16:55 27.09.2024
Հ. Իգիթյանի անվան գեղագիտության ազգային կենտրոնը ՀՀ կրթության, գիտության, մշակույթի և սպորտի նախարարության աջակցությամբ իրականացնում է «Շառլ Ազնավուր 100», «Սերգեյ Փարաջանով 100» համահայկական մանկապատանեկան նկարչական մրցույթ-փառատոնը։
Մրցույթ-փառատոնը նախատեսված է Հայաստանի և սփյուռքի 8-18 տարեկան երեխաների և պատանիների համար։ Հիմնական նպատակն է հնարավորություն ընձեռել երեխաներին և պատանիներին ավելի խորը ուսումնասիրելու և ծանոթանալու Շառլ Ազնավուրի և Սերգեյ Փարաջանովի ստեղծագործական գործունեությանը և ժառանգությանը, հետևաբար՝ ավելի ընդլայնելու իրենց գիտելիքները և հմտությունները արվեստի ոլորտում, զարգացնել գեղագիտական ճաշակը և վերլուծական կարողությունները։
Առցանց դասընթացների արդյունքում երեխաները կկարողանան յուրովի ներկայացնել և մեկնաբանել Շառլ Ազնավուրի և Սերգեյ Փարաջանովի ստեղծագործությունները, որն էլ հնարավորություն կընձեռի ցուցահանդեսի այցելուներին դիտարկելու արվեստագետներին երեխաների տեսանկյունից և իրենց մոտեցմամբ։ Ծրագրի շրջանակում երեխաները և պատանիները վիրտուալ ձևաչափով կծանոթանան Փարաջանովի ստեղծագործական գործունեությանը և ժառանգությանը, թանգարանին և թանգարանում առկա ցուցանմուշներին: Նրանք կենտրոնի կողմից առաջարկվող համապատասխան մասնագետների հետ առցանց դասընթացների միջոցով կծանոթանան նաև Սերգեյ Փարաջանովի և Շառլ Ազնավուրի կյանքին և ստեղծագործական գործունեությանը։
Մրցույթ-փառատոնի անցկացման կարգ՝
Առաջին փուլ՝ ԳՐԱՆՑՈՒՄ (13.09.2024 թ. – 30.09.2024 թ.)
Հայաստանի և սփյուռքի կրթօջախների սաները և անհատները կարող են գրանցվել առցանց հղման միջոցով՝ https://forms.gle/eA92N32u6r7EH5Ba7:
Երկրորդ փուլ՝ ՄԱՍՆԱԳԻՏԱԿԱՆ ԱՌՑԱՆՑ ԴԱՍԸՆԹԱՑՆԵՐ, ՀԱՐՑ ՈՒ ՊԱՏԱՍԽԱՆ ԵՎ ՔՆՆԱՐԿՈՒՄ ՄԱՍՆԱԳԵՏՆԵՐԻ ՀԵՏ (01.10.2024 թ. – 10.10.2024 թ.)
Առցանց դասընթացների հոլովակները նախագծի ամբողջ ընթացքում հասանելի կլինեն Գեղագիտության ազգային կենտրոնի յութուբյան ալիքում՝ https://www.youtube.com/@nca_armenia743:
Երրորդ փուլ՝ ԱՇԽԱՏԱՆՔՆԵՐԻ ՍՏԵՂԾՈՒՄ (11․10․2024 թ. – 10․11․2024 թ.)
Աշխատանքների ներկայացման չափորոշիչները՝
Ընդունվում են գեղանկարներ, ինչպես նաև կոլաժներ։
Չափ՝ Ա2, Ա3 տեխնիկա,
նյութեր՝ ջրաներկ, գուաշ, մարկեր, պաստել, մատիտ և այլն։
Նկարչական մրցույթ-փառատոնին կարող են մասնակցել 8-18 տարեկան երեխաները և պատանիներն ամբողջ աշխարհից՝ Հայաստանի և սփյուռքի բոլոր տեսակի կրթօջախների սաները, ինչպես նաև պարզապես ստեղծագործող, սակայն որևէ մասնագիտական հաստատություն չհաճախող երեխաները։ Ընդունվում են բացառապես անհատական աշխատանքներ։
Չորրորդ փուլ՝ ԲՆՕՐԻՆԱԿ ԱՇԽԱՏԱՆՔՆԵՐԻ ՈՒՂԱՐԿՈՒՄ (10.11.2024 թ. – 10.12.2024 թ.)
Մասնակիցները պետք է ներկայացնեն իրենց աշխատանքների բնօրինակները` ցուցադրման համար: Փոստային կնիքի ամսաթիվը պետք է դրված լինի 01.11.2024 թ. – 10.11.2024 թ. ժամանակահատվածում: Աշխատանքները կարելի է ներկայացնել նաև Գեղագիտության ազգային կենտրոնի գրասենյակ (հասցե՝ ք․ Երևան, Աբովյան 13)։
Հինգերորդ փուլ՝ ԱՇԽԱՏԱՆՔՆԵՐԻ ԸՆՏՐՈՒԹՅՈՒՆ (10․12.2024 թ. – 20.12.2024 թ.)
