23:59 29.04.2024
Վալենտին Պոդպոմոգովի 100-ամյակի կապակցությամբ ստեղծված հոբելյանական հանձնախմբի նախաձեռնությամբ և ՀՀ ԿԳՄՍ նախարարության աջակցությամբ ապրիլի 29-ին Հայաստանի կինոգործիչների միության կինոյի տան մեծ դահլիճում տեղի է ունեցել հոբելյանական երեկո՝ նվիրված ՀԽՍՀ վաստակավոր նկարիչ Վալենտին Պոդպոմոգովի ծննդյան 100-ամյակին:
Միջոցառմանը ներկա էին ՀՀ ԿԳՄՍ նախարար Ժաննա Անդրեասյանը, նախարարի տեղակալ Դանիել Դանիելյանը, մտավորականներ, արվեստագետներ, Վալենտին Պոդպոմոգովի ընտանիքի անդամները, նրա արվեստի երկրպագուները:
Նախարար Ժաննա Անդրեասյանը շրջել է Կինոյի տան ճեմասրահում բացված Վալենտին Պոդպոմոգովին նվիրված ցուցահանդեսում, առավել հանգամանալից ծանոթացել տաղանդավոր արվեստագետի ստեղծագործական բացառիկ նմուշներին։ Ցուցադրության մեջ ներկայացված էին Վալենտին Պոդպոմոգովի լուսանկարները, նրա ստեղծած ֆիլմերի և ներկայացումների դեկորացիաների էսքիզները, ինչպես նաև նրա պատրաստած մեխանիկական սարքերը:
Երեկոյի առանցքում Վալենտին Պոդպոմոգովի «Խորհրդավոր ընթրիք կամ «Sors» հայտնի կտավն էր։ Միջոցառման ընթացքում ցուցադրվել է ֆիլմ, որտեղ ներառված էին Վալենտին Պոդպոմոգովի մասնակցությամբ արխիվային տեսանյութեր, հատվածներ նրա կյանքից և ստեղծագործական ուղուց: Ֆիլմում և բեմում մշակույթի հայտնի գործիչներն ու մտավորականները, նրա ընկերներն ու գործընկերներն էին, որոնք հետաքրքրաշարժ դեպքեր, զվարճալի դրվագներ էին պատմում բազմատաղանդ արվեստագետի մասին:
ՀՀ ԳԱԱ-ի արվեստի ինստիտուտի գիտական ղեկավար Արարատ Աղասյանը ներկայացրել է Վալենտին Պոդպոմոգովի գեղանկարչական ժառանգությունը, կինոգետ Դավիթ Մուրադյանը խոսել է նրա ֆլմերի բացառիկության մասին, կոմպոզիտոր Ռոբերտ Ամիրխանյանը ներկայացրել է համատեղ ստեղծագործական աշխատանքները, իսկ ռեժիսոր, դրամատուրգ Արա Երնջակյանը հիշել է Երևանի Կամերային թատրոնի հետ անվանի արվեստագետի մեծ կապի և ստեղծագործական անգնահատելի ներդրման մասին։ Ֆիլմում ճարտարապետ Հրաչ Պողոսյանը, արվեստաբան Հենրիկ Իգիթյանը, մուլտիպլիկատոր Ռոբերտ Սահակյանցը, Երևանի երկար տարիների Երքաղխորհրդի գործկոմի նախագահ Գրիգոր Հասրաթյանը պատմել են Վարպետի հետ իրենց անցած ուղու, ընկերության, ստեղծագործական համատեղ աշխատանքի և Վալենտին Պոդպոմոգով ֆենոմենի մասին։
Մշակույթի հայտնի գործիչներն ու մտավորականները յուրովի են ներկայացրել Վալենտին Պոդպոմոգովին, սակայն յուրաքանչյուրի խոսքի առանցքում տաղանդավոր դերասան, գրաֆիկ նկարիչ, գեղանկարիչ, հայկական մուլտիպլիկացիայի վերածնության առանցքային դեմք, բեմանկարիչ, քանդակագործ, ազդագրերի և գրքերի ձևավորող, շուրջ 20 սիրված գեղարվեստական ֆիլմերի հեղինակ, Երևան քաղաքի առաջին գլխավոր նկարիչ Վալենտին Պոդպոմոգովի անուրանալի տաղանդը և բացառիկ, անկրկնելի կերպարը։
Նշենք, որ հոբելյանական երեկոյի սցենարի հեղինակը և հաղորդավարն է հեռուստամեկնաբան Կարեն Քոչարյանը, բեմադրող ռեժիսորը՝ Նիկոլայ Դավթյանը, նկարիչը՝ Շամիր Շահիրյանը:
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
