19 09 2024

$

387.09
4.21
€

430.83

+20.09 ^oC

Անվտանգության միակ երաշխիքը խաղաղությունն է․ Փաշինյան

ՔԱՂԱՔԱԿԱՆՈՒԹՅՈՒՆ

12:10 18.09.2024

ՀՀ վարչապետ Նիկոլ Փաշինյանի համոզմամբ՝ իր համար անվտանգություն ի վիճակի է ապահովել Հայաստանի Հանրապետությունը՝ տարածաշրջանում խաղաղություն ապահովելու պարագայում։ «Արմենպրես»-ի հաղորդմամբ՝ այս մասին Նիկոլ Փաշինյանն ասաց Համաշխարհային հայկական երկրորդ գագաթնաժողովում արտաքին ու ներքին անվտանգության միջավայրի վերաբերյալ քննարկմանը։

«Աշխարհում չկա երկիր կամ ռազմական բլոկ, որն ի վիճակի է ապահովել անվտանգություն ՀՀ-ի համար։ Իր համար անվտանգություն ի վիճակի է ստեղծել միայն ՀՀ-ն՝ տարածաշրջանում խաղաղություն ապահովելու պարագայում։ Անվտանգության միայն մի երաշխիք կա՝ խաղաղությունը, այլ երաշխիք չկա։

Մեր կառավարության քաղաքականությունն է ստեղծել այդ երաշխիքը՝ հասկանալով հանդերձ դրա դժվարությունները»-ասաց վարչապետը։

Նա նշեց, որ անվտանգության տեսանկյունից Հայաստանում և նրա շուրջ գործընթացները պետք է դիտարկել ավելի լայն և երկարաժամկետ կտրվածքով։

Վարչապետի դիտարկմամբ՝ նախկինում որդեգրված անվտանգության ճարտարապետությունը ցույց է տվել իր «արդյունավետությունը»։

«Անվտանգային ճարտարապետության մեր ընկալումը եղել է այն, որ մենք մեր տարածաշրջանում կարող ենք կոնֆլիկտներ ունենալ բոլոր հնարավոր ուղղություններով, փակ սահմաններով, լարված հարաբերություններով, և մենք կունենանք հեռու կամ ոչ այնքան հեռու դաշնակիցներ, բարեկամներ, ովքեր մեր մեջքին կկանգնեն, որպեսզի տարածաշրջանում ում հետ, ինչ տոնայնությամբ ուզենք խոսենք։

Մեր մտքով չի անցել կամ անցել է՝ չենք բարձրաձայնել, որ դաշնակիցը՝ դաշնակից, բարեկամը՝ բարեկամ, բայց այդ երկրներից յուրաքանչյուրն ունի իր շահը և դրանց համատեքստում, եթե հայկական գործոնը տեղ ունի յուրաքանչյուր երկրի արտաքին և ներքին քաղաքականության մեջ, ապա այդ տեղը ո՛չ առաջնային է, ո՛չ երկրորդային, ո՛չ երրորդային, ո՛չ էլ չորրորդային կամ հինգերորդային։

Մեր մտքով չի անցել, որ այս ճարտարապետության մեջ կա կոնստրուկցիոն սխալ․ այդ երկրներն, իրենց շահերի բերումով, ինչպես կուզեն՝ կվարվեն առաջին հերթին մեզ հետ՝ երրորդ երկրների հետ իրենց հարաբերությունները պարզելու համար։ Ես կարծում եմ՝ երբ մենք խոսում ենք անվտանգության մասին, պետք է առաջին հերթին խոսենք ոչ թե զենք-զինամթերքի մասին, որն ակնհայտորեն շատ կարևոր է, այլ՝ մեր միջավայրում ապրելու կանոնների մասին»,-ընդգծեց Փաշինյանը։

Բաժանորդագրվեք SHANTNEWS.am-ին Telegram-ում

Բոլոր լուրերը

15:12 19.09.2024
Արագածոտնի մարզում բախվել են «Lexus»-ն ու «KamAZ» բետոնախառնիչը. կա տուժած

Կապակցված լուրեր

15:12 19.09.2024

Արագածոտնի մարզում բախվել են «Lexus»-ն ու «KamAZ» բետոնախառնիչը. կա տուժած

Այսօր՝ սեպտեմբերի 19-ին, խոշոր ավտովթար է տեղի ունեցել Արագածոտնի մարզում: Ժամը 10:15-ի սահմաններում Արագածոտնի մարզից դեպի Արմավիրի մարզ տանող ճանապարհահատվածում՝ Աշտարակի վարչական տարածքում, բախվել են Արագածոտնի մարզի բնակիչներ 27-ամյա Սպանդար Ղ.-ի վարած «Lexus» մակնիշի և 62-ամյա Համբարձում Միխայելյանի վարած «KamAZ» մակնիշի բետոնախառնիչը: Ինչպես հայտնում է shamshyan.com-ը, վթարի հետևանքով «Lexus»-ի վարորդը մարմնական վնասվածքներով տեղափոխվել է «Աշտարակ» […] ...

