17:35 12.07.2024
Հանրապետության նախագահ Վահագն Խաչատուրյանը՝ դիվանագիտական առաքելությունն ավարտելու կապակցությամբ ընդունել է Հայաստանում Ավստրիայի արտակարգ և լիազոր դեսպան Թոմաս Մյուլմանին:
Նախագահը շնորհակալություն է հայտնել դեսպանին՝ պաշտոնավարման ընթացքում ծավալած գործունեության և երկկողմ հարաբերությունների խորացմանն ուղղված ջանքերի համար:
«Ցանկանում եմ նաև շնորհակալություն հայտնել այն աջակցության համար, որ Ավստիրան ցուցաբերել է Հայաստանին հատկապես մեզ համար դժվարին ժամանակահատվածում: Մենք շատ բարձր ենք գնահատում Ավստրիայի նախաձեռնությունը՝ Եվրոպական դիտորդական առաքելության հետ կապված: Պետք է արձանագրենք, որ Եվրոպական դիտորդական առաքելությունն իր մեծ ներդրումն է կատարել հայ-ադրբեջանական սահմանային իրավիճակի կարգավորման գործում: Վստահ եմ, որ այս աշխատանքը կշարունակվի այնքան ժամանակ, քանի դեռ դրա անհրաժեշտությունը կա: Մենք տեսնում ենք այդ առաքելության կարևորությունը»,- ասել է Հանրապետության նախագահը:
Դեսպան Թոմաս Մյուլմանը շնորհակալություն է հայտնել ընդունելության համար և նշել.
«Իմ պաշտոնավարման ընթացքում փորձել եմ ոչ միայն նպաստել մեր հարաբերությունների զարգացմանը, այլ նաև ճանաչել Ձեր երկիրը, և տեսել եմ այնքան շատ գեղեցկություն, ինչպես նաև նկատել եմ, թե ինչքան կայուն եք: Ձեր երկիրն աշխարհագրորեն բավական բարդ դիրքում է, բայց Դուք, կառավարությունը հասարակությունն այնքան մեծ կայունություն եք ցուցաբերել, որը շատ տպավորիչ է»:
Հանդիպման ընթացքում քննարկվել են երկկողմ հետաքրքրություն ներկայացնող մի շարք հարցեր: Անդրադարձ է կատարվել Հայաստանի և Ադրբեջանի միջև խաղաղության գործընթացում առկա զարգացումներին: Այս համատեքստում Հանրապետության նախագահը ընդգծել է հարևանների հետ կարգավորված և բարիդրացիական հարաբերություններ հաստատելու Հայաստանի սկզբունքային դիրքորոշումը:
Զրույցի ընթացքում քննարկվել են Հայաստանի և Ավստրիայի միջև առևտրատնտեսական կապերի սերտացման և ընդլայնման հնարավորությունների վերաբերյալ թեմաներ: Շեշտվել է երկու երկրների համագործակցության ամրապնդման տեսանկյունից բարձրաստիճան փոխայցելությունների, ինչպես նաև գործարար շրջանակների նոր կապերի ձևավորման կարևորությունը:
22:07 31.01.2025
Կհանդիպի՞ արդյոք Փաշինյանը Վաշինգտոնում Դոնալդ Թրամփի հետՓետրվարի սկզբին Հայստանի վարչապետն աշխատանքային այցով մեկնելու է Միացյալ Նահանգներ: ԱՄՆ նախագահ Դոնալդ Թրամփի հետ պաշտոնական հանդիպում նախատեսված չէ: Այդ մասին այսօր ասուլիսում ասել է ինքը Նիկոլ Փաշինյանը: Բայց, սպասվում են մի շարք կարևոր աշխատանքային հանդիպումներ: Ի՞նչ նպատակով է վարչապետը մեկնում ԱՄՆ ու արդյոք կարող է ստացվել այնպես, որ Թրամփի հետ, այնուամենայնիվ, հանդիպեն: Թեմային՝ «Հորիզոնի» […] ...
21:55 31.01.2025
Սիրիայի անցումային նախագահը կմեկնի ԹուրքիաՍիրիայում Բաշար ալ-Ասադի վարչակարգի տապալումից հետո Ահմեդ ալ-Շարաան նշանակվել էր այդ երկրի ժամանակավոր նախագահ, իսկ այժմ զբաղեցնում է անցումային նախագահի պաշտոնը։ Որպես անցումային նախագահ` Ահմեդ ալ-Շարան հայտնել է, որ մինչև ընտրությունների փուլին հասնելը ձևավորված կառավարությունը կստանձնի նոր Սիրիայի ինստիտուտների կառուցումը, ինչպես նաև նշել է, որ կսեղծվի նոր սահմանադրություն, փոխանցում է ermenihaber-ը։ Անդրադառնալով անցումային նախագահի պաշտոնում […] ...
21:44 31.01.2025
Ուռուցքաբանը հերքում է քաղցկեղի մասին հինգ տարածված առասպելըՈւռուցքաբան Մարիա Զաբոլոտնայան ցրել է քաղցկեղի մասին հինգ առասպել։ Նա Gazeta.ru-ին պատմել է, թե ուռուցքաբանական հիվանդությունների մասին ընդհանուր համոզմունքները իրականությանը չեն համապատասխանում։ Բժիշկը առասպել է անվանել այն հայտարարությունը, թե քաղցկեղը կարելի է ժառանգել։ «Ժառանգված են միայն գենետիկ մուտացիաները, որոնք կարող են հանգեցնել հիվանդության: Հարկ է նշել, որ նման դեպքերը չափազանց հազվադեպ են՝ դեպքերի տասը տոկոսից […] ...
21:34 31.01.2025
Երևանի քաղաքապետարանը ավելի քան 851․000 քաղաքացու տրամադրում է արտոնյալ պայմաններով տրանսպորտային բոլոր միջոցներից օգտվելու հնարավորություն․ ԲաթոյանՔՊ անդամ Զարուհի Բաթոյանը ֆեյսբուքյան իր էջում գրել է․ «Երևանի քաղաքապետարանը ավելի քան 851․000 քաղաքացու տրամադրում է արտոնյալ պայմաններով տրանսպորտային բոլոր միջոցներից օգտվելու հնարավորություն: Նախկինում որոշ խմբեր ունեին միայն առանձին տրանսպորտային միջոցներից օգտվելու արտոնություններ, բայց ոչ ավտոբուսներից կամ երթուղայիններից։ Ես գոնե նման բան չեմ հիշում: Իհարկե, շատ խնդիրներ դեռևս արդիական են, որովհետև նույնիսկ անվճար օգտվելու […] ...
21:24 31.01.2025
Տեղի է ունեցել 2024 թվականի լավագույն մարզիկների պարգևատրման արարողությունըԱյսօր տեղի է ունեցել «Սպորտի ոլորտում տարվա լավագույնների ընտրություն 2024» մրցույթի հաղթողների պարգևատրման արարողությունը: Միջոցառմանը ներկա են եղել վարչապետ Նիկոլ Փաշինյանը, Հանրապետության նախագահ Վահագն Խաչատուրյանը, Ազգային ժողովի նախագահ Ալեն Սիմոնյանը, Վարչապետի աշխատակազմի ղեկավար Արայիկ Հարությունյանը, Կրթության, գիտության, մշակույթի և սպորտի նախարար Ժաննա Անդրեասյանը, տարբեր մարզաձևերի ֆեդերացիաների ղեկավարներ, մարզիկներ, մարզիչներ: Իր խոսքում վարչապետ Փաշինյանը նախ շնորհակալություն […] ...
