01 10 2024

$

387.11
4.14
€

429.30

+20.09 ^oC

Կառավարության կողմից իրականացվող սուբվենցիոն ծրագրերի շրջանակներում հաստատվել է Գեղարքունիքի մարզի համայնքներից ներկայացրած 15 ծրագիր և 93 ենթածրագիր

Ձայնագրությունը գեներացված է Armenian Text to Speach արհեստական բանականության միջոցով, որն այս պահին գտնվում է թեստավորման փուլում

ՀԱՅԱՍՏԱՆ

17:23 01.10.2024

ՀՀ կառավարության կողմից իրականացվող սուբվենցիոն ծրագրերի շրջանակներում 2024 թվականին միջգերատեսչական հանձնաժողովի կողմից հաստատվել է Գեղարքունիքի մարզի համայնքներից ներկայացրած 15 ծրագիր և 93 ենթածրագիր։

Ինչպես տեղեկացնում են ՏԿԵ նախարարությունից, նշված ծրագրերի պայմանագրային արժեքը կազմում է շուրջ 7 միլիարդ 567 միլիոն 898 հազար 533 դրամ, որից 4 միլիարդ 695 միլիոն 545 հազար 384 դրամը՝ ՀՀ կառավարության, 2 միլիարդ 872 միլիոն 353 հազար 149 դրամը՝ մարզի համայնքների մասնաբաժինն է։

Մարզի 2024 թվականի սուբվենցիոն ծրագրերին ֆինանսապես աջակցել են նաև այլ ներդրողներ՝ 16 միլիոն 845 հազար 332 դրամի չափով։
2024 թվականի սուբվենցիոն ծրագրերի շրջանակներում Գեղարքունիքի մարզի Գավառ համայնքում միջգերատեսչական հանձնաժողովի կողմից հաստատվել է կենսական նշանակության 4 ծրագիր՝ 14 ենթածրագրերով։
Հաստատված ծրագրերի պայմանագրային արժեքը կազմում է 1 միլիարդ 200 միլիոն 717 հազար 700 դրամ, որի 635 միլիոն 331 հազար 600 դրամը ՀՀ կառավարության,565 միլիոն 386 հազար 100 դրամը՝ Գավառի համայնքապետարանի մասնաբաժինն է։

Նշված ծրագրերի շրջանակներում ասֆալտապատվում են Գավառ քաղաքի Դեմիրճյան, Գավառ քաղաքի Հացառատ թաղամասի Բուռնազյան փողոցի 2-րդ նրբանցքը և Կարեյան փողոցը, Գավառ քաղաքի Արծվաքար թաղամասի գերեզմանոց տանող ճանապարհը, Նորատուս բնակավայրի Գրիգոր Լուսավորչի և Սևանի փողոցների 1-ին նրբանցքները, Կարմիրգյուղ բնակավայրի Սերգո Ավետիսյան փողոցի գերեզմանոց տանող հատվածը, Գանձակ բնակավայրի Հակոբ Հակոբյան փողոցը, Սարուխան բնակավայրի Թումանյան և Զ․ Անդրանիկի փողոցները, Հայրավանք բնակավայրի գերեզմանոց տանող ճանապարհը, Ծովազարդ բնակավայրի Գարեգին Նժդեհ, Րաֆֆու փողոցները, Լճափ բնակավայրի Ազատամարտիկների փողոցը և Գեղարքունիք բնակավայրերի Կարեն Դեմիրճյան փողոցը։

Նշված փողոցների ասֆալտապատման ծրագրի պայմանագրային արժեքը կազմում է 892 միլիոն 588 հազար դրամ, որի 50 տոկոսը ՀՀ կառավարության, 50 տոկոսը՝ Գավառի համայնքապետարանի ներդրումն է։ Ծրագիրն իրականացվում է երկու փուլով։ Առաջին փուլի աշխատանքները կավարտվեն մինչև տարեվերջ։

Ոռոգման համակարգ է կառուցվում Գավառ քաղաքի Արծվաքար թաղամասում։ Ծրագրի պայմանագրային արժեքը կազմում է 64 միլիոն 820 հազար դրամ, որի 75 տոկոսը կամ 48 միլիոն 615 հազար դրամը ներդրել է ՀՀ կառավարությունը, 25 տոկոսը կամ 16 միլիոն 205 հազար դրամը՝ Գավառի համայնքապետարանը։ Սեպտեմբեր ամսվա երկրորդ տասնօրյակի դրությամբ իրականացվել է նշված ծրագրի շուրջ 30 տոկոսը։ Ծրագիրը նախատեսված է ավարտին հասցնել 2025 թվականի հուլիս ամսին։

Խմելու ջրագիծ է կառուցվում Գավառ համայնքի Գեղարքունիք և Լանջաղբյուր բնակավայրերում՝ 75 միլիոն 71 հազար դրամի շրջանակներում, որի 75 տոկոսը կամ 56 միլիոն 303 հազար 250 դրամը ՀՀ կառավարության, 25 տոկոսը կամ 18 միլիոն 767 հազար 750 դրամը՝ Գավառի համայնքապետարանի ներդրումն է։ Սեպտեմբեր ամսվա երկրորդ տասնօրյակի դրությամբ իրականացված աշխատանքների ծավալը հասնում է մոտ 15 տոկոսի։
Ծրագիրը նախատեսված է ավարտին հասցնել 2025 թվականի հուլիս ամսին։