Մասնագիտական հանձնաժողովի կողմից կընտրվեն ծրագրի ամփոփիչ ցուցահանդեսին ներկայացվող աշխատանքները և մրցանակակիրները։ Մրցույթ-փառատոնում ընտրությունը կկատարվի երկու տարիքային խմբով՝ 8-12 տարեկան և 13-18 տարեկան։ Յուրաքանչյուր տարիքային խմբում մասնակիցների համար կսահմանվեն 1-ին, 2-րդ, 3-րդ հորիզոնականների մրցանակներ։
Նախագծի ավարտին մասնագիտական հատուկ հանձնաժողովի կողմից ընտրված լավագույն աշխատանքները հունվարի 9-ին կցուցադրվեն Գեղագիտության ազգային կենտրոնի թանգարանում՝ հատուկ ցուցահանդեսով։
Մասնակիցներին կտրվեն մասնակցության վկայականներ, իսկ հաղթողներին՝ նաև մրցանակներ:
Լրացուցիչ հարցերի դեպքում կարող եք դիմել Գեղագիտության ազգային կենտրոն՝ զանգահարելով (+374 60) 833-383 կամ (+374 99) 527-114 հեռախոսահամարներով:
10:18 04.04.2025
Երկրաշարժ Ադրբեջանում. այն զգացվել է նաև ՍյունիքումԱպրիլի 4-ին` տեղական ժամանակով ժամը 04:19-ին (Գրինվիչի ժամանակով` ժամը 00։19-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39․28⁰ և արևելյան երկայնության 46.56⁰ աշխարհագրական կոորդինատներով Ադրբեջանում՝ Հայաստանի Կապան քաղաքից 16 կմ հյուսիս-արևելք, օջախի 10 կմ խորությամբ 3․1 մագնիտուդով երկրաշարժ: Երկրաշարժը զգացվել է Կապան քաղաքում 2-3 բալ ուժգնությամբ։ ...
10:14 04.04.2025
Տարադրամի փոխարժեքներն ապրիլի 4-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․60 դրամ, վաճառքի նվազագույն արժեքը՝ 4․7 դրամ: ...
10:00 04.04.2025
Հարավային Կորեայի Սահմանադրական դատարանը հաստատել է նախագահի իմփիչմենթըԿորեայի Հանրապետության Սահմանադրական դատարանը միաձայն հաստատել է նախագահ Յուն Սեոկ Յոլի իմփիչմենթը` վերջնականապես հեռացնելով նրան իշխանությունից։ Այս մասին հայտնում է ՏԱՍՍ-ի թղթակիցը։ Բոլոր ութ դատավորներն էլ պաշտպանեցին իմփիչմենթը: Իշխանությունից վերջնական հեռացման համար անհրաժեշտ էին նրանցից առնվազն վեցի ձայները։ Դեկտեմբերի 14-ին խորհրդարանը իմպիչմենտի ենթարկեց Յուն Սեոկ Յոլին՝ ռազմական դրության դեպքերի պատճառով։ Յուն Սեոկ Յոլը հերքել է […] ...
09:50 04.04.2025
Reuters․ Նեթանյահուն հաջորդ շաբաթ կարող է այցելել ԱՄՆԱՄՆ նախագահ Դոնալդ Թրամփը հայտարարել է, որ Իսրայելի վարչապետ Բենիամին Նեթանյահուն հաջորդ շաբաթ կարող է գալ ԱՄՆ։ Այս մասին հայտնում է Reuters-ը։ Բացի այդ, ամերիկացի առաջնորդը հաստատել է Նեթանյահուի հետ զրույցի փաստը։ Հնարավոր այցի մասին այլ մանրամասներ չեն հաղորդվում։ Ավելի վաղ Իսրայելի վարչապետի գրասենյակը հայտնել էր, որ Բուդապեշտում գտնվող Նեթանյահուն և Հունգարիայի վարչապետ Վիկտոր Օրբանը […] ...
09:41 04.04.2025
Դիլիջանի «Լեռնային Հայաստան» առողջարան տանող ճանապարհը հիմնանորոգված է․ ՓաշինյանՀՀ վարչապետ Նիկոլ Փաշինյանը սոցցանցի իր էջում տեսանյութ է հրապարակել եւ կից գրել է. «Դիլիջանի «Լեռնային Հայաստան» առողջարան տանող ճանապարհը հիմնանորոգված է»։ Տեսանյութն՝ այստեղ։ ...
09:40 04.04.2025
Վենս. Եվրոպան սխալվում է՝ Ռուսաստանին անվանելով իր գլխավոր սպառնալիքըԵվրոպացի քաղաքական գործիչները սխալվում են՝ պնդելով, թե Ռուսաստանն է Եվրոպայի գլխավոր սպառնալիքը, մինչդեռ, իրականում, սպառնալիքը գալիս է իրենց ներքին խնդիրներից։ Այս մասին Newsmax-ին տված հարցազրույցում ասել է ԱՄՆ փոխնախագահ Ջ.Դ.Վենսը։ «Պետք է խոստովանենք. Եվրոպայի համար գլխավոր սպառնալիքը Չինաստանը կամ Ռուսաստանը չեն, հիմնական սպառնալիքը նրանց ներքին խնդիրներն են՝ միգրացիոն քաղաքականությունը, որը քայքայում է Եվրոպայի մշակութային հիմքը, […] ...
