12 09 2024

$

387.27
4.23
€

426.81

+26.09 ^oC

Բացահայտվել են Գավառի սոցիալական ապահովության տարածքային բաժնի նախկին պետի կողմից ևս 12 անձից առերևույթ կաշառք վերցնելու դեպքեր

ԻՐԱՎՈՒՆՔ

12:53 22.08.2024

ՀՀ քննչական կոմիտեի հատկապես կարևոր գործերի քննության գլխավոր վարչությունում ավարտվել է ՀՀ սոցիալական ապահովության պետական ծառայության աշխատակազմի Գավառի սոցիալական ապահովության տարածքային բաժնի նախկին պետի կողմից քաղաքացիներից կաշառք ստանալու հերթական դեպքերի առթիվ քննված բազմադրվագ քրեական վարույթով առանձնացված մասով նախաքննությունը:

Հիշեցնենք, որ ավելի վաղ նույն պաշտոնյայի կողմից շուրջ 4 տասնյակ այլ քաղաքացիներից կաշառք ստանալու վերաբերյալ առանձնացված վարույթի նյութերը, մեղադրական եզրակացությամբ, ուղարկվել էին դատարան:

Վարույթն իրականացնող մարմնի կողմից շարունակվել են ապացուցողական և վարութային գործողությունները, որոնց արդյունքում փաստական տվյալներ են ձեռք բերվել՝ նշված պաշտոնյայի կողմից ևս 12 քաղաքացուց կաշառքի դիմաց հակաօրինական գործողություններ կատարելու վերաբերյալ:

Քննությամբ պարզվել է, որ Գավառի սոցիալական ապահովության տարածքային բաժնի նախկին պետը, պաշտոնավարման ընթացքում, պատասխանատու լինելով կենսաթոշակների և նպաստների վերաբերյալ օրենսդրական և այլ իրավական ակտերով սահմանված կարգով պետական կենսաթոշակային համակարգի տվյալների ձևավորման և վարման ապահովման համար և իրավասու լինելով նշանակել, վերահաշվարկել կենսաթոշակները և նպաստները, 2016-2019թթ. ընթացքում իրեն դիմած անձանց, կամ վերջիններիս բարեկամների աշխատանքային ստաժի տարիները պետական կենսաթոշակային համակարգի տվյալների շտեմարանում ավելացնելու, այդ կերպ կեղծ տեղեկություններ մտցնելու, «Պետական կենսաթոշակների մասին» ՀՀ օրենքով սահմանված կարգը խախտելու, այդ անձանց ամսական կենսաթոշակը հասանելիից ավելի չափով վերաձևակերպելու դիմաց թվով 12 քաղաքացուց պահանջել և ստացել է տարբեր չափերի՝ 70․000-ից մինչև 240․000 ՀՀ դրամ կաշառք:

Քննությամբ հիմնավորվել է նաև, որ Գեղարքունիքի մարզի 68-ամյա բնակիչը ՀՀ սոցիալական ապահովության պետական ծառայության աշխատակազմի Գավառի սոցիալական ապահովության տարածքային բաժնի նշված պետին վերջինիս աշխատասենյակում անձամբ առաջարկել է կաշառք՝ իր մատնանշած անձի օգտին վերջինիս 12 ամսվա կուտակված կենսաթոշակը օրենքով սահմանված չափից ավել վերականգնելու և միանվագ ստանալու համար:

Ձեռք բերված բավարար փաստերի հիման վրա սոցիալական ապահովության տարածքային բաժնի պետին մեղադրանք է ներկայացվել՝ ՀՀ նախկին քրեական օրենսգրքի 311-րդ հոդվածի 2-րդ մասով (համապատասխանում է ՀՀ գործող քրեական օրենսգրքի 435-րդ հոդվածի 2-րդ մասի 3-րդ կետին), իսկ Գեղարքունիքի մարզի հիշյալ բնակչին՝ ՀՀ նախկին քրեական օրենսգրքի 312-րդ հոդվածի 1-ին մասով (համապատասխանում է ՀՀ գործող քրեական օրենսգրքի 436-րդ հոդվածի 2-րդ մասի 3-րդ կետին):

Նախաքննությունն ավարտվել է, և վարույթի նյութերը, նշված երկու անձի վերաբերյալ մեղադրական եզրակացությամբ, ուղարկվել են դատարան:

Բաժանորդագրվեք SHANTNEWS.am-ին Telegram-ում

Բոլոր լուրերը

20:52 12.09.2024
Երկրի վրա ուժեղ մագնիսական փոթորիկ է սկսվել

Կապակցված լուրեր

20:52 12.09.2024

Երկրի վրա ուժեղ մագնիսական փոթորիկ է սկսվել

Հինգշաբթի օրը Երկրի վրա սկսվել է G3 մակարդակի ուժեղ մագնիսական փոթորիկ, այս մասին հայտնել է «Ֆոբոս» եղանակային կենտրոնի առաջատար մասնագետ Միխայիլ Լեուսը։ «Երկրի վրա մագնիսական փոթորիկը հասել է մինչև G3 մակարդակի,ինչը դասվում է ուժեղ փոթորիկների շարքը», – գրել է Լեյսը Telegram-ի իր ալիքում: ...

