Հայաստանի և Ֆրանսիայի միջև առկա են երիտասարդական ծրագրերի իրականացման մեծ հնարավորություններ – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+18.09 oC

Հայաստանի և Ֆրանսիայի միջև առկա են երիտասարդական ծրագրերի իրականացման մեծ հնարավորություններ

16:37 17.09.2024

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

ԿԳՄՍ նախարարի տեղակալ Արթուր Մարտիրոսյանն ընդունել է Ֆրանսիայի արտաքին գործերի նախարարության Հայաստանի հետ ծրագրերի համակարգող Ֆլորանս Պրովանդիեին և ՀՀ-ում Ֆրանսիայի դեսպանության Մշակույթի և համագործակցության հարցերով խորհրդականի տեղակալ, կրթական համագործակցության հարցերով կցորդ Դոմինիկ Վեսին։

Հանդիպմանը ներկա է եղել նաև նախարարության Երիտասարդության հարցերի վարչության պետ Զարա Ասլանյանը:

Հանդիպմանը կողմերն անդրադարձել են մի շարք ոլորտներում Հայաստանի և Ֆրանսիայի միջև արդեն իսկ առկա և հաջողությամբ իրականացվող տարաբնույթ ծրագրերին և միջոցառումներին, այդ թվում՝ 2027 թ. ՀՀ-ում անցկացվելիք Ֆրանկոֆոնիայի մարզամշակութային խաղերին: Նշվել է, որ երկկողմ համագործակցության խթանիչ ուժ կարող են հանդիսանալ նաև երիտասարդները, և այս առումով առկա է չիրացված մեծ ներուժ, որի գործարկումը կարող է դրական ազդեցություն ունենալ երկու երկրների երիտասարդների համար։

Այս համատեքստում Արթուր Մարտիրոսյանը հյուրերին ներկայացրել է ներկայում ԿԳՄՍ նախարարության կողմից տարվող երիտասարդական պետական քաղաքականության գերակա ուղղությունները և դրանցից բխող ծրագրերն ու միջոցառումները։ Մասնավորապես՝ նախարարի տեղակալն անդրադարձել է երիտասարդության ոլորտը կանոնակարգող առաջին հիմնարար փաստաթղթի՝ «Երիտասարդական քաղաքականության մասին» ՀՀ օրենքի նախագծի մշակման աշխատանքներին՝ ընդգծելով դրա մշակման ընթացքում երիտասարդների և շահագրգիռ կողմերի մասնակցայնության բարձր մակարդակը:

Արթուր Մարտիրոսյանը նաև ներկայացրել է ՀՀ մարզերում երիտասարդական կենտրոնների ստեղծման մեծածավալ ծրագիրը, որը պետություն-ՏԻՄ-քաղաքացիական հասարակություն եռակողմ հաջող համագործակցության հիանալի օրինակ է: Հյուրերին ներկայացվել են նաև երիտասարդական պետական դրամաշնորհային ծրագրերը և միջազգային ֆորումները, փորձի փոխանակման և ճանաչողական այցերի օրինակները:

Ֆրանսիայի արտաքին գործերի նախարարության Հայաստանի հետ ծրագրերի համակարգող Ֆլորանս Պրովանդիեն իր հերթին շնորհակալություն է հայտնել Արթուր Մարտիրոսյանին երիտասարդական ծրագրերի և պետական քաղաքականության գերակայությունների մասին ամբողջական և լիարժեք տեղեկատվության ներկայացման համար, ինչը թույլ է տալիս ուրվագծել աշխատանքային քարտեզը և համագործակցության եզրեր նախանշել երկու երկրների երիտասարդության հետ առնչվող կառույցների միջև։ Մասնավորապես՝ Ֆլորանս Պրովանդիեն անդրադարձել է ֆրանսիական AFRAT կազմակերպության գործունեությանը, որը ՀՀ-ում իրականացնում է «Հայաստանի արահետներ» ծրագիրը։ Դրա շրջանակում ՀՀ մարզերում կազմակերպվում են քայլարշավներ և փառատոներ՝ երիտասարդության շրջանում քայլարշավների մշակույթի զարգացման, դրանց միջոցով հայրենաճանաչության, բնության պահպանության, համայնքի, մարզի արժևորման նպատակով։ Այս տարի «Հայաստանի արահետներ» ծրագիրը մեկնարկել է ՀՀ երիտասարդական մայրաքաղաք Գավառում, որի շրջանակում տեղի է ունեցել քայլարշավի 3-րդ փառատոնը և տեղական արտադրանքի և էկոտուրիզմի ու արշավների շուրջ նախաձեռնությունների շուկան։

Հանդիպման ընթացքում Ֆլորանս Պրովանդիեն հետաքրքրվել է նաև մարզային երիտասարդական կենտրոնների գործունեության մեթոդաբանությամբ և կառավարման մոդելով՝ նշելով, որ կարելի է դիտարկել այդ կենտրոններում հայ և ֆրանսիացի կամավորների փոխանակման ծրագրերի իրականացման հնարավորությունը։

Երկուստեք ընդգծվել է երիտասարդության ոլորտում տարբեր ծրագրեր իրականացնելու կարևորությունը։ Մասնավորապես՝ դիտարկվել է երիտասարդական քաղաքականության ոլորտում փորձի փոխանակման, օրենքի նախագծով սահմանվող ոլորտային կառավարման փոխհարաբերությունների համատեքստում ֆրանսիական կողմից փորձագիտական աջակցության և այլ ծրագրերի իրականացման հնարավորությունը:

Կողմերը նշել են, որ երիտասարդության ոլորտում համագործակցության հրաշալի մեկնարկ կլինի հայ-վրացական ֆորումի օրինակով նմանատիպ ծրագրի կազմակերպումը հայ և ֆրանսիացի երիտասարդների միջև, ինչը ոչ միայն հաջող փորձի փոխանակում կլինի, այլ նաև կամրապնդի Հայաստանի և Ֆրանսիայի միջև բարեկամական սերտ կապերը հենց երիտասարդների շրջանում։

Բոլոր լուրերը

Կապակցված լուրեր

Տեղի է ունեցել Պետական եկամուտների կոմիտեի աշխատակիցների շախմատի ամենամյա առաջնությունը

16:10 05.04.2025

Տեղի է ունեցել Պետական եկամուտների կոմիտեի աշխատակիցների շախմատի ամենամյա առաջնությունը

Ապրիլի 5-ին տեղի է ունեցել Պետական եկամուտների կոմիտեի աշխատակիցների շախմատի ամենամյա առաջնությունը։ Թեժ և հետաքրքիր մրցապայքարում առաջին մրցանակը կրկին նվաճել է Էդուարդ Մկրտչյանը՝ առաջնությունն ավարտելով առանց պարտության։ Երկրորդ տեղում Լևոն Անտոնյանն է, իսկ լավագույն եռյակը եզրափակել է Գուրգեն Առաքելյանը։ «Շնորհավորում ենք մեր գործընկերներին՝ գեղեցիկ խաղի, կամքի և հաղթանակի համար։ Մաղթում ենք նոր ձեռքբերումներ թե՛ խաղատախտակի […] ...

Իրանի նախագահը շռայլ ճամփորդության պատճառով պաշտոնանկ է արել փոխնախագահին

15:54 05.04.2025

Իրանի նախագահը շռայլ ճամփորդության պատճառով պաշտոնանկ է արել փոխնախագահին

Իրանի նախագահ Մասուդ Փեզեշքիանը  պաշտոնից ազատել է խորհրդարանական հարցերով փոխնախագահ Շահրամ Դաբիրիին՝ Նովրուզի ժամանակ կատարած շռայլ անձնական ճամփորդության համար: «Արմենպրես»-ի փոխանցմամբ՝ այս մասին հայտնում է IRNA-ն: Իրանի նախագահն իր հրամանագրում նշել է, որ Դաբիրիի ճամփորդության մասին զեկույցը ուսումնասիրելուց հետո որոշել է պաշտոնանկ անել նրան: «Հաշվի առնելով բազմաթիվ տնտեսական դժվարությունները, որոնց բախվել է հանրությունը, պաշտոնյաների շռայլ […] ...

Արարատի մարզում բախվել են «Mercedes» բեռնատարը և «ՎԱԶ 2101»-ը․ կա տուժած

15:40 05.04.2025

Արարատի մարզում բախվել են «Mercedes» բեռնատարը և «ՎԱԶ 2101»-ը․ կա տուժած

Այսօր՝ ապրիլի 5-ին, ավտովթար է տեղի ունեցել Արարատի մարզում։ Ժամը 13։45-ի սահմաններում Երևան-Երասխ ավտոճանապարհի 41 կմ հատվածում բախվել են Արարատի մարզի բնակիչներ 62-ամյա Աշոտ Ս․-ի վարած «Mercedes» մակնիշի  բեռնատարը և 32-ամյա Սարիկ Ս․-ի վարած «ՎԱԶ 2101» մակնիշ ավտոմեքենան։ Ինչպես հայտնում է shamshyan.com-ը, վթարի հետևանքով «ՎԱԶ 2101»-ի վարորդը մարմնական վնասվածքներով տեղափոխվել է «Արտաշատ» բժշկական կենտրոն։ Վթարի […] ...

Անչելոտին կարճ պատասխանել է իր ապագայի մասին հարցին

15:28 05.04.2025

Անչելոտին կարճ պատասխանել է իր ապագայի մասին հարցին

Մադրիդի «Ռեալի» գլխավոր մարզիչ Կարլո Անչելոտին կարճ պատասխան է տվել իր ապագայի մասին հարցին․ «Ես երբեք չեմ ասի, որ հեռանում եմ «Ռեալից», — Անչելոտիի խոսքերն է մեջբերում Marca-ն, փոխանցում է armsport.am-ը: «Ռեալն» այս պահին Լա լիգայի մրցաշարային աղյուսակի երկրորդ տեղում է՝ 63 միավորով։ Հաջորդ տուրում Կարլո Անչելոտիի սաները կհանդիպեն «Վալենսիայի» հետ։ ...

Թողարկվել է «ՀՀ գետերի գարնանային վարարումների տարրերի կանխատեսում-2025» տեղեկագիրը

15:12 05.04.2025

Թողարկվել է «ՀՀ գետերի գարնանային վարարումների տարրերի կանխատեսում-2025» տեղեկագիրը

Թողարկվել է «ՀՀ գետերի գարնանային վարարումների տարրերի կանխատեսում-2025» տեղեկագիրը: Այս մասին հայտնում են Հիդրոօդերևութաբանության և մոնիթորինգի կենտրոնից: Հաշվի առնելով նախաձմեռային և ձմեռային ժամանակահատվածների դիտված, և վարարումների ժամանակահատվածի կանխատեսվող հիդրոօդերևութաբանական պայմանները՝ գետերում 2025 թվականի գարնանային վարարումների հոսքի ծավալները և առավելագույն ելքերի մեծությունները սպասվում են նորմաների 50-90%-ի սահմաններում, գետերում ջրի առավելագույն ելքերի անցումները հիմնականում սպասվում են մայիսի […] ...

SHANTNEWS

15:00 05.04.2025

SHANTNEWS

BACK_TO_TOP