15:06 19.09.2024

Հանդիպում NVIDIA-ի հետ Հայաստանում արհեստական բանականության ներդրման նախադրյալներ զարգացնելու նպատակով

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանն ու նախարարի տեղակալ Ռուբեն Սիմոնյանը Հայաստանում արհեստական բանականության (AI) գործիքների լայն կիրառման առավել նպաստավոր միջավայր ստեղծելու նպատակով ընդունել են NVIDIA-ի ներկայացուցիչներին: Սիլիկոնյան հովտի շուկայական կապիտալիզացիայով ամենախոշոր ընկերություններից մեկը՝ NVIDIA-ն առաջատար է համակարգչային գիտության, գերհամակարգիչների, համակարգչային գրաֆիկայի և արհեստական բանականության մեջ։ Նախարարի առաջին տեղակալ Գևորգ Մանթաշյանը նշել […] ...

15:00 19.09.2024

SHANTNEWS

14:56 19.09.2024

Չեմպիոնների լիգայի մասնակից 36 թիմի տրանսֆերային արժեքները

Transfermarkt-ը ներկայացրել է ֆուտբոլի եվրոպական Չեմպիոնների լիգայի 36 թիմի կազմերի տրանսֆերային արժեքները։ Առաջին տեղում է Իսպանիայի չեմպիոն և Չեմպիոնների լիգայի գավաթակիր Մադրիդի «Ռեալը»՝ 1,34 միլիարդ եվրո արժեքով։ Երկրորդ տեղում է Անգլիայի չեմպիոն «Մանչեսթեր Սիթին»՝ 1,26 միլիարդ եվրո։ Եռյակը եզրափակում է Անգլիայի փոխչեմպիոն Լոնդոնի «Արսենալը»՝ 1,17 միլիարդ եվրո։ Մյուս թիմերի կազմերի արժեքը չի հասնում մեկ միլիարդի։ ...

14:51 19.09.2024

Միջոցներ են ձեռնարկվում արտադրական վտանգավոր օբյեկտներում խախտումների հայտնաբերման և շահագործումն արգելելուց հետո առաջացող խնդիրների վերացման ուղղությամբ

Գործադիրը հավանություն է տվել «Տեխնիկական անվտանգության ապահովման պետական կարգավորման մասին» օրենքում փոփոխություններ և լրացումներ կատարելու մասին», «Հրդեհային անվտանգության մասին» օրենքում լրացում և փոփոխություն կատարելու մասին» և «ՀՀ վարչական դատավարության օրենսգրքում լրացում կատարելու մասին» ՀՀ օրենքների նախագծերին: Նախագծերի ընդունման արդյունքում՝ օրենքներում առաջարկվող նորմերի ամրագրումը կստեղծի իրավական հիմք՝ Տեսչական մարմին վարչական բողոք ներկայացնելու պարագայում կամ Վարչական դատարան՝ […] ...

14:46 19.09.2024

Լուկաշենկոն հայտարարել է Ուկրաինայի հետ համագործակցելու պատրաստակամության մասին

Բելառուսի նախագահ Ալեքսանդր Լուկաշենկոն հայտարարել է, որ պատրաստ է համագործակցել Ուկրաինայի հետ նույն սկզբունքներով, ինչ Դոնեցկի Ժողովրդական Հանրապետության հետ։ Այս մասին հայտնում է BelTA գործակալությունը: «Մենք ոչ ոքի չենք նեղացնում, մենք պատրաստ ենք համագործակցել Ուկրաինայի հետ նույն սկզբունքներով, ինչ Դոնեցկի Ժողովրդական Հանրապետության հետ», – ասել է Բելառուսի նախագահը: Լուկաշենկոն նշել է, որ Բելառուսը Դոնեցկից երեխաներ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.