03 07 2024

$

388.24
4.41
€

417.71

+26.09 ^oC

ԲՏԱ նախարարի առաջին տեղակալը մասնակցել է Համաշխարհային տնտեսական համաժողովի Նոր չեմպիոնների ամենամյա հանդիպմանը

ՀԱՅԱՍՏԱՆ

14:24 01.07.2024

ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը հունիսի 25-26-ը մասնակցել է Չինաստանի Դալիան քաղաքում տեղի ունեցած Համաշխարհային տնտեսական համաժողովի (WEF) 15-րդ Նոր չեմպիոնների ամենամյա հանդիպմանը (Annual Meeting of the New Champions):

Նախարարի առաջին տեղակալը մի շարք հանդիպումներ է ունեցել տարբեր պետությունների պատվիրակությունների, միջազգային գործընկերների հետ՝ բանակցություններ վարել բարձր տեխնոլոգիաների ոլորտում համագործակցության օրակարգի ընդլայնման շուրջ, ներկայացրել Հայաստանում արհեստական բանականության զարգացմանն ու առաջընթացին ուղղված պետական քաղաքականությունը, այդ ուղղությամբ իրականացվող նախաձեռնություններն ու քայլերը։

Միջոցառման շրջանակներում հունիսի 25-ին Գևորգ Մանթաշյանը Սաուդյան Արաբիայի Թագավորության էկոնոմիկայի և պլանավորման նախարար Ֆեյսալ Ալ-Իբրահիմի և Ինդոնեզիայի Հանրապետության զբոսաշրջության և ստեղծարար տնտեսության նախարար Սանդիագա Սալահուդին Ունոյի հետ մասնակցել է «Երկխոսություն թվային տնտեսության համաձայնագրի առաջնորդության շուրջ (Digital Economy Agreement Leadership: DEAL). Թվային տնտեսության համաձայնագրերի ապագան» խորագրով փակ քննարկմանը, որի ընթացքում անդրադարձ է կատարվել համաշխարհային տնտեսության հեռանկարներին և առաջնահերթություններին, ընդգծվել է առկա մարտահրավերները լուծելու նպատակով քաղաքական ու գործարար աշխարհի առաջնորդների միջև համագործակցության կարևորությունը:

Հանդիպում է տեղի ունեցել նաև «Dalian Hi-tech Zone»-ի տնօրեն Էշլի Յաոյի և կենտրոնի ներկայացուցիչ Հու Ֆանի հետ, որի ընթացքում քննարկվել են նորարարության և նորաստեղծ էկոհամակարգերի խթանման, STEM (բնագիտամաթեմատիկական) կրթության, տեղեկատվական և հաղորդակցական տեխնոլոգիաների (ՏՀՏ) ոլորտներում համագործակցության հնարավորությունները:

Նախարարի առաջին տեղակալը հունիսի 26-ին հանդիպել է նաև ՉԺՀ-ի Պետական խորհրդի Ազգային զարգացման և բարեփոխումների հանձնաժողովին (NDRC) առընթեր Տվյալների ազգային վարչակազմի (National Data Administration (NDA)) տնօրեն Լյու Լիհոնգի հետ: Քննարկվել են երկկողմ համագործակցության հեռանկարները:

Գևորգ Մանթաշյանը Դալիանի քաղաքապետարանի արտաքին հարաբերությունների գրասենյակի տնօրեն Չենգ Յինջունի, «Astro AWANI» ընկերության ղեկավար Աշվադ Իսմայիլի, «Salesforce» ընկերության տնօրեն Բոն Պոհ Մոկի, Լիաոնինգ նահանգի ժողովրդական կառավարության փոխնահանգապետ Ջին Գու Վեյի հետ գործնական հանդիպման ընթացքում քննարկել է երկկողմ ոլորտային համագործակցության հնարավորություններն ու փոխադարձ հետաքրքրություն ներկայացնող մի շարք հարցեր։

Համաշխարհային տնտեսական համաժողովի (WEF) 15-րդ ամենամյա հանդիպումն անցկացվել է «Աճի նոր սահմաններ» խորագրի ներքո։ Միջոցառմանը մասնակցել են ավելի քան 1500 պատվիրակներ, գործարար համայնքի, լրատվամիջոցների, հասարակական և միջազգային կազմակերպությունների ներկայացուցիչներ, փորձագետներ ամբողջ աշխարհից՝ ներգրավելով համաշխարհային օրակարգի ամենահրատապ խնդիրների լուծմանը:

Բաժանորդագրվեք SHANTNEWS.am-ին Telegram-ում

Բոլոր լուրերը

18:57 03.07.2024
Արարատ Միրզոյանը շնորհավորել է Եգիպտոսի նորանշանակ ԱԳ նախարարին

Կապակցված լուրեր

18:48 03.07.2024

Հայ-վրացական հարաբերությունները շարունակում են ապրել սրընթաց զարգացում. Արարատ Միրզոյան

Հայաստանի ու Վրաստանի միջև ռազմավարական գործընկերության հաստատումից հետո առաջին պաշտոնական այցով Վրաստան է այցելել Արտաքին գործերի նախարար Արարատ Միրզոյանը և հանդիպել հարևան երկրի իր գործընկերոջ՝ Իլյա Դարչիաշվիլիի հետ: Երկուստեք ընդգծվել է, որ հայ-վրացական հարաբերությունները շարունակում են ապրել սրընթաց զարգացում: Մանրամասները՝ ռեպորտաժում: ...

18:42 03.07.2024

Անահիտ Մանասյանը հանդիպել է Եվրոպայի խորհրդի Ժողովրդավարության և մարդկային արժանապատվության հարցերով գլխավոր տնօրենի հետ

Մարդու իրավունքների պաշտպան Անահիտ Մանասյանը Ստրասբուրգ կատարած աշխատանքային այցի շրջանակներում հուլիսի 3-ին հանդիպել է Եվրոպայի խորհրդի Ժողովրդավարության և մարդկային արժանապատվության հարցերով գլխավոր տնօրեն Մարյա Ռուտանենի հետ։ Պաշտպանը ներկայացրել է մարդու իրավունքների մի շարք բնագավառներում առկա խնդիրները, անդրադարձ կատարել իրավահավասարության երաշխավորման և հակախտրականության ոլորտում առկա մարտահրավերներին։ Այս համատեքստում Պաշտպանն ընդգծել է ատելության խոսքի, խտրականության, անհանդուրժողականության մթնոլորտի […] ...

18:34 03.07.2024

Եգիպտոսի նախագահը պաշտպանության նոր նախարար է նշանակել

Եգիպտոսի նախագահ Աբդել Ֆաթահ ալ Սիսին նոր կառավարության երդմնակալությունից առաջ փոխել է երկրի պաշտպանության նախարարին։ Այսպիսի հայտարարություն է արել «Al-Youm as-Sabia» տեղեկատվական պորտալը։ Պորտալի փոխանցմամբ, պաշտպանական գերատեսչության ղեկավարի պաշտոնում նշանակվել է Սուեզ նահանգի նախկին նահանգապետ Աբդել Մագիդ Սաքրը, ով նախկինում ալ Սիսիի հրամանագրով ստացել է գեներալ-լեյտենանտի կոչում։ Հունիսի 29-ին Եգիպտոսի կառավարական կառույցների աղբյուրները հայտնել են, որ […] ...

18:24 03.07.2024

ՆԱՏՕ-ի երկրները համաձայնել են 2025 թվականին 40 մլրդ եվրոյի ռազմական օգնություն տրամադրել Ուկրաինային

ՆԱՏՕ-ի անդամ երկրները համաձայնության են եկել հաջորդ տարի 40 միլիարդ եվրոյի ռազմական օգնություն տրամադրել Ուկրաինային: Ինչպես հաղորդում է «Արմենպրես»-ը, այդ մասին հայտնում է Reuters գործակալությունը։ Գործակալության տվյալներով՝ դաշինքի անդամ երկրներն այդ հարցում համաձայնության են եկել Վաշինգտոնում ՆԱՏՕ-ի գագաթնաժողովից մեկ շաբաթ առաջ։ Հենց Վաշինգտոնում դաշինքի երկրները համաձայնագիր կստորագրեն 2025 թվականին Կիևին 40 միլիարդ եվրոյի ռազմական օգնություն […] ...

18:16 03.07.2024

Գլխավոր դատախազն ընդունել է ՀՀ-ում Նիդերլանդների գործերի ժամանակավոր հավատարմատարին

Գլխավոր դատախազ Աննա Վարդապետյանն այսօր ընդունել է Հայաստանում Նիդերլանդների Թագավորության գործերի ժամանակավոր հավատարմատար Յապ Ֆրեդերիքսի գլխավորած պատվիրակությանը: Աննա Վարդապետյանը շնորհակալություն է հայտնել Դեսպանության ներկայացուցիչներին՝ համատեղ իրականացված արդյունքահեն ծրագրերի համար և, որպես համագործակցության լավագույն օրինակ, անդրադարձել Նիդերլանդների դեսպանության աջակցությամբ իրականացված՝ Հայաստանի բոլոր դատախազների հաղորդակցության կարողությունների և հմտությունների զարգացմանն ուղղված շուրջ վեց ամիս տևած դասընթացի արդյունքներին: «Արդարադատությունը […] ...

18:07 03.07.2024

Երևան-Սևան ճանապարհին ավտոմեքենան ընկել է ձորը․ կան տուժածներ

Հուլիսի 3-ին` ժամը 11:58-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ. ավտոմեքենան ընկել է ձորը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ Մ-4 […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.