23:31 01.05.2024
Վրաստանում օտարերկրյա գործակալների օրինագծի բողոքի ցույցերի ժամանակ ոստիկանությունը ավելի քան 60 ցուցարարի է ձերբակալել: Ավելի վաղ հայտնի էր դարձել, որ ոստիկանությունը հատուկ միջոցներ է կիրառել օտարերկրյա գործակալների մասին օրինագծի ընդունման պատճառով բողոքի ակցիա իրականացնող քաղաքացիների դեմ։ Այն տեղի է ունեցել խորհրդարանի շենքի մոտ։ Երկրի նախագահ Սալոմե Զուրաբիշվիլին դիմել է Վրաստանի ՆԳ նախարարին՝ հորդորելով դադարեցնել ուժ կիրառել ցուցարարների նկատմամբ։
Ավելի վաղ լրատվամիջոցները հայտնել էին, որ հատուկ ջոկատայինները սկսել են ցուցարարների դեմ օգտագործել ռետինե փամփուշտներ, ջրցան մեքենաներ և արցունքաբեր գազ։ Հիշեցնենք, որ բողոքի ցույցերով է ընթանում տարաձայնությունների տեղիք տված օրինագծի երկրորդ ընթերցումը։ Այդ քննարկումները կարող են շարունակվել մի քանի օր։
Ինչպե՞ս են այս ամենին արձագանքում Եվրոպայում, և դեպքերի հետագա զարգացումն ինչպե՞ս կարող է ազդել Հայաստանի վրա:
Թեմային «Հորիզոնի» տաղավարում անդրադարձել է Արտյոմ Երկանյանը։
«Եվրոպայում համարում են, որ անընդունելի է և՛ ուժի կիրառումը, այն համարում են անհամաչափ, և՛ «հակադեմոկրատական և եվրոպական արժեքներին հակասո» այդ օրինագիծը. խոսքն «Օտարերկրյա ազդեցության թափանցիկության մասին» օրենքի մասին է։
ԵՄ ներկայացուցիչ Ժոզեպ Բորելը դատապարտել է երեկ Թբիլիսիում տեղի ունեցածը՝ և՛ օրենքը, և՛ ուժի անհամաչափ կիրառումը՝ ակնարկելով, որ տեղի ունեցածը կարող է խանգարել Վրաստանի հետագա եվրաինտեգրացմանը: Հիշեցնեմ՝ Վրաստանը վերջերս ստացել է ԵՄ անդամակցության թեկնածուի կարգավիճակ:
Այդ ամենը մեզ վրա չի կարող չազդել՝ հաշվի առնելով այն, որ Հայաստանում իշխող վարչակազմը եվրաինտեգրացման քաղաքականություն է վարում, իսկ այդ քաղաքականությունը կարող է հարցականի տակ հայտնվել, եթե Վրաստանի եվրաինտեգրացման քաղաքականությունը տապալվի: Այսինքն՝ մեր կամուրջը Եվրոպայի հետ հենց Վրաստանով է տեղի ունենում, հետևապես մեզ ոչ թե դժվար կլինի շարունակել այդ եվրաինտեգրացման քաղաքականությունը, այլ գուցեև՝ անհնարին»,- ասել է Արտյոմ Երկանյանը:
Ինչո՞ւ է «Վրացական երազանքը» հետևողականորեն փորձում անցկացնել այդ օրենքը՝ գիտակցելով, որ այն կարող է տապալել երկրի եվրաինտեգրացումը: Ինչպե՞ս են այդ ամենին վերաբերվում Բաքվում:
11:21 04.04.2025
Կհրավիրվեն խորհրդարանական լսումներՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ ապրիլի 9-ին կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով: Այս մասին հայտնում են ՀՀ ԱԺ-ից։ ...
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
10:36 04.04.2025
Ֆրանսիայի և Մեծ Բրիտանիայի զինվորականները Կիևում կքննարկեն Արևմուտքի աջակցությունըՖրանսիացի բարձրաստիճան զինվորականները ժամանել են Կիև, որտեղ ապրիլի 4-ին ուկրաինական իշխանությունների հետ նախատեսում են քննարկել երկրում արևմտյան «աջակցող ուժերի» առկայության ապահովումը։ Այս մասին ՆԱՏՕ-ի ԱԳ նախարարների հանդիպման մեկնարկից առաջ հայտարարել է Ֆրանսիայի արտգործնախարար Ժան-Նոել Բարրոն։ «Որոշակի պահի, երբ խաղաղություն հաստատվի, ռազմական աջակցության հնարավորությունների անհրաժեշտություն կառաջանա: Այդ իսկ պատճառով մեր զինվորական ղեկավարներն այսօր կլինեն Կիևում՝ այդ […] ...
10:18 04.04.2025
Երկրաշարժ Ադրբեջանում. այն զգացվել է նաև ՍյունիքումԱպրիլի 4-ին` տեղական ժամանակով ժամը 04:19-ին (Գրինվիչի ժամանակով` ժամը 00։19-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39․28⁰ և արևելյան երկայնության 46.56⁰ աշխարհագրական կոորդինատներով Ադրբեջանում՝ Հայաստանի Կապան քաղաքից 16 կմ հյուսիս-արևելք, օջախի 10 կմ խորությամբ 3․1 մագնիտուդով երկրաշարժ: Երկրաշարժը զգացվել է Կապան քաղաքում 2-3 բալ ուժգնությամբ։ ...
10:14 04.04.2025
Տարադրամի փոխարժեքներն ապրիլի 4-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․60 դրամ, վաճառքի նվազագույն արժեքը՝ 4․7 դրամ: ...
