Բրիտանական նախկին դեսպանը կարծիք է հայտնել, թե ում կարող էր ձեռնտու լինել Սկրիպալի թունավորումը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+9.09 oC

Բրիտանական նախկին դեսպանը կարծիք է հայտնել, թե ում կարող էր ձեռնտու լինել Սկրիպալի թունավորումը

16:41 02.04.2018

Ուզբեկստանում Մեծ Բրիտանիայի նախկին դեսպան Քրեյգ Մյուրեյն իր կարծիքն է արտահայտել այն մասին, թե ում էր ձեռնտու ռուս նախկին կրկնակի գործակալ Սերգեյ Սկրիպալի և նրա դստեր թունավորումը: Մյուրեյը չի բացառել, որ Ռուսաստանը կարող է տեղի ունեցածի հետ առնչություն ունենալ, սակայն ընդգծել է, որ իրադարձությունների այլ տարբերակներ էլ կարող են լինել, քանի որ ռուսական կողմի մեղքի իրական ապացույցներ չկան:

Մյուրեյը նաև ուշադրություն է դարձրել Բրիտանիայի արտգործնախարար Բորիս Ջոնսոնի, ինչպես նաև այլ պաշտոնյաների կողմից հնչող մեղադրանքների ձևակերպումներին, ըստ որոնց, թույնը բերվել է Ռուսաստանից: Մեծ Բրիտանիայի նախկին դեսպանը նշել է, որ բրիտանական պառլամենտի և ՄԱԿ-ի Անվտանգության խորհրդի պաշտոնական փաստաթղթերում նշված է, որ «դա զենք է, որը նման է Ռուսաստանում մշակված զենքին»:

«Այդ ձևակերպումը շատ տարբերվում է այն մտքից, երբ ասում են, որ դա ռուսական զենք է»,- նշել է նախկին դեսպանը:

Մյուրեյի կարծիքով՝ Սկրիպալների վրա հարձակման մեջ կարող են շահագրգռված լինել ռազմաարդյունաբերական համալիրի ներկայացուցիչները, քանի որ նման իրադարձությունները դրականորեն են ազդում պաշտպանական բյուջեի վրա: Նա համարում է, որ այս միջադեպը նոր Սառը պատերազմ է հրահրում:

«Բրիտանիայում պաշտպանական ոլորտում շուրջ 100 հազար մարդ է աշխատում. 60 մլն բնակչություն ունեցող երկրի համար դա բավականին ուժեղ և եկամտաբեր ոլորտ է»,- նշել է Քրեյգ Մյուրեյը՝ հավելելով, որ պահպանողականների համար «Սկրիպալի գործը» իրենց դիրքերն ամրապնդելու հեշտ միջոց է:

Ըստ Մյուրեյի՝ Սառը պատերազմում շահագրգռված են զինվորականները և զենք վաճառողները, ովքեր համարում են, որ իրենց բյուջեն սպառնալիքի տակ է:

Հիշեցնենք, որ Սերգեյ Սկրիպալին և նրա դուստր Յուլյային թունավորել էին անգլիական Սոլսբերի քաղաքում՝ մարտի 4-ին: Բրիտանական կողմը տեղի ունեցածի մեջ մեղադրում է Ռուսաստանին, իսկ Մոսկվան հերքում է բոլոր մեղադրանքները:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP