11:32 07.10.2024
ԿԳՄՍ նախարար Ժաննա Անդրեասյանը շնորհավորական ուղերձ է հղել Գրադարանավարի օրվա առթիվ․
«Սիրելի՛ գրադարանավարներ,
սրտանց շնորհավորում եմ մասնագիտական տոնի՝ Գրադարանավարի օրվա առթիվ: Մեծ հաշվով սա տոն է բոլոր նրանց համար, ովքեր սիրում են գիրքը: Տոն է գիրք ստեղծողների, պահպանողների և ընթերցողների համար:
Գրադարանը մարդկությանը հայտնի ամենահին մշակութային հաստատություններից մեկն է: Այստեղ ամբարվում է այն ամենը, ինչ մարդկությունը հայտնաբերել ու կուտակել է հազարամյակներով, այն է՝ համամարդկային գիտելիքներ, գիտական հայտնագործություններ, աշխարհընկալումների ու ճշմարտությանը հասնելու փնտրտուքների վկայություններ: Հետևաբար գրադարանը քաղաքակրթական զարգացումների վերաբերյալ փաստագրական հիշողությունների պահապանն է:
Մարդկության պատմության երկար ժամանակահատվածում գրադարանների սոցիալական գործառույթները զգալի փոփոխություններ են կրել: Այսօր գրադարանները նպաստում են մարդու կրթության իրավունքի իրացմանը, օգնում վայելել մշակույթի ձեռքբերումները, հանգստանալ, ժամանակ անցկացնել և տեղեկատվություն ստանալ: Դրանք նպաստում են գիտության զարգացմանը, հասարակության և յուրաքանչյուրի առաջընթացին:
Տեխնոլոգիաների զարգացման և գլոբալ փոփոխությունների տեմպերը գրադարաններին կանգնեցրել են նոր մարտահրավերների առջև, որոնց դիմագրավելու համար ոլորտի պետական քաղաքականության մեջ իրականացնում ենք համալիր միջոցառումներ:
Ընդամենը օրեր առաջ ՀՀ Ազգային ժողովը հաստատեց «Գրադարանների և գրադարանային գործի մասին» ՀՀ օրենքի փոփոխությունները, որոնցով գրադարանների օգտագործման նպատակներում ամրագրվեցին տնտեսական և ձեռնարկատիրական, գրադարանային աշխատողների ատեստավորման մասին դրույթները, սահմանվեց էլեկտրոնային գրադարան հասկացությունը: Իրավական կարգավորումները նպաստելու են գրադարանների գործառույթների բարելավմանը` գրադարանային հավաքածուների համալրման, պահպանության, ուսումնասիրման, հանրահռչակման, ժամանակակից տեղեկատվական տեխնոլոգիաների կիրառմամբ մշակութային ժառանգության թվանշանացման առումով, ինչպես նաև տեղեկատվական շտեմարանների և միացյալ ավտոմատացված համակարգերի շարունակական զարգացմանը:
Նախարարությունը շարունակում է «Հանրային գրադարանների նյութատեխնիկական բազայի զարգացում» ծրագիրը, որի շրջանակում իրականացվում է հավատարմագրման վկայական ստացած համայնքային գրադարանների նյութատեխնիկական բազայի վերազինում: Արդյունքում՝ ՀՀ մարզերի համայնքային գրադարանների հենքի վրա ստեղծվում են ժամանակակից տեղեկատվական կենտրոններ, ձևավորվում են արդիականացված գրադարաններ:
ՀՀ մարզերում հավատարմագրված 47 համայնքային գրադարաններ վերազինվել են ժամանակակից տեխնիկական միջոցներով, կահավորվել են նոր մասնագիտական կահույքով, իսկ գրադարանային հավաքածուները պարբերաբար համալրվել են պետական աջակցությամբ հրատարակված գրականությամբ: Միայն 2024 թվականին շուրջ 10 հանրային գրադարաններ համալրվել են նոր համակարգիչներով, բազմաֆունկցիոնալ տպիչ սարքավորումներով, նոր կահույքով: Արդիական ընթերցասրահներ են ձևավորվել Սպիտակի, Ջերմուկի, Ապարանի, Ստեփանավանի, Գյումրիի, Վանաձորի, Վայքի, Օձունի, Թալինի, Սիսիանի, Մեղրիի, Արթիկի և համայնքային ենթակայության շուրջ 45 մեծ և փոքր գրադարաններում:
ՀՀ համայնքներում մշակութային և երիտասարդական համալիր ծառայությունների բարելավման, այդ շրջանակում նաև հանրային գրադարանների կառավարման նոր մոդելի ստեղծման նպատակով ԿԳՄՍ նախարարությունը մշակել է մարզերում Համայնքային մշակութային ժամանցային կենտրոնի ձևավորման փորձարարական նոր ծրագիր։ Նպատակադրել ենք առկա մշակութային ենթակառույցների հիման վրա առնվազն 10 մարզային համայնքներում ձևավորել ժամանակակից մշակութային և երիտասարդական միջավայր՝ միտված մշակութային կյանքի ակտիվացմանը, հանրային ընթերցանության խրախուսմանը, գեղագիտական կրթության զարգացմանը, ինտելեկտուալ ժամանցի կազմակերպմանը, երիտասարդական ներուժի բացահայտմանն ու շարունակական զարգացմանը։
Սիրելի՛ գրադարանավարներ, ձեր ջանքերով գրադարանները մարդկանց համար շարունակում են ճանապարհ բացել դեպի գիտության և իմաստության աշխարհ:
Մասնագիտական տոնի նախօրեին շնորհակալություն եմ հայտնում գրադարանների աշխատակիցներին՝ ամենօրյա քրտնաջան աշխատանքի, ազգային և համաշխարհային ժառանգությունը պահպանելու, տեղեկատվություն տրամադրելու և ընթերցողներին մշտապես որակյալ ծառայություններ մատուցելու համար։ Հատուկ երախտիքի խոսք եմ հղում գրադարանային գործի և գրադարանագիտության վետերաններին: Վստահ եմ, որ ձեր աշխատանքը միշտ արժանի արձագանք է գտնում երախտապարտ ընթերցողների սրտերում:
Մաղթում ենք ձեզ քաջառողջություն, բարեկեցություն և ստեղծագործական նորանոր հաջողություններ»:
14:13 07.10.2024
Վթարային ջրանջատում Արմավիրի մարզում հոկտեմբերի 8-ին13:20 07.10.2024
Հայաստանի Մ-21 հավաքականը մարզական հավաք կանցկացնի12:48 07.10.2024
Օդի ջերմաստիճանը հոկտեմբերի 8-ին կբարձրանա ևս 2-3 աստիճանով12:42 07.10.2024
Մետրոյի «Աջափնյակ» կայարանի նախագծի լրամշակված տարբերակը պատրաստ է12:32 07.10.2024
Մասիսի ոստիկաններն ու պարեկները կանխեցին տերմինալից գողության փորձը12:10 07.10.2024
Գողության փորձ «Ջրվեժ անտառապարկի» տարածքից11:57 07.10.2024
Նախորդ շաբաթվա ագրոօդերևութաբանական տեղեկատվությունը11:20 07.10.2024
Լեգենդար Պլասիդո Դոմինգոն համերգ կունենա Երևանում10:50 07.10.2024
Վահագն Խաչատուրյանն աշխատանքային այցով մեկնել է Գերմանիա23:59 06.10.2024
Նիդերլանդները հայտարարել է Ուկրաինային ռազմական օգնության չափը21:55 06.10.2024
Նիդերլանդների պաշտպանության նախարարն այցելել է Խարկով21:30 06.10.2024
Եկել է հրադադարի ժամանակը․ Մակրոնը՝ Նեթանյահուին19:33 06.10.2024
Իսրայելը կրկին հարձակվել է Գազայի դպրոցի վրա17:30 06.10.2024
Գերմանիայում ոստիկանությունը ցրել է ծայրահեղականների հավաքը16:27 06.10.2024
Արենիում հիմնել է «Արհեստանոց» ձեռագործության կենտրոն14:24 06.10.2024
Առաջիկա օրերին օդի ջերմաստիճանը կբարձրանա 3-5 աստիճանով12:55 06.10.2024
Հայաստանի ազգային հավաքականը սկսում է մարզական հավաքը10:00 06.10.2024
Հրդեհ Հերմոն գյուղում21:53 05.10.2024
Հոսանքանջատումներ Երևանում և մարզերում14:20 07.10.2024
Հայաստանը արհեստական բանականության զարգացման աճով դիրքավորվել է որպես տարածաշրջանային տեխնոլոգիական կենտրոն․ ՄանթաշյանՆորարարության և տեխնոլոգիաների համաշխարհային կոնգրեսի` WCIT 2024-ի շրջանակներում ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը մասնակցել է «Կիրառելով Արհեստական բանականության ստեղծագործ և հաղորդակցային ուժը» (Enabling the Creative and Communicative Power of AI) թեմայով պանելային քննարկմանը։ Քննարկմանը մասնակցել են նաև Ուգանդայի գիտության, տեխնոլոգիաների և նորարարության նախարարի տեղակալ Կոսմոս Մվիկիրեձեն և Ռուանդայի ՏՀՏ և նորարարության […] ...
