17:21 24.07.2024
ԿԳՄՍ նախարարի տեղակալ Արաքսիա Սվաջյանն այսօր այցելել է Շիրակի մարզի մի շարք ուսումնական հաստատություններ, որոնց կառուցման աշխատանքներն իրականացվում են պետական բյուջեի միջոցների հաշվին: Նրան ուղեկցել են Շիրակի մարզպետի տեղակալ Աննա Մարտիկյանը, ՏԻՄ ներկայացուցիչներ:
ԿԳՄՍ նախարարի տեղակալն առաջինը ծանոթացել է Հոռոմ գյուղի նորակառույց մանկապարտեզի պայմաններին: Այստեղ կառուցման և ներքին հարդարման աշխատանքներն արդեն ավարտվել են, իսկ բակային աշխատանքները դեռևս ընթացքի մեջ են: Այս համատեքստում կարևորվել է այդ աշխատանքների պատշաճ իրականացումը՝ գլխավորապես հաշվի առնելով երեխաների տարիքային առանձնահատկությունները: Մանկապարտեզը նախատեսված է 75 երեխայի համար՝ 3 խմբով: Արաքսիա Սվաջյանը հետաքրքրվել է նաև կադրային ապահովման հարցով՝ մտահոգություն հայտնելով, որ մարզում նախադպրոցական կրթությամբ մասնագետների պակասը լրջագույն խնդիր է: Տեղում քննարկվել է նաև գույքի տրամադրման ընթացակարգը:
Այցը շարունակվել է Ազատանի միջնակարգ դպրոցում, որին կից կառուցվում է նոր մասնաշենք: ԿԳՄՍ նախարարի տեղակալը, մինչ նորակառույց մասնաշենքում ընթացող աշխատանքներին ծանոթանալը, շրջել է գործող դպրոցում, որտեղ սովորում է 710 աշակերտ: Նա տեղեկացրել է՝ դպրոցները վերանորոգվող հաստատությունների ցանկում ներառելուց առաջ իրականացվում է սեյսմիկ գնահատում:
Փոխնախարարն այցելել է նաև Կապսի միջնակարգ դպրոց, որը մոդուլային (տիպային) շենք է. այնտեղ շինարարական աշխատանքներն արդեն ավարտվել են: Տեղում արձանագրվել են առկա խնդիրները, քննարկվել դրանց հնարավոր լուծումները, ներկայացվել են նաև կատարված փոփոխությունները: Մասնավորապես՝ կարևորվել են ներառականության ապահովման և ջրահեռացման համակարգի անխափան գործարկման աշխատանքները: Դպրոցը նախատեսված է 63 աշակերտի համար:
Այցի վերջին կանգառը Գյումրու «Զանգակ» մանկապարտեզն էր, որտեղ բակային աշխատանքները ևս ավարտական փուլում էին: Տնօրենի խոսքով՝ մանկապարտեզը մանկավարժական կադրերի խնդիր չունի և պատրաստ է ընդունել սաների: Այն նախատեսված է 75 երեխայի համար՝ 3 խմբով:
Ամփոփելով այցը՝ ԿԳՄՍ նախարարի տեղակալ Արաքսիա Սվաջյանը ՏԻՄ գործընկերների հետ ևս մեկ անգամ քննարկել է մարզում դպրոցաշինության վերաբերյալ ընթացիկ խնդիրները և նախանշել դրանց լուծման ուղիները:
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
