«Անկախ տեխնոլոգիական զարգացումներից՝ գիրքն այլընտրանք չունի». Ժաննա Անդրեասյանը պարգևատրել է գրադարանային ոլորտի մի շարք աշխատակիցների – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+8.09 oC

«Անկախ տեխնոլոգիական զարգացումներից՝ գիրքն այլընտրանք չունի». Ժաննա Անդրեասյանը պարգևատրել է գրադարանային ոլորտի մի շարք աշխատակիցների

18:12 07.10.2024

Գրադարանավարի օրվա առթիվ այդ ոլորտում ունեցած նշանակալի ավանդի և երկարամյա աշխատանքային գործունեության համար մի շարք պետական և համայնքային կազմակերպությունների աշխատակիցներ պարգևատրվել են ՀՀ ԿԳՄՍ նախարարության շնորհակալագրով և պատվոգրով: Պարգևատրվել են նաև արդեն երրորդ տարին անցկացվող «Լավագույն գրադարան» մրցույթի հաղթող գրադարանները:

Պարգևները հանձնել է ԿԳՄՍ նախարար Ժաննա Անդրեասյանը: Միջոցառմանը ներկա է եղել նաև նախարարի տեղակալ Ալֆրեդ Քոչարյանը:

Նախարար Ժաննա Անդրեասյանը շնորհավորել է ներկաներին մասնագիտական տոնի կապակցությամբ՝ կարևորելով վերջիններիս գործունեությունը հանրության շրջանում ընթերցանությունը խթանելու առումով:

«Գրադարանները մեր կյանքի անբաժանելի մասն են. անկախ տեխնոլոգիական զարգացումներից՝ գիրքն այլընտրանք չունի: Կարող են փոխվել ձևաչափերը, ընթերցանության միջավայրերը, բայց ընթերցանությունը շարունակում է մնալ այն հիմնարար գործիքը, որով հնարավոր է խթանել միտքը և ստեղծարարությունը,- ասել է նախարարը և գնահատելով գրադարանավարի աշխատանքը՝ հավելել,- գրադարանավարի՝ մեկ բառով արտահայտած վերաբերմունքը և մոտեցումը գրքին ընթերցողի համար կարող են դռներ բացել դեպի գրքերի աշխարհ կամ հավերժ փակել: Երեխաների զարգացման գործում ձեր ներդրումը շատ մեծ է, և մենք էլ պետք է հնարավորություն ունենանք դա տեսնել և չափելի դարձնել»:

Ժաննա Անդրեասյանի խոսքով՝ այս ուսումնական տարին հայտարարված է մշակութային կրթության տարի, ինչը ենթադրում է դպրոցների և գրադարանների համատեղ աշխատանք, միջոցառումների ու նախագծերի անցկացում:

Նախարարն անդրադարձել է նախընթաց շաբաթ «Գրադարանների և գրադարանային գործի մասին» օրենքում իրականացված փոփոխություններին՝ նշելով, որ ոլորտում զարգացման նոր հնարավորություններ են սպասվում։ Նոր օրենքում ներառվել է «էլեկտրոնային գրադարան» հասկացությունը, ամրագրվել են գրադարանների ձեռնարկատիրական հնարավորությունները՝ տնտեսական գործունեության ծավալման մասին, որը կարևոր է ոլորտի զարգացման տեսանկյունից: Նախարարի խոսքով՝ կիրականացվեն նաև գույքային համալրման ծրագրեր, կփորձարկվի գրադարանների կառավարման նոր մոդել, կմշակվի ատեստավորման նոր կարգ։

«Ձեր հաջողությունները մեր հաջողություններն են, որոնք ցույց են տալիս, որ ոլորտում կան զարգացումներ՝ ի նպաստ մեր ընթերցասեր հասարակության»,- ասել է Ժաննա Անդրեասյանը՝ գրադարանային ոլորտի մասնագետներին մաղթելով հաջողություններ։

Ներկաներին շնորհավորել է նաև նախարարի տեղակալ Ալֆրեդ Քոչարյանը՝ ընդգծելով այսօրվա իրականությանը համահունչ քայլելու, համայնքներում գրադարանի դերը ուժեղացնելու, նոր ընթերցողների ներգրավելու կարևորությունը, ինչին, ըստ նրա, կնպաստի ձեռնարկատիրական գործառույթի ներառումը:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP