09 09 2024

$

387.15
4.26
€

427.49

+19.09 ^oC

Սպանության փորձ Փոքր Վեդիում․ 26–ամյա երիտասարդի նկատմամբ հայտարարվել է հետախուզում

ԻՐԱՎՈՒՆՔ

17:17 06.08.2024

2024թ. օգոստոսի 4–ին ՀՀ քննչական կոմիտեի Արարատի մարզային քննչական վարչության Վեդիի քննչական բաժնում հաղորդում է ստացվել այն մասին, որ նույն օրը ժամը 17:20-ին, «կրծքավանդակի ծակած վերք հարցականով» ախտորոշմամբ «Էրեբունի» բժշկական կենտրոն է տեղափոխվել 32–ամյա տղամարդ։

Դեպքի առթիվ ՀՀ քննչական կոմիտեի Արարատի մարզային քննչական վարչության Վեդիի քննչական բաժնում ՀՀ քրեական օրենսգրքի 44-155-րդ հոդվածի 1-ին մասի և 334-րդ հոդվածի 1-ին մասի հատկանիշներով նախաձեռնվել է քրեական վարույթ։

Նախաքննության ընթացքում իրականացված քննչական և վարութային գործողությունների արդյունքում ձեռք բերված փաստական տվյալների համաձայն՝ 2024 թվականի օգոստոսի 4-ին՝ ժամը 00:30-ի սահմաններում, Արարատի մարզի 32–ամյա բնակիչը, մորաքրոջ որդու ծննդյան տարեդարձի կապակցությամբ, գտնվել է Փոքր Վեդի բնակավայրում գործող գարեջրատանը, որտեղ վիճաբանություն է առաջացել մի կողմից նրա և իր մտերիմների, մյուս կողմից՝ 32–ամյա տղամարդու ծանոթների միջև։ Այնուհետև, հիշյալ ծանոթներից մեկի կանչով, մի քանի անձանց հետ գարեջրատուն է գնացել նույն մարզի 26–ամյա բնակիչը, ով տեղյակ լինելով, որ գնում է վիճաբանության վայր, իր մերձավորին նեղացնողներին զենքով պատժելու վճռականությամբ, բացահայտ արհամարհական վերաբերմունք ցուցաբերելով իրավական և բարոյական նորմերի նկատմամբ, իր անձի առավելությունը մյուսների նկատմամբ ընդգծելու նպատակով, սկսել է վիճաբանել 32–ամյա տղամարդու և նրա բարեկամների հետ։

Վիճաբանության ընթացքում 26–ամյա երիտասարդը, իր գործողություններն առավել վտանգավոր դարձնելով ներկաների համար, 32–ամյա տղամարդուն ապօրինաբար կյանքից զրկելու դիտավորությամբ, իր կրած ապօրինի զենքից՝ օդաճնշիճ ատրճանակից, մեկ անգամ կրակել է վերջինիս մարմնի կրծքավանդակի հատվածին, որի հետևանքով 32–ամյա տղամարդը վայր է ընկել, իսկ 26–ամյա երիտասարդն իր հետ խմբի կազմում գործած մյուս անձանց հետ հեռացել է դեպքի վայրից: Վերջինս, իր կամքից անկախ հանգամանքներով պայմանավորված, չի կարողացել հանցագործությունն ավարտին հասցնել․ 32–ամյա տղամարդը տեղափոխվել է «Էրեբունի բժշկական կենտրոն» ՓԲԸ, որտեղ բուժաշխատողների միջամտությամբ հնարավոր է եղել փրկել նրա կյանքը։

Ձեռք բերված բավարար փաստերի հիման վրա միջնորդություն է ներկայացվել հսկող դատախազին՝ 26–ամյա երիտասարդի նկատմամբ ՀՀ քրեական օրենսգրքի 297–րդ հոդվածի 3–րդ մասով, 44–155–րդ հոդվածի 1–ին մասով և 334–րդ հոդվածի 1–ին մասով հանրային քրեական հետապնդում հարուցելու մասին, որը բավարարվել է: Միջնորդություն է ներկայացվել դատարան՝ նրա նկատմամբ կալանքը որպես խափանման միջոց ընտրելու վերաբերյալ, որը ևս բավարարվել է, և 26–ամյա երիտասարդի նկատմամբ հայտարարվել է հետախուզում։

Ոստիկանությանը հանձնարարություն է տրվել 26-ամյա երիտասարդին հայտնաբերելու և վարույթն իրականացնող մարմնին ներկայացնելու վերաբերյալ։

