| « | Ապրիլ 2025 | |||||
|---|---|---|---|---|---|---|
| Կ | Ե | Ե | Չ | Հ | Ու | Շ |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
17:34 24.09.2024
Հայ կրթական հիմնարկության ամենամյա գալա-հանդիպման ընթացքում կազմակերպության կրթաթոշակառու շրջանավարտները պարգևատրվել են հավաստագրերով:
ԿԳՄՍՆ արտաքին կապերի և սփյուռքի վարչության պետ Արկադի Պապոյանը նախարարության անունից շնորհավորել է շրջանավարտ-ուսանողներին՝ նշելով, որ կրթաթոշակային ծրագրին մասնակից լինելը նաև պատասխանատվություն է:
«Որպես Հայ կրթական հիմնարկության կրթաթոշակառուներ՝ դուք պետք է ձեր իսկ մասնագիտական գործունեությամբ լավագույնս նպաստեք Հայաստանի Հանրապետության զարգացմանը: Վստահ եմ, որ այս պատգամը բարձր արժեքով կկրեք ընդմիշտ», – ասել է Արկադի Պապոյանը:
Նա ԿԳՄՍ նախարարության անունից շնորհակալություն է հայտնել Հայ կրթական հիմնարկությանը կրթական նախաձեռնությունների իրականացման պատրաստակամության համար.
«Տարիների փորձառությունը վկայում է, որ այդ գործունեությունը շարունակական է և ունի ապագա զարգացում: Ձեր գործունեությամբ դուք նաև նպաստում եք Հայաստանում կրթության նկատմամբ ուսանողների ձգտմանը՝ ի նպաստ մեր երկրի զարգացման»:
Արկադի Պապոյանը ներկաներին նաև տեղեկացրել է, որ ՀՀ կրթության, գիտության, մշակույթի և սպորտի նախարարությունը մշտապես սերտորեն համագործակցում է սփյուռքի համայնքների հետ:
«ԿԳՄՍՆ-ն բավականին մեծ ու լայնածավալ ծրագրեր է իրականացնում սփյուռքի համար, որոնցից են, օրինակ, սփյուռքահայ ուսուցիչների վերապատրաստումները, կրթօջախների՝ դասագրքերով ապահովման ծրագիրը, հայագիտական կենտրոնների ստեղծումն ու գործունեությունը: Բազմաթիվ նախաձեռնություններ կան, որոնցով նպաստում ենք Հայաստան-փփյուռք երկխոսության զարգացմանը և փոխգործակցության ընդլայնմանը»,- ասել է նա:
Երևանյան գրասենյակի գործադիր տնօրեն Արմինե Հարոյանը ներկայացրել է Հայ կրթական հիմնարկության գործունեության ուղղությունները Հայաստանում:
2023/2024 ուսումնական տարում ավելի քան 400 ուսանող է ավարտել իր ուսումնառությունը, սակայն հավաստագիր է ստացել նրանցից մոտ 250-ը. կրթական հաջորդ աստիճան անցնող ուսանողների աջակցությունը շարունակվելու է:
Գալա-հանդիպմանը ներկա են եղել նաև ՀՀ սփյուռքի հարցերով հանձնակատար Զարեհ Սինանյանը, ինչպես նաև Հայ կրթական հիմնարկության լոսանջելեսյան գրասենյակի գործադիր կազմը, կրթաթոշակային հանձնաժողովի անդամները և հովանավորներ:
1950 թվականին ԱՄՆ-ում հիմնադրված Հայ կրթական հիմնարկությունը Հայաստանում կրթաթոշակների հատկացման գործունեությունը սկսել է 2007 թվականից: 2007 թ. կրթաթոշակ ստացող ուսանողների թիվը եղել է ընդամենը 21, 2023 թ. այդ թիվը արդեն հասնում է 1300-ի: Գործունեության 17 տարիների ընթացքում հիմնարկությունը հովանավորել է 5500 ուսանողի՝ տրամադրելով ուսման վարձի 100 տոկոս փոխհատուցում: 2023 թվականից հիմնարկությունը փոխհատուցում է շահառուների ուսման վարձի 50 տոկոսը:
Կրթաթոշակային ծրագրերից բացի՝ ՀԿՀ-ն Հայաստանում ներգրավված է նաև ԹՈՒՄՈ կենտրոնների, Արմաթ լաբորատորիաների, ՔՈԱՖ կենտրոնի ստեղծման գործընթացներում, ինչպես նաև դպրոցաշինական բազմաթիվ ծրագրերում՝ ՀՀ տարբեր բնակավայրերում:
20:38 08.04.2025
Հարձակման լավագույն եռյակները ըստ Goal-իՀեղինակավոր Goal պարբերականը կազմել է 21-րդ դարում եվրոպական ակումբային ֆուտբոլի լավագույն հարձակողական եռյակները: Առաջին տեղը գրավել է «Բարսելոնայի»՝ Լիոնել Մեսսի – Լուիս Սուարես – Նեյմար եռյակը, որը կատալոնական թիմում համատեղ անցկացրել է 3 տարի: Երկրորդ տեղը գրավել է նույն ժամանակ Մարիդի «Ռեալում» ձևավորված Կարիմ Բենզեմա – Գարեթ Բեյլ – Կրիշտիանու Ռոնալդու եռյակը: Goal.com-ի վարկածով 21-րդ […] ...