14:15 07.10.2024
Նիկոլ Փաշինյանն հոկտեմբերի 7-8-ին աշխատանքային այցով մեկնել է Ռուսաստանի ԴաշնությունՎարչապետ Նիկոլ Փաշինյանն հոկտեմբերի 7-8-ին աշխատանքային այցով մեկնել է Ռուսաստանի Դաշնություն: Վարչապետը Մոսկվայում կմասնակցի ԱՊՀ պետությունների ղեկավարների խորհրդի հերթական նիստին: ...
14:10 07.10.2024
Միջին նորոգման աշխատանքներ են տարվում Հ-4, Երևան-Եղվարդ-Արագյուղ-Հարթավան-/Մ-3/ ճանապարհի մի հատվածումՄիջին նորոգման աշխատանքներ են տարվում Հ-4, Երևան-Եղվարդ-Արագյուղ-Հարթավան-/Մ-3/ ճանապարհի կմ33+340-կմ40+516 հատվածում։ Մոտ 7.2կմ ճանապարհը ձգվում է Հարթավանից մինչև Երնջատափ։ Միջին նորոգման շրջանակում նշված ճանապարհահատվածում, որը տասնամյակներ շարունակ չէր նորոգվել, կատարվել են փոսային նորոգման աշխատանքներ, երթևեկելի մասի վերին շերտի ֆրեզում։ Այժմ տեղեդրվում է հարթեցնող շերտ և մանրահատիկ ասֆալտբետոնե ծածկ։ Կլրացվեն նաև կողնակները։ Ճանապարհը կգծանշվի, կտեղադրվեն ազդանշանային սյուներ։ […] ...
14:01 07.10.2024
Էլինա Ավանեսյանը պահպանել է դիրքը․ WTAWTA-ն հրապարակել է թենիսիստուհիների թարմացված դասակարգման աղյուսակը, որը շարունակում է գլխավորել լեհ Իգա Շվյոնտեկը։ Լավագույն հնգյակում են նաև Արինա Սոբոլենկոն (Բելառուս), Ջեսիկա Պեգուլան (ԱՄՆ), Կոկո Գաուֆը (ԱՄՆ) և Ելենա Ռիբակինան (Ղազախստան)։ Հայաստանը ներկայացնող Էլինա Ավանեսյանը պահպանել է 47-րդ տեղը։ 22-ամյա թենիսիստուհին ունի 1185 միավոր։ ...
13:55 07.10.2024
Մեկնարկել է ԱՊՀ ԱԳ նախարարների խորհրդի նիստը, որին մասնակցում է ՀՀ ԱԳ նախարար Արարատ ՄիրզոյանըՄոսկվայում մեկնարկել է ԱՊՀ ԱԳ նախարարների խորհրդի նիստը, որին մասնակցում է ՀՀ ԱԳ նախարար Արարատ Միրզոյանը։ Այս մասին հայտնում են ՀՀ ԱԳՆ-ից։ ...
13:50 07.10.2024
Խոշոր հրդեհ Իսակովի պողոտայում գտնվող հիպերմարկետի պահեստային տարածքումՀոկտեմբերի 7-ին, ժամը 12:57-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում: Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և մեկ ավտոսանդուղք։ Հայտարարվել է հրդեհի բարդության «Թիվ 2» կանչ․ դեպքի […] ...