01 10 2024

$

387.29
4.17
€

433.34

+21.09 ^oC

Համաձայնագրով նախատեսվում է ընդլայնել Գյումրու ճանապարհների վերանորոգման ու լուսավորության ապահովմանն ուղղված աշխատանքները

Ձայնագրությունը գեներացված է Armenian Text to Speach արհեստական բանականության միջոցով, որն այս պահին գտնվում է թեստավորման փուլում

ՀԱՅԱՍՏԱՆ

11:32 01.10.2024

Հայաստանի Հանրապետության ու Վերակառուցման եւ զարգացման եվրոպական բանկի միջեւ ստորագրված վարկային համաձայնագրով վերափոխվել է Գյումրու կենտրոնը, հատկապես՝ լուսավորության եւ ճանապարհների մասով: 2016 թվականին ստորագրված համաձայնագիրն արդյունավետ գործել է, դեռեւս կար 6 մլն եվրո արժողությամբ Գ տրանշը, որը լուսավորությանն է վերաբերում: Իրականացված աշխատանքների արդյունքում պարզվել է, որ լուսավորության փոփոխությունը, սակայն, նաեւ մալուխային ցանցի փոփոխություն է ենթադրում, սա էլ իր հերթին՝ ճանապարհի վերափոխման, դրան զուգահեռ նաեւ մյուս ենթակառուցվածքների՝ ջրի եւ կոյուղու փոփոխության կարիք է առաջանում: Լրացուցիչ ուսումնասիրության արդյունքում պարզվել է, որ լրացուցիչ միջոցների ներգրավման կարիք կա:

Այս մասին հայտնել է ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանը՝ ԱԺ նիստում քննարկման ներկայացնելով ««Հայաստանի Հանրապետության ու Վերակառուցման եւ զարգացման եվրոպական բանկի միջեւ 2016 թվականի մայիսի 11-ին ստորագրված «Գյումրու քաղաքային ճանապարհներ» վարկային համաձայնագրում փոփոխություններ կատարելու մասին» թիվ 2 համաձայնագիրը վավերացնելու մասին» օրենքի նախագիծը:

«Ոչ թե նախկին աշխատանքների ժամկետն ենք երկարաձգում, դրանք արդեն ավարտված են, այլ երկարաձգում ենք ժամկետը միայն վերջին տրանշի, որը բովանդակային փոփոխություն է կրել՝ ե՛ւ կառուցվածքի, ե՛ւ լրացուցիչ միջոցներ ներգրավելու առումով»,- նշել է զեկուցողն ու տեղեկացրել, որ համաձայնագրով 6 մլն եվրո արդեն իսկ կար նախատեսված, 2,7 մլնի չափով առկա էր խնայողություն, եւ 2,7 մլն լրացուցիչ վարկային ռեսուրս ներգրավելու ու ժամկետը երկարաձգելու կարիք էր առաջացել:

Նախատեսվում է բանկից ներգրավել հավելյալ 2,720.000 եվրոյի չափով վարկ` Գյումրի քաղաքի Անի եւ Ավստրիական թաղամասերի ճանապարհների վերանորոգման եւ լուսավորության ապահովման համար: Վարկի բոլոր տրանշների վերջին հասանելիության ժամկետ է սահմանվել 2028 թվականի ավարտը:

«Ժամանակակից էկոլոգիական լուսավորությունն ամբողջ վարկային ռեսուրսի եւ ՎԶԵԲ-ի հետ մեր համագործակցության հիմնարար դրույթներից է»,- փաստել է փոխնախարարը:

ՀՀ ԱԺ ֆինանսավարկային եւ բյուջետայիբն հարցերի մշտական հանձնաժողովի նախագահ Ծովինար Վարդանյանի խոսքով համաձայնագրի Ա, Բ եւ Գ տրանշների շրջանակում արդեն հիմնանորոգվել են Գյումրու մի շարք փողոցներ ու հրապարակներ, նորոգվել են ջրահեռացման համակարգերը, արդիականացվել է դրանց արտաքին լուսավորության համակարգը, եւ այժմ լրացուցիչ միջոցներ ներգրավելու անհրաժեշտություն է առաջացել:

Բաժանորդագրվեք SHANTNEWS.am-ին Telegram-ում

Բոլոր լուրերը

15:14 01.10.2024
Գրիզմանը հեռանում է Ֆրանսիայի հավաքականից

Կապակցված լուրեր

15:14 01.10.2024

Գրիզմանը հեռանում է Ֆրանսիայի հավաքականից

Մադրիդի «Աթլետիկոյի» հարձակվող Անտուան Գրիզմանը պաշտոնապես հայտարարել է Ֆրանսիայի հավաքականում ելույթներն ավարտելու մասին։ «Հիշողություններով լի սրտով փակում եմ կյանքիս այս փուլը։ Շնորհակաություն այս հրաշալի եռագույն արկածների համար և ցտեսություն»,- սոցցանցերում գրել է 33-ամյա ֆուտբոլիստը։ Գրիզմանը 2014 թվականից էր խաղում Ֆրանսիայի հավաքականում, որի կազմում անցկացրել է 137 հանդիպում, դարձել 44 գոլի ու 38 գոլային փոխանցման հեղինակ։ […] ...

15:10 01.10.2024

ՀՀ ՊՆ Վազգեն Սարգսյանի անվան ռազմական ակադեմիայի պատվիրակությունն աշխատանքային այց է կատարել Հունաստան

ՀՀ ՊՆ Վազգեն Սարգսյանի անվան ռազմական ակադեմիայի պատվիրակությունն ակադեմիայի պետ, գնդապետ Արսեն Մանգասարյանի գլխավորությամբ սեպտեմբերի 25-27-ն աշխատանքային այց է կատարել Հունաստանի Հանրապետության ռազմաուսումնական հաստատություններ։ Այցի ընթացքում պատվիրակությունը հանդիպել է Հունաստանի ցամաքային զորքերի ռազմական ակադեմիայի պետ, գեներալ-լեյտենանտ Անաստասիոս Պոլիխրոնոսի և Հունաստանի հետևակային դպրոցի պետ, գեներալ-լեյտենանտ Գեորգիոս Ս. Կապրալոսի հետ։ ՀՀ պատվիրակությունը շրջայց է կատարել ռազմաուսումնական հաստատությունների […] ...

15:05 01.10.2024

79 տարեկան հասակում մահացել է երգիչ և կոմպոզիտոր Վյաչեսլավ Դոբրինինը

2024 թվականի հոկտեմբերի 1-ին հայտնի դարձավ, որ 79 տարեկան հասակում մահացել է երգիչ և կոմպոզիտոր Վյաչեսլավ Դոբրինինը։ Վյաչեսլավ Գրիգորևիչ Դոբրինինը (ծննդյան անունը՝ Վյաչեսլավ Գալուստովիչ Անտոնով) ծնվել է 1946 թվականի հունվարի 25-ին Մոսկվայում։ Նրա հայրը զինծառայող Գալուստ Պետրոսյանն էր։ Մայրը՝ Աննա Անտոնովան, աշխատում էր որպես բուժքույր։ Դոբրինինը Ռուսաստանի Դաշնության ժողովրդական արտիստ էր (1996 թ.)։ Նա պարգևատրվել […] ...

15:00 01.10.2024

SHANTNEWS

14:56 01.10.2024

Ահաբեկչություն է տեղի ունեցել Իրանում․ կան զոհեր

Իրանական Սիստան և Բելուջիստան նահանգում անհայտ անձինք ավտոմեքենայից կրակ են բացել մարդկանց վրա։ Ահաբեկչությունն իրականացվել է Իրանի Բենթ քաղաքում (Սիստան և Բելուջիստան նահանգ), կան զոհեր և վիրավորներ, հայտնում է IRNA գործակալությունը։ Ըստ որոշ լրատվամիջոցների՝ զոհվել է 5 մարդ, այդ թվում՝ Բենթ քաղաքի Իսլամական հեղափոխության պահապանների կորպուսի հրամանատար Փարվիզ Քադհոդայը և Բենտի քաղաքային խորհրդի ղեկավար Յուսիֆ […] ...

14:54 01.10.2024

Կարեն Անդրեասյանը որևէ մտադրություն չունի հրաժարական ներկայացնելու․ ԲԴԽ մամուլի քարտուղար

Բարձրագույն դատական խորհրդի նախագահի պաշտոնավարումը որևէ առնչություն չունի Կառավարության որևէ անդամի պաշտոնավարման կամ քաղաքական գործընթացների հետ: Այս մասին Ֆեյսբուքի իր էջում գրել է ԲԴԽ մամուլի քարտուղար Մերի Գևորգյանը։ «Կարեն Անդրեասյանը որևէ մտադրություն չունի հրաժարական ներկայացնելու: Նա վստահաբար կշարունակի աշխատել մինչև իր պաշտոնավարման սահմանադրական ժամկետի ավարտը՝ 2027 թվականի հոկտեմբերի 6-ը»,-գրել է նա: ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.