168 միլիոն 238 հազար 700 դրամի շրջանակներում գույքի գնման աշխատանքներ են իրականացվում Գավառ քաղաքի թիվ 7 մանկապարտեզի, Գավառ քաղաքի մշակույթի տան և Սարուխան բնակավայրի թիվ 1 մանկապարտեզի կահավորման համար։ Նշված գումարի 50 տոկոսը կամ 84 միլիոն 119 հազար 350 դրամը՝ ՀՀ կառավարության, և նույնքան էլ Գավառի համայնքապետարանի մասնաբաժինն է։ Գործընթացի ավարտը նախատեսված է 2025 թվականի ապրիլ ամսին։

Բաժանորդագրվեք SHANTNEWS.am-ին Telegram-ում

Բոլոր լուրերը

19:42 01.10.2024
Փոթորիկ մեկ բաժակ ջրում․ ՀՀ Քնչական կոմիտեի պարզաբանումը

Կապակցված լուրեր

19:33 01.10.2024

COVID-19-ի և երիկամների առողջության վատթարացման միջև կապ է հայտնաբերվել

Սիչուանի համալսարանի գիտնականները պարզել են, որ COVID-19-ի միջին և ծանր ձևով հիվադացած մարդկանց մոտ երիկամների ֆունկցիայի կտրուկ վատթարացման ռիսկը զգալիորեն մեծ է: Հետազոտության արդյունքները հրապարակվել են Health Data Science ամսագրում: Պարզելու համար, թե ինչպես է COVID-19-ը կապված երիկամների սուր հիվանդության հետ, չինացի գիտնականները վերլուծել են Մեծ Բրիտանիայի Biobank-ի կողմից տրամադրված կամավորների բժշկական տվյալները: Հետազոտությանը մասնակցել […] ...

19:25 01.10.2024

«Բարսելոնայի» 17 ամյա ֆուտբոլիստի հրաժարագինը կազմել է 500 միլիոն եվրո

Կատալոնական «Բարսելոնան» երկարաձգել է պայմանագիրն իսպանացի կիսապաշտպան Մարկ Բերնալի հետ, հայտնում է ակումբի պաշտոնական կայքը։ Նոր համաձայնագիրը նախատեսված է 2+3 ձևաչափով։ Այն գործելու է մինչև 2026 թ. հունիսի 30-ը, իսկ ֆուտբոլիստի 19 տարեկան դառնալուց հետո պայմանագիրն ավտոմատ կերկարաձգվի ևս երեք տարով։ Բերնալի հրաժարագինը լինելու է 500 միլիոն եվրո։ Բերնալը 2024/25 մրցաշրջանում է նորամուտը նշել հիմնական […] ...

19:18 01.10.2024

ԱՄՆ-ը կործանիչներ է տեղափոխվում Մերձավոր Արևելք․ ԶԼՄ-ներ

Միացյալ Նահանգները ռազմաօդային ուժերի լրացուցիչ կործանիչներ է տեղափոխում Մերձավոր Արևելք՝ լիբանանյան «Հըզբոլլահի» վրա Իսրայելի հարձակումից հետո: Այս մասին հայտնում է Air & Space Forces Magazine-ը՝ վկայակոչելով ԱՄՆ պաշտոնյաներին։ «Միացյալ Նահանգները տարածաշրջան կուղարկի երեք լրացուցիչ կործանիչ և հարձակողական ինքնաթիռներ՝ F-16 Fighting Falcon էսկադրիլիա, F-15E Strike Eagle էսկադրիլիա և A-10 Thunderbolt II էսկադրիլիա», – ասվում է հաղորդագրության […] ...

19:11 01.10.2024

Հոկտեմբերի 2-ին էլեկտրականության անջատումներ կլինեն Երևանում և 5 մարզում

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հոկտեմբերի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 11։00-16:00 Չերնիշևսկի փ. 1-77 առանձնատներ, Ս․Դավթի փ. 70/1, 70/2, 70/3 շենքեր, Բելինսկի փ. 1-96 առանձնատներ, 11։00-17:00 Դեմիրճյան փ. 12/14 շենք, Գրիգոր Արծրունու փ. 28 շենք, Սվաճյան փ. 12, 14, 18 շենքեր, 16 […] ...

19:06 01.10.2024

Իսրայելի պաշտպանության բանակի ներկայացուցիչը հայտարարել է, որ Իրանի հնարավոր հարձակումն Իսրայելի վրա հետևանքներ կունենա

Իսրայելի վրա Իրանի հնարավոր հարձակումը «հետևանքներ կունենա», և իսրայելական բանակը պատրաստ է ինչպես պաշտպանական, այնպես էլ հարձակողական գործողությունների: Այս մասին ճեպազրույցում հայտարարել է Իսրայելի բանակի պաշտոնական ներկայացուցիչ Դանիել Հագարին։ «Իրանի հրթիռակոծությունն Իսրայել պետության վրա կունենա հետևանքներ։ Ավելին չեմ ասի»,- ասել է նա։ ...

19:00 01.10.2024

Ֆիլ Ֆոդենը կարիերան ավարտելուց հետո կնվիրվի ձկնորսությանը

«Մանչեսթեր Սիթիի» և Անգլիայի հավաքականի կիսապաշտպան Ֆիլ Ֆոդենը պատմել է, որ ձկնորսության մեծ սիրահար է։ «Երբ անցնեմ թոշակի, վլոգ եմ վարելու ձկնորսության մասին։ Երբ 5 տարեկան էի, հայրս ինձ միշտ իր հետ տանում էր ձկնորսության։ Դրանից հետո սկսեցի սիրել այդ զբաղմունքը։ Ես որսացել եմ շատ ձկներ։ Դա հաճույք է պարգևում ինձ։ Եվրոպայի առաջնության ժամանակ մեր […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.