26 11 2024

$

390.88
3.71
€

411.09

+5.09 ^oC

ՆԳՆ փրկարար ծառայությունն իր ուրույն տեղն ու դերն ունի միջազգային փրկարարական բազմազգ ընտանիքում․ Կամո Ցուցուլյան

ՀԱՍԱՐԱԿՈՒԹՅՈՒՆ

10:15 04.09.2024

ՆԳՆ ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանը շնորհավորական ուղերձ է հղել փրկարարի մասնագիտական տոնի կապակցությամբ․

«Հարգելի՛ գործընկերներ,

փրկարարական ծառայողներ, հարգարժան վետերաննե՛ր,

Շնորհավորում եմ ամենամարդասիրական կառույցի աշխատակցի՝ փրկարարի մասնագիտական տոնի առթիվ, քանզի Փրկարար ծառայության կազմավորումից ի վեր ձեզ է վստահված Հայաստանի Հանրապետության քաղաքացու փրկության և պաշտպանության կարևորագույն առաքելությունը։

Այսօր գնահատանքի խոսքեր եմ հղում ձեզ․․․ Ձեր մարդասիրական աշխատանքն անգնահատելի է բնակչության պաշտպանության, անվտանգության ապահովման և հասարակական կյանքի բնականոն ընթացքի կազմակերպման գործում։

Փրկարարի բարդ աշխատանքը կապված է մշտական ռիսկի հետ, որը պահանջում է զգալի ֆիզիկական և բարոյական ջանք, սակայն անձնվեր և վեհ առաքելությամբ՝ դժվարին և անկոտրում պայքար մղելով բնության տարերքի, արտակարգ իրավիճակների և աղետների դեմ, հաղթահարելով անհաղթահարելին՝ սխրանքներ եք գործում մշտապես և ամենուր՝ վտանգելով ձեր կյանքն ու առողջությունը՝ հաճախ դա անելով մարդկային իրական հնարավորություններից դուրս:

Այս տարի մեզ բաժին ընկավ Հայաստանի Հանրապետության համար վերջին տասնամյակներում թերևս ամենադժվարին ժամանակահատվածը՝ ջրհեղեղի հետևանքով առաջացած աղետին դիմագրավելու մարտահրավերը, սակայն բարձր պատրաստականության, պրոֆեսիոնալ հմտությունների և բոլոր իրավիճակներում արագ կողմնորշվելու շնորհիվ լծվեցինք հետևանքների վերացման գործին, կարողացանք առավելագույնս նվազագույն կորուստներով դուրս գալ դժվարին իրավիճակից և արժանապատվորեն ապահովել բնակչության անվտանգությունը։ Հատկապես ուզում եմ շեշտել կրտսեր կազմի հերոսական և խիզախ աշխատանքը, ովքեր վայրկյան անգամ կանգ չառան բնության տարերքի առաջ, օր ու գիշեր պայքարեցին և արեցին անհնարինը՝ հաղթահարելով վտանգը, փրկելով կյանքեր։

Վերոնշյալի առումով ուզում եմ շեշտել, որ այսօր էլ կանգ չենք առնում և շարունակում ենք միևնույն զգոնությամբ ծառայել՝ դասեր քաղելով, վերագնահատելով և վերլուծելով համակարգի առջև ծառացած խնդիրները, նախանշելով զարգացման և արդյունավետ աշխատանքի նոր ուղղություններն ու հնարավորությունները։

Հպարտությամբ ուզում եմ կրկին շեշտել, որ ՆԳՆ փրկարար ծառայությունն իր ուրույն տեղն ու դերն ունի միջազգային փրկարարական բազմազգ ընտանիքում, քանի որ բարձր պատրաստականությամբ օժտված հայ փրկարարն ունակ է դիմագրավել ոչ միայն սեփական երկրին պատուհասած աղետին, այլև օգնության ձեռք մեկնել աղետի մեջ գտնվող այլ երկրներին, ինչը խոսում է գործառնական և մասնագիտական բարձր պատրաստվածության մասին։

Վերջինիս հավաստումը միջազգային տարբեր հարթակներում և կառույցներում, ինչպես նաև ոլորտի առաջատար մասնագետների կողմից մշտապես բարձր գնահատականի արժանանալն է։

Ներքին գործերի նախարարության կազմում լայնածավալ և արմատական բարեփոխումների փուլ թևակոխած փրկարար ծառայությունը շարունակում է կատարելագործվել և արդիականացվել՝ ժամանակի մարտահրավերներին համահունչ, մարտունակ, արհեստավարժ և դիմակայուն ծառայություն ունենալու նպատակով։

Համոզված եմ, որ ծառայության ընթացքում ի հայտ եկած ամեն մի խոչընդոտ, աղետ և պատահար հաղթահարելու ենք հետևողական և պատրաստակամ աշխատանքի շնորհիվ, ինչը մեր համատեղ արդյունավետ աշխատանքի լավագույն գրավականն է։ Փորձը և ամուր կարգապահությունը, քաջությունն ու մասնագիտական բարձր պատրաստվածությունը հուսալի պատնեշ են ստեղծում ցանկացած արտակարգ իրավիճակների, տեխնածին և բնական աղետների դեմ:

Շնորհակալություն ձեզ՝ փրկության գործում ձեր քաջության, բարեխիղճ ծառայության, հայրենիքի նվիրյալ լինելու համար։

