է երկկողմանի ցանկություն և զգալի ներուժ»:
Հանդիպման ընթացքում Գերմանիայի նախագահը հետաքրքրվել է մեր տարածաշրջանում տիրող ընդհանուր իրավիճակից և զարգացումներից: Այս համատեքստում Հանրապետության նախագահն ընդգծել է, որ Հայաստանը հաստատակամ կերպով շարժվում է տարածաշրջանում կայուն և հարատև խաղաղության հասնելու ճանապարհով և այս նպատակի համար շրջանառության մեջ է դրել «Խաղաղության խաչմերուկ» ծրագիրը:
Անդրադառնալով Հայաստան-Թուրքիա հարաբերություններին՝ նախագահը նշել է, որ հայկական կողմն ինչպես նախկինում, ներկայումս էլ հանդես է գալիս առանց նախապայմանների հարաբերությունների կարգավորման դիրքից և այս առումով նաև որոշակի քայլեր ձեռնարկվել են սահմանային ենթակառուցվածքների ստեղծման և վերականգնման ուղղությամբ:
Վահագն Խաչատուրյանը շեշտել է, որ Հայաստանի դիրքորոշումն է բոլոր հարևան պետությունների հետ ունենալ կարգավորված և բարիդրացիության սկզբունքների վրա հիմնված հարաբերություններ, ինչը բխում է տարածաշրջանի բոլոր երկրների շահերից:
«Մեզ համար հստակ է, որ առանց խաղաղության, կայունության և բարիդրացիության հնարավոր չէ ունենալ ակնկալվող զարգացումը մեր տարածաշրջանում և, ընդհանարապես ամբողջ աշխարհում»,- ասել է նախագահը:
Զրույցի ընթացքում կողմերը մտքեր են փոխանակել Հայաստանի և Գերմանիայի համագործակցության մի շարք օրակարգային հարցերի շուրջ: Անդրադարձ է կատարվել տարածաշրջանային և գլոբալ մի շարք հիմնախնդիրների, որոնց վերաբերյալ նախագահները ներկայացրել են իրենց դիրքորոշումները:
Զրույցի ավարտին Գերմանիայի նախագահ Ֆրանկ-Վալտեր Շթայնմայերն ընդգծել է, որ Գերմանիան աջակցում է հարևանների հետ բարիդրացիական հարաբերություններ հաստատելու Հայաստանի ձգտումներին և հնարավոր ջանքերը կգործադրի հարավկովկասյան տարածաշրջանում վերջնական խաղաղության հաստատման համար:
20:19 09.10.2024
Բայդենն ու Հարիսը հեռախոսազրույց են ունեցել Նեթանյահուի հետ17:00 09.10.2024
Լուկաշենկոն Պուտինին մեծ հաղթանակներ է մաղթել16:21 09.10.2024
Լիտվան 13 մլն եվրո է հատկացրել Ուկրաինայի վերականգնման համար15:50 09.10.2024
Գնել Սանոսյանն այցելել է «Երևան ՋԷԿ» ՓԲԸ15:05 09.10.2024
Արագածոտնի մարզի Թաթուլ բնակավայրում գործարկվելու է էլեկտրական շչակ14:37 09.10.2024
Հրդեհ անասնագոմի տանիքում10:00 09.10.2024
Հրդեհ Հաղարծին գյուղում22:27 09.10.2024
ԱՄՆ-ն ուժեղացնում է ճնշումը Ալիևի վրա՝ Հայաստանի հետ խաղաղ համաձայնագրի կնքմանը հասնելու համարԲաքվում է ԱՄՆ նախագահ Բայդենի ավագ խորհդական Ջոն Պոդեստան: Այսօր նա հանդիպում է ունեցել Իլհամ Ալիեի հետ: Ի՞նչ են քննարկել: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Ջոն Պոդեստան ԱՄՆ նախագահի՝ Կլիմայի հարցերով միջազգային քաղաքականության գծով ավագ խորհրդականն է, և պարզ է, որ քննարկվել են այդ կլիմայական կոնֆերանսին վերաբերող հարցեր: Եվ հետաքրքիր է, որ ընդամենը […] ...