20:31 08.04.2025
Վահագն Խաչատուրյանն այցելել է ԱՄԷ-ում ՀՀ դեսպանությունԱշխատանքային այցով Արաբական Միացյալ Էմիրություններում գտնվող Հայաստանի Հանրապետության նախագահ Վահագն Խաչատուրյանն այցելել է ԱՄԷ-ում ՀՀ դեսպանություն և հանդիպել Աբու Դաբիի՝ Սորբոնի և Նյու Յորքի համալսարանների հայ ուսանողների հետ: Անմիջական և ջերմ զրույցի ընթացքում նախագահ Խաչատուրյանը հետաքրքրվել է ուսանողների ուսումնառության ընթացքով, ապագայի ծրագրերով և պատասխանել է նրանց հուզող հարցերին: Հանդիպման ժամանակ քննարկվել են նաև ՀՀ-ԱՄԷ հարաբերությունների […] ...
20:26 08.04.2025
«Պաշտպան հայրենյաց» ծրագրի շահառուները շարունակում են համալրել ՀՀ զինված ուժերի պայմանագրայինների շարքերը«Պաշտպան հայրենյաց» ծրագրի շահառուները շարունակում են համալրել ՀՀ զինված ուժերի պայմանագրայինների շարքերը: Այս մասին հայտնում են ՀՀ ՊՆ-ից։ Մանրամասները՝ տեսանյութում։ ...
20:16 08.04.2025
Վահագն Խաչատուրյանն այցելել է Աբու Դաբիի Սրբոց Նահատակաց եկեղեցիՀայաստանի Հանրապետության նախագահ Վահագն Խաչատուրյանն ԱՄԷ աշխատանքային այցի շրջանակներում այցելել է Աբու Դաբիի Սրբոց Նահատակաց եկեղեցի և հանդիպել Արաբական Միացյալ Էմիրությունների, Կատարի և Շրջակայից Հայոց Թեմի Առաջնորդ Գերշ. Տէր Մեսրոպ Արք. Սարգիսեանի և համայնքի ներկայացուցիչների հետ: Այցի ընթացքում անմիջական մթնոլորտում նախագահ Խաչատուրյանը ծանոթացել է համայնքի գործունեությանը: Զրույցի ընթացքում քննարկվել են հայաստանյան և տարածաշրջանային արդի իրողությունները: […] ...
20:06 08.04.2025
15-ամյա ֆուտբոլիստը նորամուտն է նշել Պրեմիեր լիգայումԱնգլիայի առաջնության 31-րդ տուրի «Լեսթեր»-«Նյուքասլ» խաղում նորամուտն է նշել դաշտի տերերի կիսապաշտպան Ջերեմի Մոնգան։ Այս մասին հայտնում է Opta-ն: 15-ամյա ֆուտբոլիստը դարձել է պատմության երկրորդ ամենաերիտասարդ խաղացողը, որը խաղադաշտ է դուրս եկել Պրեմիեր լիգայում: Նորամուտի օրը նա 15 տարեկան և 271 օրական էր: Ռեկորդակիրն «Արսենալի» եզրային հարձակվող Իթան Նվաներին է, որը Պրեմիեր լիգայում նորամուտը նշել […] ...