Առանձնահատուկ շնորհավորանք եմ ուզում հղել ծառայողական պարտականությունները կատարելիս զոհված փրկարարների ընտանիքներին՝ մաղթելով համբերություն և բարեկեցություն։

Հավե՛րժ փառք և խոնարհումս՝ զոհված տղաների վառ հիշատակին։

Սիրելի՛ գործընկերներ, վերստին շնորհավորում եմ բոլորիս տոնը, մաղթում ուժ, կորով, անսպառ լավատեսություն և մասնագիտական նորանոր ձեռքբերումներ՝ ի փառս մեր պետության և ժողովրդի բարօրության։

Շնորհավոր տոնդ, փրկարա՛ր․․․»։

Բաժանորդագրվեք SHANTNEWS.am-ին Telegram-ում

Բոլոր լուրերը

21:40 26.11.2024
Մեղրիի լեռնանցքում ձյան տեղումներ են

Կապակցված լուրեր

21:32 26.11.2024

Արմավիրի մարզպետի թեկնածու է առաջադրվել Արգիշտի Մեխակյանը

ՔՊ կենտրոնական գրասենյակում ՀՀ վարչապետ Նիկոլ Փաշինյանի գլխավորությամբ տեղի է ունեցել Վարչության նիստ։ Վարչությունը որոշել է Խոյ խոշորացված համայնքի ղեկավար Արգիշտի Մեխակյանին առաջադրել Արմավիրի մարզպետի թեկնածու։ ...

21:24 26.11.2024

Երկրաշարժ Իրանի Ահար քաղաքից 67 կմ արևմուտք

Սույն թվականի նոյեմբերի 26-ին` տեղական ժամանակով ժամը 20:50-ին (Գրինվիչի ժամանակով ժամը 16։50-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 38․53⁰ և արևելյան երկայնության 46.30⁰ աշխարհագրական կոորդինատներով Իրան՝ Ահար քաղաքից 67 կմ արևմուտք, օջախի 10 կմ խորությամբ 4․4 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6 բալ: Երկրաշարժը […] ...

21:16 26.11.2024

ՔՊ Վարչության հերթական նիստում հաստատեցինք Վայքի, Իջևանի, Վեդիի տ/կ խորհուրդների նախագահներին․ վարչապետ

ՔՊ կենտրոնական գրասենյակում ՀՀ վարչապետ Նիկոլ Փաշինյանի գլխավորությամբ տեղի է ունեցել Վարչության նիստ։ Նիկոլ Փաշինյանը Ֆեյսբուքի իր էջում տեսանյութ է հրապարակել, որին կից գրել է․ «ՔՊ Վարչության հերթական նիստում հաստատեցինք Վայքի, Իջեւանի, Վեդիի տ/կ խորհուրդների նախագահներին։ Վարչությունը նաեւ որոշեց Խոյ խոշորացված համայնքի ղեկավար Արգիշտի Մեխակյանին առաջադրել Արմավիրի մարզպետի թեկնածու»։ ...

21:08 26.11.2024

ՆԳՆ կրթահամալիրում անցկացվել է պարեկների վերապատրաստման հերթական դասընթացը

ՆԳՆ կրթահամալիրում անցկացվել է պարեկային ծառայողների կարողությունների և հմտությունների զարգացմանն ուղղված Հայաստանի ոստիկանության վերապատրաստման ծրագրով (ՀՈՎԾ) հերթական դասընթացը: Ծրագրի նպատակն է նոր մոտեցմամբ ապահովել ՆԳՆ կրթահամալիրն ավարտած և աշխատանքի անցնող պարեկների սահուն ու անխոչընդոտ մուտքն ու ինտեգրումը ծառայություն։ Պարեկային ծառայության Երևան քաղաքի գնդի պարեկ Իլյա Սարգսյանի խոսքով՝ նոր ավարտած և արդեն գործող պարեկային ծառայողներին կցվում […] ...

21:00 26.11.2024

Հուսով եմ` կշարունակեմ հաջողությունների հասնել «Ինտերի» հետ․ Ինձագի

«Ինտերի» գլխավոր մարզիչ Սիմոնե Ինձագին գերմանական «Լայպցիգի» դեմ ՈւԵՖԱ-ի Չեմպիոնների լիգայի հիմնական փուլի 5-րդ տուրի հանդիպման նախախաղային ասուլիսին հույս է հայտնել, որ երկար ժամանակ կմնա միլանյան թիմի ղեկին: «Հուսով եմ, որ երկար ժամանակ կմնամ «Ինտերում», ցանկանում եմ շարունակել զգալ «Սան Սիրոյի» մթնոլորտը։ Այստեղ մենք առավելություն ունենք երկրպագուների շնորհիվ, նրանք առաջ են մղում մեզ։ Ես բախտավոր […] ...

20:55 26.11.2024

G7-ը խոստանում է թույլ չտալ Իրանին միջուկային զենք ձեռք բերել

Յոթնյակի (G7) երկրները վերահաստատել են իրենց վճռականությունը՝ թույլ չտալու Իրանին միջուկային զենք ձեռք բերել։ Այս մասին ասված է Իտալիայում կայացած Յոթնյակի խմբի նախարարների հանդիպման արդյունքներով հայտարարության նախագծում։ «Մենք վերահաստատում ենք մեր վճռականությունը, որ Իրանը երբեք չպետք է ստեղծի կամ ձեռք բերի միջուկային զենք: Մենք կշարունակենք աշխատել այդ ուղղությամբ՝ հակազդելու Իրանի միջուկային էսկալացիային», – նշվում է […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.