21:50 09.10.2024
Վարչապետը ներկա է գտնվել «Սինոփսիս Արմենիա»-ի 20-ամյակին նվիրված՝ ՏՏ բնագավառում ամենամյա կրթական պարգևների հանձնման արարողությանըՎարչապետ Նիկոլ Փաշինյանն Ալ. Սպենդիարյանի անվան օպերայի և բալետի ազգային ակադեմիական թատրոնում ներկա է գտնվել «Ճանաչել լավագույններին, խանդավառել հաջորդներին» կարգախոսով հոբելյանական մրցանակաբաշխությանը, որը նվիրված է «Սինոփսիս Արմենիա»-ի 20-ամյակին: Հանդիսավոր երեկոյի ընթացքում ներկայացվել են ՏՏ ոլորտի զարգացմանն ուղղված ծրագրեր, որոնք իրականացվել են Հայաստանի Կառավարության, կրթական համակարգի և բիզնես ու հասարակական կազմակերպությունների հետ։ Այս տարի 20-րդ անգամ […] ...
21:40 09.10.2024
Գազայի հատվածում Իսրայելի հարվածների հետևանքով զոհվել է ավելի քան 175 լրագրողԱվելի քան 175 լրագրող է սպանվել Պաղեստինի Գազայի հատվածում իսրայելական հարվածների հետևանքով անցյալ տարվա աշնանից սկսած ռազմական գործողությունների սկսվելուց ի վեր, չորեքշաբթի հայտնել է գոտու կառավարության մամուլի ծառայությունը։ «Գազայի հատվածում, իսրայելական պատերազմի սկսվելուց ի վեր, լրագրողների զոհերի թիվը հասել է 176-ի», -նշել են անկլավի իշխանությունները: Օգոստոսի սկզբին Al Jazeera-ն հայտնել էր, որ իր թղթակիցը և […] ...
21:29 09.10.2024
Իսրայելի ռազմաօդային ուժերը հոկտեմբերի 1-ից ավելի քան 1100 հարված են հասցրել Լիբանանի հարավինՀոկտեմբերի 1-ից Իսրայելի ռազմաօդային ուժերը ավելի քան 1,1 հազար հարված են հասցրել Հարավային Լիբանանի տարբեր թիրախներին։ Այս մասին հայտնում է բանակի մամուլի ծառայությունը։ Օդային հարվածներն իրականացվել են կործանիչների, հարվածային ուղղաթիռների և անօդաչու թռչող սարքերի միջոցով՝ ցամաքային ստորաբաժանումների հետ համակարգելով՝ աջակցելու Իսրայելի կողմից հոկտեմբերի 1-ին Լիբանանի հարավում մեկնարկած սահմանափակ ցամաքային գործողությանը, հայտնել են բանակից: Ըստ մամուլի […] ...
21:20 09.10.2024
ԱՄՆ-ը դեռ տեղյակ չէ Իրանին Իսրայելի նախատեսած պատասխան հարվածի մանրամասներին. The Wall Street JournalՄիացյալ Նահանգներին դեռևս չի հաջողվել պարզել, թե Իսրայելն ինչպես է պատրաստվում պատասխանել հոկտեմբերի 1-ին Իրանի իրականացրած հրթիռային հարձակմանը: «Արմենպրես»-ի հաղորդմամբ՝ այս մասին հայտնել է ամերիկյան The Wall Street Journal հանդեսը՝ վկայակոչելով ամերիկացի պաշտոնյաներին։ Վերջիններս նշել են, որ Իսրայելն առայժմ հրաժարվում է ամերիկյան վարչակազմին հայտնել պատասխան հարված հասցնելու իր ծրագրերի մանրամասները։ Լրատվամիջոցի հաղորդմամբ՝ Սպիտակ տանը զայրացած […] ...