17:42 24.07.2024
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Հայաստանի գիտության և տեխնոլոգիաների հիմնադրամի (FAST) ներկայացուցիչներին՝ գործադիր տնօրեն Արմեն Օրուջյանի գլխավորությամբ:
Հանդիպմանը ներկա է եղել նաև ԿԳՄՍ նախարարի տեղակալ Արաքսիա Սվաջյանը:
Քննարկվել են 2023 թ. սեպտեմբերից Հայաստանի 7 մարզերի և Երևանի 15 ավագ դպրոցներում FAST-ի հետ իրականացվող «Արհեստական բանականության (ԱԲ) սերունդ» փորձարարական կրթական ծրագրի մանրամասները, վերջինիս ընդլայնման հնարավորություններն ու հետագա համագործակցության հեռանկարները:
ԿԳՄՍ նախարար Ժաննա Անդրեասյանը կարևորել է Հայաստանի գիտության և տեխնոլոգիաների հիմնադրամի հետ շարունակական և արդյունավետ համագործակցությունն ու նոր գաղափարների փորձարկման հնարավորությունը, որը հանրակրթության ոլորտում բարեփոխումների կարևոր բաղադրիչներից է: Անդրադառնալով համատեղ իրականացվող ծրագրին՝ ԿԳՄՍ նախարարը կարևորել է այն փաստը, որ ծրագրի շնորհիվ շուրջ 400 աշակերտի համար հասանելի է դառնում խորացված մաթեմատիկայի, Python ծրագրավորման լեզվի անվճար ուսուցումը, լրացվում է ոլորտում ԱԲ մասնագետների բացը։
Այդուհանդերձ, նախարարի դիտարկմամբ՝ «Արհեստական բանականության (ԱԲ) սերունդ» փորձարարական կրթական ծրագրի առաջընթացի առումով առկա են որոշ մարտահրավերներ՝ կապված դպրոցների տեխնիկական հագեցվածության և ուսուցիչների պատրաստվածության հետ:
«Նախաձեռնությունը դրական արձագանքներ է ստանում, և ծրագրում ընդգրկված դպրոցները մեծ ոգևորությամբ են ընդունում այն: Պատրաստ ենք շարունակել համագործակցությունն ու միասին աշխատել ծրագրի ընդլայնման ուղղությամբ: Տեխնոլոգիական և մաթեմատիկական կրթության զարգացմամբ ստեղծվում են էապես նոր գործիքներ և պայմաններ, որոնք նպաստում են ԲՏՃՄ կրթության որակի բարելավմանը, ինչը մեզ համար ռազմավարական ուղղություն է»,- նշել է Ժաննա Անդրեասյանը:
Հայաստանի գիտության և տեխնոլոգիաների հիմնադրամի (FAST) գործադիր տնօրեն Արմեն Օրուջյանը շնորհակալություն է հայտնել հաջող համագործակցության համար: Նրա խոսքով՝ ծրագիրը մեծ հետաքրքրություն է վայելում նաև ՀՀ սահմաններից դուրս. միջազգային գործընկերները ոգևորությամբ են արձագանքում այն փաստին, որ Հայաստանում 15 տարեկան աշակերտներն արդեն արհեստական բանականություն են ուսումնասիրում: Ըստ Արմեն Օրուջյանի՝ հայկական փորձի ուսումնասիրման, կրթական ծրագրի միջազգայնացման ու տեղայնացման ուղղությամբ արդեն իսկ հետաքրքրություն կա արտերկրի մի շարք կրթական հաստատությունների կողմից:
Հայաստանի գիտության և տեխնոլոգիաների հիմնադրամի ներկայացուցիչները ԿԳՄՍ նախարար Ժաննա Անդրեասյանի հետ հանդիպմանը ներկայացրել են նաև ծրագրի առաջին ուստարվա արդյունքները, «ԱԲ սերունդ» կրթական ծրագրում ընդգրկված աշակերտների ձեռքբերումները, ուսուցիչների մասնագիտական վերապատրաստման արդյունքները, ինչպես նաև ոլորտային կառույցների աջակցությամբ իրականացված համագործակցությունը։
ԿԳՄՍ նախարարը կարևորել է նաև այն փաստը, որ ծրագիրը միտված է ապահովելու մասնագիտական կողմնորոշում՝ արհեստական բանականության (ԱԲ) հետազոտողի մասնագիտության հանդեպ հետաքրքրության բարձրացման տեսանկյունից։
Կողմերը պատրաստակամություն են հայտնել մեկտեղելու ջանքերը ծրագրի ընդլայնման և նոր դպրոցների ներգրավման համար:
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...