18:38 14.09.2018
Ինչպես հայտնի է, այսօր՝ ասուլիսի ժամանակ, «Սանիթեք» ընկերության տնօրեն Նիկոլաս Թավիլը խոսել է այն խնդիրներից, որոնց պատճառով Երևանում պատշաճ աղբահանություն չի կատարվում: Լրագրողները Նիկոլաս Թավիլին հիշեցրել են նաև այն լուրերը, ըստ որոնց՝ ընկերությունը խնդիրներ ունի, քանի որ Երևանի նախկին քաղաքապետ Տարոն Մարգարյանը հրաժարականից հետո տարել է «Սանիթեք»-ում իրեն պատկանող մեքենաները:
Բանախոսն այդ լուրերը բամբասանք է որակել՝ ասելով, որ քաղաքապետի հրաժարականն ու աղբահանության վիճակի վատթարացումը պարզապես համընկնում է:
«Ինչո՞ւ պետք է իմ 30 միլիոնի ներդրումը վտանգի ենթարկեի Տարոն Մարգարյանի համար: Ինչո՞ւ պետք է ընկերության հեղինակությունը, 900 ընտանիքի ապրելու միջոցը ռիսկի տակ դնեմ Տարոն Մարգարյանի կամ այլ որևէ մեկի համար: Պայմանագիրը Երևանի քաղաքապետարանի հետ է կնքվել, ոչ թե որևէ անձի: Մենք փաստերով ենք խոսում, փաստերը դա են ասում: Եթե ապացույցներ կան, ներկայացրեք, ուղղակի չկա նման բան»,- ասել է Թավիլը:
Հարցին՝ ներքին պայմանավորվածություններ էլ չեն եղե՞լ, որոնք հեղափոխության արդյունքում իրականություն չդարձան, «Սանիթեք» ընկերության տնօրենը պատասխանել է.
«Մենք ապաքաղաքական ենք: Ես կիսով չափ հայ եմ և ուզում եմ, որ միջավայրը լավ լինի: Այո՛, մեզ խոստացել էին, որ աղբավայրը ավելի պատշաճ մակարդակի կբերվի, բայց սա գաղտնիք չէ: Բոլոր քաղաքները պետք է ունենան լավ աղբավայրեր»:
Ըստ «Սանիթեք» ընկերության տնօրենի՝ իրենք արդեն 2000 աղբամանի կորուստ են ունեցել, այդ 2000-ից 1000-ն այրվել են՝ պատճառելով 700 հազար դոլարի վնաս:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
