25 09 2024

$

387.50
4.20
€

433.50

+20.09 ^oC

Երևանի 31-ամյա բնակչի առողջությանը ծանր մարմնական վնաս պատճառելու վարույթով մեղադրյալները հայտնաբերվել են. ՔԿ

Ձայնագրությունը գեներացված է Armenian Text to Speach արհեստական բանականության միջոցով, որն այս պահին գտնվում է թեստավորման փուլում

ԻՐԱՎՈՒՆՔ

18:16 25.09.2024

ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում շարունակվում է Երևանի 31–ամյա բնակչի առողջությանը ծանր մարմնական վնաս պատճառելու դեպքի առթիվ նախաձեռնված քրեական վարույթի նախաքննությունը։

Ավելի վաղ Քննչական կոմիտեն տեղեկացրել էր, որ 2024 թվականի սեպտեմբերի 7-ին «Կրծքավանդակի թափանցող և հետույքի բազմակի կտրած ծակած վերքեր, քթի ոսկրերի կոտրվածք» ախտորոշմամբ «Միքայելյան վիրաբուժության» բժշկական կենտրոն էր տեղափոխվել Երևան քաղաքի 31–ամյա բնակիչը։

Դեպքի առթիվ նախաձեռնված քրեական վարույթի նախաքննության ընթացքում իրականացված քննչական և վարութային գործողությունների արդյունքում պարզվել էր, որ հիշյալ քաղաքացին մարմնական վնասվածքը ստացել է Տոլբուխինի փողոցում Երևան քաղաքի 24 և 34–ամյա բնակիչների հետ տեղի ունեցած վիճաբանության ժամանակ։

Հիշյալ տղամարդկանց նկատմամբ ՀՀ քրեական օրենսգրքի 166-րդ հոդվածի 2-րդ մասի 5-րդ և 6-րդ կետերով հարուցվել էր հանրային քրեական հետապնդում, և որոշում էր կայացվել ազատության մեջ գտնվող մեղադրյալներին ձերբակալելու մասին, որի կատարումը հանձնարարվել էր ՀՀ ոստիկանության համապատասխան բաժնին:

Նախաքննության ընթացքում ձեռնարկված անհրաժեշտ միջոցառումների արդյունքում հիշյալ անձինք ձերբակալվել են։ ՄԻջնորդություններ են ներկայացվել դատարան՝ նրանց նկատմամբ կալանքը որպես խափանման միջոց ընտրելու վերաբերյալ։ Դատարանի որոշմամբ՝ մեղադրյալներից մեկի նկատմամբ որպես խափանման միջոց կիրառվել է տնային կալանքը, մյուսի նկատմամբ՝ կալանքը:

Նախաքննությունը շարունակվում է։

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:

Բաժանորդագրվեք SHANTNEWS.am-ին Telegram-ում

Բոլոր լուրերը

20:15 25.09.2024
Լեգենդար Ռաուլը կարող է գլխավորել իր նախկին ակումբը

Կապակցված լուրեր

20:15 25.09.2024

Լեգենդար Ռաուլը կարող է գլխավորել իր նախկին ակումբը

Մադրիդի «Ռեալի» և Իսպանիայի հավաքականի լեգենդար հարձակվող Ռաուլ Գոնսալեսը կարող է գլխավորել իր նախկին ակումբը՝ Գելզենկիրխենի «Շալկեն»։ SportBild-ի համաձայն՝ գերմանական ակումբը լրջորեն հետաքրքրված է 57-ամյա մասնագետի ծառայություններով և կապ է հաստատել նրա հետ։ Այժմ Ռաուլը գլխավորում է «Ռեալի» երիտասարդական թիմը՝ «Կաստիլիան»։ Նա դժգոհ է, որ ամռանը ակումբը վաճառել է հեռանկարային խաղացողներից մի քանիսին։ Բացի դրանից, […] ...

20:09 25.09.2024

Մեծ Բրիտանիան հայտարարել է Ուկրաինայի պատճառով սպառազինության սեփական պաշարների սպառման մասին

Մեծ Բրիտանիան, որպես Կիևին իր ռազմական աջակցության մի մաս, սպառել է սեփական զենքի պաշարները, հայտարարել է Մեծ Բրիտանիայի պաշտպանության փոխնախարար Լյուկ Փոլարդը, որը մեջբերում է Times-ը։ «Փոլարդն ասել է, որ բացարձակապես «ճիշտ որոշում» է Ուկրաինային հնարավորինս շատ զենք մատակարարել՝ հավելելով. «Մենք սպառել ենք մեր սեփական պաշարները դա անելու համար», – մեջբերում է նրա խոսքերը թերթը։ […] ...

20:00 25.09.2024

SHANTNEWS

19:54 25.09.2024

«Արսենալի» նախկին դարպասապահին ձերբակալել են անսթափ վիճակում մեքենա վարելու համար

Լևերկուզենի «Բայերի», Լոնդոնի «Արսենալի» և իտալական «Միլանի» նախկին դարպասապահ Յենս Լեմանը կրկին ձերբակալվել է Գերմանիայում։ Օկտոբերֆեստում գարեջուր խմելուց հետո նա որոշել է տուն վերադառնալ իր մեքենայով, սակայն ոստիկանները նրան կանգնեցրել են հենց Մյունխենում։ Լեմանը հրաժարվել է ալկոհոլի թեստ անցնել, ինչի արդյունքում ձերբակալվել է։ Ավելի վաղ 54-ամյա նախկին դարպասապահը տուգանվել էր 420 հազար եվրոյով՝ իր հարևանի […] ...

19:45 25.09.2024

Մասկը հերքում է Իտալիայի վարչապետի հետ ռոմանտիկ հարաբերությունների մասին լուրերը

Ամերիկացի ձեռնարկատեր Իլոն Մասկը հերքել է համացանցում և ԶԼՄ-ներում տարածված այն լուրերը, ըստ որոնց՝ ինքը Իտալիայի վարչապետ Ջորջիա Մելոնիի հետ ռոմանտիկ հարաբերությունների մեջ է: «Ես այնտեղ էի մորս հետ, վարչապետ Մելոնիի հետ ռոմանտիկ հարաբերություններ չունեմ», – գրել է Մասկը «X» սոցիալական ցանցում: Politico-ն ավելի վաղ նշել էր Նյու Յորքում Մելոնիի և Մասկի միջև փոխադարձ շփումները, […] ...

19:38 25.09.2024

Կայացել է ՀՀ ԱԺ-ի և Կիպրոսի Ներկայացուցիչների պալատի միջև համագործակցության միջխորհրդարանական հանձնաժողովների համատեղ նիստը

Նիկոսիայում սեպտեմբերի 24-ին կայացել է Հայաստանի Հանրապետության Ազգային ժողովի եւ Կիպրոսի Հանրապետության Ներկայացուցիչների պալատի միջեւ համագործակցության միջխորհրդարանական հանձնաժողովների համատեղ նիստը: Նիստի ընթացքում մանրամասն անդրադարձ է կատարվել Հայաստան-Կիպրոս բազմաշերտ հարաբերություններին, կարեւորվել միջխորհրդարանական համագործակցությունը թե՛ երկկողմ, թե՛ բազմակողմ հարթակներում: Քննարկվել են Հայաստան-Ադրբեջան խաղաղության գործընթացը եւ տարածաշրջանային անվտանգությանը վերաբերող հարցեր: Անդրադարձ է կատարվել Հայաստանի Հանրապետության եւ Եվրոպական միության […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.