Բաժանորդագրվեք SHANTNEWS.am-ին Telegram-ում

Բոլոր լուրերը

22:30 09.09.2024
Իրանցի դիվանագետը կանչվել է Ուկրաինայի ԱԳՆ

Կապակցված լուրեր

22:30 09.09.2024

Իրանցի դիվանագետը կանչվել է Ուկրաինայի ԱԳՆ

Ուկրաինայի արտաքին գործերի նախարարությունը հայտնել է, որ Իրանի գործերով ժամանակավոր հավատարմատար Շահրիյար Ամուզեգարը կանչվել է Ուկրաինայի ԱԳՆ՝ Ռուսաստանին բալիստիկ հրթիռների ենթադրյալ փոխանցման մասին ԶԼՄ-ների հաղորդագրությունների ֆոնին։ «Սեպտեմբերի 9-ին Ուկրաինայում Իրանի Իսլամական Հանրապետության գործերի ժամանակավոր հավատարմատար Շահրիյար Ամուզեգարը կանչվել է Ուկրաինայի արտաքին գործերի նախարարություն, նրան փոխանցվել է ուկրաինական կողմի խորը մտահոգությունը՝ կապված Իրանի կողմից Ռուսաստանի Դաշնությանը […] ...

22:13 09.09.2024

Ամերիկացի մասնագետները Հայաստանում սկսել են մոդուլային ատոմային ռեակտորների տեղադրման վերաբերյալ հետազոտությունը

Ատոմային էներգիայի ամերիկացի մասնագետները ժամանել են Հայաստան ու տեղում իրականացնում են փոքր մոդուլային ռեակտորների կառուցման հետազատությունները: Այդ մասին «Արմենպրեսին» ասել է տարածքային կառավարման և ենթակառուցվածքների փոխնախարար Հակոբ Վարդանյանը: Ովքե՞ր են այդ մասնագետները, և կոնկրետ ի՞նչ աշխատանք են իրականացվում: Թեմային «Հորիզոնի» տաղավարում անդրադարձել է Արտյոմ Երկանյանը: «Փոխնախարարն ասել է, որ ամերիկացի մասնագետները Հայաստանում զբաղվում են այդ […] ...

22:09 09.09.2024

Տեղի է ունեցել կապիտան Հայրապետ Ստեփանյանի հոգեհանգստի արարողությունը

Սեպտեմբերի 9-ին վերջին հրաժեշտն են տվել ծառայողական պարտականությունները կատարելիս զոհված ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանին։ Հայրապետ Ստեփանյանի ընտանիքի անդամներին ու հարազատներին ցավակցելու էին եկել ՀՀ ներքին գործերի նախարար Վահե Ղազարյանը, նախարարի տեղակալները, ծառայության պետերը, ծառայակից գործընկերները, ՆԳ նախարարության ենթակա ծառայությունների աշխատակիցներ։ Կապիտան Հայրապետ Ստեփանյանը հետմահու պարգևատրվել է «Սխրագործության […] ...

22:05 09.09.2024

Փոխվարչապետ Մհեր Գրիգորյանը և Եվրոպական հանձնաժողովի փոխնախագահ Մարգարիտիս Սխինասը հանդես են եկել հայտարարություններով

Փոխվարչապետ Մհեր Գրիգորյանը նեղ և ընդլայնված կազմերով հանդիպումներ է ունեցել Եվրոպական հանձնաժողովի փոխնախագահ, եվրոպական կենսակերպի հարցերով հանձնակատար Մարգարիտիս Սխինասի հետ: Հանդիպումների ընթացքում քննարկվել են ՀՀ-ԵՄ հարաբերությունների օրակարգի առանցքային հարցերը, մասնավորապես՝ երկուստեք կարևորվել է Համապարփակ և ընդլայնված գործընկերության համաձայնագրի լիարժեք կիրարկումը և ԵՄ տնտեսական և ներդրումային պլանի ներքո մշակված ուղենիշային ծրագրերի արդյունավետ իրականացումը: Զրուցակիցները առանձնակի ընդգծել […] ...

22:00 09.09.2024

SHANTNEWS

21:50 09.09.2024

Ժնևից կոչ են արել ԱՄՆ-ին դադարեցնել կասետային զինամթերքի օգտագործումը, տեղափոխումը, պահեստավորումը

Միացյալ Նահանգները պետք է դադարեցնի կասետային զինամթերքի օգտագործումը, փոխանցումն ու պահեստավորումը, ինչպես նաև նույնը պահանջի իր դաշնակիցներից, ասել է Ժնևում տեղակայված «Կասետային զինամթերքի դեմ կոալիցիա» կազմակերպության ամերիկյան մասնաճյուղը՝ միաժամանակ դատապարտելով նախագահ Ջո Բայդենի վարչակազմին Ուկրաինային նման զենքեր փոխանցելու համար։ «Կասետային զինամթերքի դեմ կոալիցիան» միջազգային շարժում է Ժնևում, որը պայքարում է կասետային զինամթերքի օգտագործման, արտադրության և […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.