16:47 02.02.2024
Փետրվարի 2-ին մեկնարկել է Առաջատար տեխնոլոգիաների ձեռնարկությունների միության (ԱՏՁՄ) 23-րդ համագումարը։
ՀՀ բարձր տեխնոլոգիական արդյունաբերության նախարար Մխիթար Հայրապետյանը հանդես է եկել ողջույնի խոսքով։ Նախարարն ընդգծել է, որ բարձր տեխնոլոգիաների ոլորտը և արտադրությունը կարող են հիմք հանդիսանալ զարգացող և զարգացած պետությունների տնտեսության աճի համար։
Մխիթար Հայրապետյանը համոզմունք է հայտնել, որ բարձր տեխնոլոգիաների ոլորտը կարող է դառնալ Հայաստանի տնտեսության կայունացման և զարգացման, միջազգային շուկաներում մրցունակության բարձրացման, ինչպես նաև առաջատար պաշտպանական համակարգերի ապահովման կարևորագույն գործոն։ Նրա խոսքով՝ թեև Հայաստանը տնտեսության ծավալներով չի համարվում մեծ երկիր, այնուամենայնիվ, հավելյալ գիտական և տեխնոլոգիական արժեք ապահովող այս ուղղությամբ Հայաստանը կարող է հավակնել դառնալու կարևորագույն տեխնոլոգիական կենտրոններից մեկն աշխարհի տեխնոլոգիական քարտեզի վրա։
«Վստահ եմ, որ գիտության և տեխնոլոգիաների ոլորտում ներուժի համակողմանի ներգրավմամբ և համադրմամբ հնարավոր է հասնել այս նպատակին, որովհետև Հայաստանը արդեն իսկ ապացուցել է, որ ունի ընկերություններ, որոնք այսօր արդեն աշխարհի տեխնոլոգիական համայնքում կարևորագույն դերակատարում են ստանձնել։ Չնայած սրան, պետք է արձանագրենք, որ մենք կարևորագույն և երկարատև ճանապարհի միայն սկզբում ենք գտնվում և բարձր տեխնոլոգիական ոլորտում դեռևս շատ անելիքներ ունենք։ Բայց արդեն այսօր՝ լինի արհեստական բանականության, թե՛ ճարտարագիտության, թե՛ տեղեկատվական գիտությունների ոլորտում, մեծ քայլեր արվել են։ Այս ամենի առանցքում կան և՛ Հայաստանում, և՛ Հայաստանի սահմաններից դուրս ընկերություններ և կազմակերպություններ, որոնք մեծ ներդրում են ունեցել, որոնց թվում է նաև ԱՏՁՄ-ն, որն արժանի է գնահատանքի։ Դուք մեր կարևորագույն գործընկերներից և հենարաններից մեկն եք, միևնույն ժամանակ, մենք ևս հավակնում ենք լինել ձեր հենարանը և ապավենը գործադիր իշխանությունում։ Մենք պետք է ձևակերպենք մեր երազանքը, որը վերաբերում է այն ռազմավարական լուծումներին, որոնք այսօր տեսնում ենք․ առանց համայնքի յուրաքանչյուր մասնակցի ներգրավվածության, ակտիվ գործակցության չենք պատկերացնում այս աշխատանքի արդյունավետ կազմակերպումը»,- ասել է ՀՀ բարձր տեխնոլոգիական արդյունաբերության նախարարը՝ կոչ անելով ակտիվորեն համագործակցել։
Բացման ելույթներով հանդես են եկել նաև ԱԺ նախագահի տեղակալ Հակոբ Արշակյանը, ՀՀ էկոնոմիկայի նախարար Վահան Քերոբյանը, ԱՏՁՄ նախագահ Ալեքսանդր Եսայանը, ԱՏՁՄ գործադիր տնօրենի ժամանակավոր պաշտոնակատար Սարգիս Կարապետյանը։
Միջոցառմանը մասնակցել են ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը, ՀՀ-ում հավատարմագրված դեսպաններ, տեխնոլոգիական ոլորտի առաջատար ընկերությունների, գերատեսչությունների ղեկավարներ, միջազգային կազմակերպությունների ներկայացուցիչներ:
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
