08 09 2024

$

387.09
4.32
€

429.94

+20.09 ^oC

Շիրակի մարզպետը ներկա է գտնվել Ջաջուռավան բնակավայրի մանկապարտեզի բացման արարողությանը

ՀԱՅԱՍՏԱՆ

17:26 26.07.2024

Շիրակի մարզպետ Մուշեղ Մուրադյանն աշխատակազմի պատասխանատուների, Ազգային ժողվի պատգամավորներ Կարեն Սարուխանյանի, Էմմա Պալյանի, Ախուրյան համայնքի ղեկավար Զավեն Մանուկյանի հետ այսօր ներկա է գտնվել Ջաջուռավան բնակավայրի մանկապարտեզի բացման արարողությանը։

2021 թվականին մեկնարկած սոցիալ-տնտեսական ենթակառուցվածքների զարգացմանն ուղղված սուբվենցիոն այս ծրագրի պայմանագրային արժեքը կազմել է 38 մլն 464 հազար դրամ, ՀՀ կառավարությունը տրամադրելու է 23 մլն 78 հազար դրամ։

Ողջունելով ներկաներին՝ Շիրակի մարզպետը նշել է․ «Շատ ուրախ եմ, որ Ջաջուռավանի փոքրիկներն այսուհետ կկարողանան նախադպրոցական կրթություն ստանալ նման պայմաններում։ Այս ամենը պետություն-համայնք համագործակցության արդյունք է, ՀՀ կառավարությունն ամեն ինչ անում է, որպեսզի մեր երեխաներն իրենց մանկությունն անցկացնեն հարմարավետ, բարեկեցիկ միջավայրում։ Ընդառաջ գնալով Ջաջուռավանի փոքրիկների օր առաջ մանկապարտեզ ունենանլու ցանկությանը՝ այսօրվանից նրանց օգտակար ժամանցն ապահովված է լինելու, չնայած նրան, որ դեռ ավարտված չեն մանկապարտեզի բակի բարեկարգման աշխատանքները»։

Նշենք, որ նախադպրոցական հաստատության շինարարական աշխատանքներից զատ, մանկապարտեզի տարածքի բարեկարգումն ընդգրկվել է «Ախուրյան համայնքի 10 բնակավայրերի մանկապարտեզների տարածքների բարեկարգման, կեղտաջրերի հեռացման, ջեռուցման համակարգերի տեղադրման աշխատանքներ» սուբվենցիոն ենթածրագրում։ Ենթածրագրի արժեքը կազմել է 17 մլն 46 հազար դրամ, կառավարությունը տրամադրելու է գումարի 70 տոկոսը: Ծրագիրը դեռ չի ավարտվել։

Սուբվենցիոն այս ծրագրով իրականացված աշխատանքներում դիտարկված թերությունները Շիրակի մարզպետ Մուշեղ Մուրադյանի հանձնարարությամբ շտկման փուլում են։

Կարևորելով նորակառույց մանկապարտեզի գործարկումը՝ 2024 թվականի մարտի 19-ի Ախուրյան համայնքի ավագանու որոշմամբ ստեղծվել է «Ջաջուռավանի մանկապարտեզ» համայնքային ոչ առևտրային կազմակերպությունը։

Ջաջուռավանի մանկապարտեզի գույքի ձեռքբերման համար Կառավարության 2024 թվականի հունիսի 27-ի որոշմամբ Շիրակի մարզպետի աշխատակազմին հատկացվել է 14 մլն 261 հազար դրամ։

Բաժանորդագրվեք SHANTNEWS.am-ին Telegram-ում

Բոլոր լուրերը

08:11 08.09.2024
Սպանության և սպանության փորձ կատարելու մեջ կասկածվող 41-ամյա Մանուկ Մարգարյանը հայտնաբերվել է

Կապակցված լուրեր

08:11 08.09.2024

Սպանության և սպանության փորձ կատարելու մեջ կասկածվող 41-ամյա Մանուկ Մարգարյանը հայտնաբերվել է

Սեպտեմբերի 8-ին՝ ժամը 2:40-ի սահմաններում, ՆԳՆ ոստիկանության տարբեր ստորաբաժանումների ծառայողների ձեռնարկած անհետաձգելի միջոցառումների արդյունքում սպանության և սպանության փորձ կատարելու մեջ կասկածվող 41-ամյա Մանուկ Մարգարյանը հայտնաբերվել է Արմավիրի մարզի Նալբանդյան համայնքում, ձերբակալվել և ներկայացվել Քննչական կոմիտե: Այս մասին հայտնում են ՆԳՆ-ից։ Հանցագործության գործիք ինքնաձիգը հայտնաբերվել է: ...

23:38 07.09.2024

Ծառայողական պարտականությունները կատարելիս զոհվել է ոստիկանության կապիտան Հայրապետ Ստեփանյանը

Ծառայողական պարտականությունները կատարելիս զոհվել է ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանը։ «Ցավակցում ենք մեր զոհված գործընկերոջ ընտանիքի անդամներին ու հարազատներին, կիսում կորստյան վիշտը։ Հրազենային վիրավորում է ստացել նույն բաժնի համայնքային ոստիկանության տեսուչ, ոստիկանության լեյտենանտ Արթուր Այվազյանը, որը տեղափոխվել է բուժհաստատություն»,-նշված է ՆԳՆ հաղորդագրության մեջ։ Ավելի վաղ հայտնել էինք, որ […] ...

22:13 07.09.2024

Մայր տաճարը կբացի դռները

Սեպտեմբերի 28-ին, երեկոյան ժամը 5-ին Սուրբ Տրդատի բաց խորանում տեղի կունենա Մյուռոնօրհնության արարողություն, հաջորդ օրը՝ սեպտեմբերի 29-ին, ժամը 10։30-ին կվերաօծվի Մայր Տաճարը: ...

22:06 07.09.2024

Հայաստանի հավաքականը վստահ հաղթանակ տոնեց և միանձնյա գլխավորեց 4-րդ խմբի մրցաշարային աղյուսակը

ՈւԵՖԱ Ազգերի լիգայի խաղարկության մեկնարկային տուրում Հայաստանի ազգային հավաքականն այսօր Երևանում ընդունել էր Լատվիային: Հանդիպումն ավարտվեց մեր թիմի հաղթանակով՝ 4-1 հաշվով։ Այս մասին հայտնում է armsport.am-ը։ Հանդիպման մեկնարկում թիմերը փոխանակվեցին գոլերով։ Նախ մեր թիմի կազմում 6-րդ րոպեին հանդիպման հաշիվը բացեց Վահան Բիչախչյանը։ Քիչ անց հյուրերի կազմում պատասխան գոլը խփեց Ուլդրիկիսը (որոշ ռեսուրսներում նշվում է, որ […] ...

22:00 07.09.2024

SHANTNEWS

21:49 07.09.2024

Ուշադրություն, նա զինված է․ Ոստիկանությունը որոնում է Արմավիրի մարզի 41-ամյա բնակչին

Սպանություն և սպանության փորձ կատարելու կասկածանքով որոնվում է Արմավիրի մարզի Նալբանդյան գյուղի 41-ամյա բնակիչ Մանուկ Մարգարյանը։ Ուշադրություն․ ըստ տեղեկությունների նա զինված է։ Այս մասին հայտնում են ՀՀ ոստիկանությունից։ «Նրա գտնվելու վայրի վերաբերյալ տեղեկություններ ունենալու դեպքում խնդրում ենք անմիջապես զանգահարել ՆԳՆ ոստիկանություն՝ 1-02 հեռախոսահամարին»,-նշված է հաղորդագրության մեջ։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.