Անցնող աշխատանքային շաբաթը Շրջակա միջավայրի նախարարության կառույցներում

ՀՀ շրջակա միջավայրի նախարարությունը ամփոփել է անցնող աշխատանքային շաբաթը նախարարության կառույցներում։
«Էկոպարեկային ծառայությունում
Ծառայության պետ Վլադիմիր Կիրակոսյանի ղեկավարած աշխատանքային խումբը Գեղարքունիքի և Կոտայքի մարզային վարչության Սևանի տեղամաս աշխատանքային այցի ընթացքում ծանոթացել է պահպանության արդյունավետությունը բարձրացնելու նպատակով էկոպարեկների կողմից գույքագրված կարիքներին և խնդիրներին։
«Հիդրոօդերևութաբանության և մոնիթորինգի կենտրոն»-ում
Տեղի է ունեցել ս.թ. ապրիլի 29-30-ը ՄԱԿ-ի Ուսուցման և գիտահետազոտական ինստիտուտի (UNITAR) կողմից կազմակերպված սեմինարի ընթացքում ձևավորված՝ գլոբալ մակարդակով ներդաշնակեցված դասակարգման, պիտակավորման և փաթեթավորման համակարգի ներդրման ճանապարհային քարտեզի մշակման աշխատանքային խմբի հանդիպումը:
«Զանգեզուր» կենսոլորտային համալիրում
➡ Տնօրեն Արման Մկրտչյանը հյուրընկալել է Գերմանիայի Վերականգնման վարկերի բանկի (KfW) ծրագրերի պորտֆելի ավագ կառավարիչ Ֆրանկ Մյորշլի գլխավորած պատվիրակությանը և «ՊՏԱԾ-Հայաստան» ծրագրի ղեկավար Միշել Բլիմսրիդերին՝ ՊՈԱԿ-ում մինչ օրս իրականացված ծրագրերին և ընթացիկ աշխատանքներին ծանոթանալու նպատակով։
➡ ՊՈԱԿ-ի և «Արահետներ փոփոխության համար» ՀԿ-ի համագործակցության շրջանակում, Կովկասի բնության հիմնադրամի և «Տրանսկովկասյան արահետ» ՀԿ-ի համաֆինանսավորմամբ, ՊՈԱԿ-ին նվիրաբերվել է արահետաշինական գույք՝ ԶԿՀ կողմից կառավարվող հատուկ պահպանվող տարածքների զբոսաշրջային առկա արահետների սպասարկման, ինչպես նաև նոր արահետների ստեղծման աշխատանքների իրականացման նպատակով։
➡ Գիտության և զբոսաշրջության բաժնի աշխատակիցները «Մաքուր ակադեմիա» կրթական ծրագրի շրջանակում անց են կացրել կենսաբազմազանության վերաբերյալ էկոկրթական առցանց դասընթաց՝ «Մաքուր» բնապահպանական ՀԿ-ի անդամների հետ։
«Խոսրովի անտառ» պետական արգելոցում
Տնօրեն Ռադիկ Օղիկյանը հյուրընկալել է ԿԲՀ (CNF) հիմնադիր տնօրեն Դեյվիդ Մորիսոնին, գործադիր տնօրեն Էլիզաբեթ Մեսուդին, ԿԲՀ հայաստանյան ներկայացուցչության տնօրեն Արման Վերմիշյանին, հիմնադրամի աշխատակիցներին:
Հյուրերին ներկայացվել է արգելավայրի ստեղծման նպատակը, խնդիրները, էկոլոգիական առանձնահատկությունները, զարգացման հեռանկարները, դերը և նշանակությունը կենսաբազմազանության՝ հատկապես ջրլող թռչունների պահպանման գործընթացում:
«Դիլիջան» ազգային պարկում
Տնօրեն Ռոբերտ Ալիխանյանը հյուրընկալել է Կովկասի բնության հիմնադրամի հայաստանյան ներկայացուցչության գործադիր տնօրենին և տարածաշրջանային այցով Հայաստանում գտնվող ԿԲՀ (CNF) հիմնադիր տնօրենի գլխավորած պատվիրակությանը։ Քննարկվել են ազգային պարկի գործունեությունը, ներկայացվել են իրականացված ծրագրերն ու ընթացիկ աշխատանքները»,-ասված է հաղորդագրության մեջ։