20:45 12.09.2024

ՄԱԿ-ը գնահատել է Գազայի հատվածում Իսրայելի գործողությունների հետևանքով գյուղատնտեսությանը հասցված վնասը

Գազայի հատվածում գյուղատնտեսական ակտիվների 80-96%-ը ոչնչացվել կամ վնասվել է 2024 թվականի սկզբին Իսրայելի ռազմական գործողությունների պատճառով, ասվում է ՄԱԿ-ի Առևտրի և զարգացման համաժողովի զեկույցում։ «Ռազմական գործողության հետևանքով վնասվել կամ ոչնչացվել է Գազայի գյուղատնտեսական ակտիվների 80%-96%-ը, ներառյալ ոռոգման ենթակառուցվածքները, անասնաբուծական ֆերմաները, այգիները, գյուղատնտեսական հողերը, տեխնիկան, պահեստարանները։ Այդ գործողությունների երկարաժամկետ հետևանքները սննդի, պարենային անվտանգության և աղքատության աստիճանի […] ...

20:41 12.09.2024

Կարծում եմ` լավագույնը Մայքլ Ջորդանն է. Մեսսի

Ամերիկյան «Ինտեր Մայամիի» արգենտինացի հարձակվող Լիոնել Մեսսին նշել է սպորտի պատմության լավագույն մարզիկին: «Կարծում եմ` լավագույնը Մայքլ Ջորդանն է։ Նայելով «Վերջին պարը» հեռուստասերիալը` ես ոգեշնչվեցի և ավելին իմացա, թե ով է նա»,- աշխարհի չեմպիոնի խոսքերը մեջբերում է SPORF-ը։ Լեգենդար բասկետբոլիստ Մայքլ Ջորդանը հանդես է եկել «Չիկագո Բուլզի» ու «Վաշինգտոն Ուիզարդսի» կազմում, 6 անգամ դարձել է […] ...

20:36 12.09.2024

Ադրբեջանն այժմ բանակցում է Իրանի տարածքով հաղորդակցություններ անցկացնելու ուղղությամբ․ Հաջիզադե

Ադրբեջանն այժմ բանակցում է Իրանի տարածքով հաղորդակցություններ անցկացնելու ուղղությամբ։ Այս մասին լրատվամիջոցներից մեկին տված հարցազրույցում ասել է Ադրբեջանի ԱԳՆ խոսնակ Այխան Հաջիզադեն։ «Եթե Հայաստանը պնդում է իր ներկայիս դիրքորոշումը, ապա Ադրբեջանը այլընտրանքային տարբերակներ ունի։ Դրանցից մեկը Իրանի տարածքով հաղորդակցությունների անցկացումն է։ Այս առումով համապատասխան աշխատանքներ են տարվում»,-ասել է Հաջիզադեն։ ...

20:32 12.09.2024

Փոթորիկներն ավելի ուժեղ և հաճախակի են քաղաքային բնակավայրերում

Ամառային փոթորիկները հակված են ավելի հաճախակի, ինտենսիվ և կենտրոնացված քաղաքներում, քան գյուղական վայրերում, համաձայն ութ քաղաքների և նրանց հարակից տարածքների նոր մանրամասն դիտարկումների: Արդյունքները կարող են փոխել, թե ինչպես են քաղաքային պլանավորողները պատրաստվում իրենց քաղաքներում ջրհեղեղներին, հատկապես, երբ քաղաքային տարածքներն ընդլայնվում են, և երբ կլիմայի փոփոխությունը փոխում է եղանակային գլոբալ ձևերը: Այս մասին հոդված է […] ...

20:28 12.09.2024

Ներկայացվել է Հայաստանի զբոսաշրջային, ներդրումային ուղեցույցը. վարչապետի համոզմամբ՝ այն կնպաստի ՀՀ-ում տուրիզմի ոլորտի զարգացմանը

Վարչապետ Նիկոլ Փաշինյանը Երևանում ներկա է գտնվել Հայաստանի զբոսաշրջային, ներդրումային ուղեցույցի ներկայացման, հանձնման արարողությանը: Այն մշակվել է ՀՀ էկոնոմիկայի նախարարության Զբոսաշրջության կոմիտեի, Ներդրումների աջակցման կենտրոնի և Զբոսաշրջության համաշխարհային կազմակերպության համագործակցությամբ: Միջոցառմանը ներկա են եղել ՀՀ էկոնոմիկայի նախարար Գևորգ Պապոյանը, ՄԱԿ զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլին, Կառավարության անդամներ, խորհրդարանի պատգամավորներ, զբոսաշրջության ոլորտի ներկայացուցիչներ: Վարչապետն […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.