Էջմիածնի նախկին քաղաքապետի ընտանիքը բուժապահովագրություն է ստացել քաղաքապետարանի հաշվին. Դավիթ Սանասարյան – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+11.09 oC

Էջմիածնի նախկին քաղաքապետի ընտանիքը բուժապահովագրություն է ստացել քաղաքապետարանի հաշվին. Դավիթ Սանասարյան

14:01 05.09.2018

Պետական վերահսկողական ծառայության պետ Դավիթ Սանասարյանը սեպտեմբերի 5-ին լրագրողների հետ հանդիպմանը, ամփոփելով իր պաշտոնավարման 100 օրը, նշեց, որ իրենց ուսումնասիրությունների արդյունքում հարուցված միակ քրգործը «Հայրենիք-Սփյուռք» ՊՈԱԿ-ի հանդեպ է: Նա ասաց, որ «Ուկրինվեստ»-ը 2018-ին պետբյուջեին մինչև հունիս հասցրել էր 30-35 մլն վնաս, հիմա ամփոփում են հուլիսը, սակայն վերջնական թիվը մամուլի հաղորդագրությամբ կներկայացնեն: Նա հայտնեց, որ հեղափոխությունից հետո ևս խախտումներ արվել են:

«Հայրենիք-Սփյուռք» ՊՈԱԿ-ի ղեկավարը, ըստ Սանասարյանի, պատրաստակամություն է հայտնել 100 մլն դրամ վերադարձնել բյուջե:

«Ունենք դեպք, երբ Սփյուռքի նախարարության կողմից հանձնարարվել է 70 մլն փոխանցել հեռուստաընկերությանը ֆիլմերը նկարելու համար, բայց ֆիլմերը նկարվել են, ասենք, Հանրայինի միջոցներով, իրավապահները կպարզեն` այդ փողն ուր է գնացել: Ագրարային համալսարանում ամենաանմխիթար վիճակներից մեկն է, թվեր չեմ ասելու, բայց ասելու եմ, որ բազմաթիվ են խախտումները` գնումների տեսքով, աշխատավարձերի, չգիտեմ` ում են տվել աշխատավարձ, ինչի հիման վրա: Ագրարային համալսարանն ունի տնտեսություններ, դրանցում էլի անմխիթար վիճակներ, անասուններ, որոնք օգտագործել են չգիտեմ ոնց, ինչի հիման վրա, ակտեր չկան»,- ասաց նա:

Սանասարյանը խոսեց նաև Էջմիածնում արձանագրված խախտումների մասին, մասնավորապես` կապված Էջմիածնի նախկին քաղաքապետ Կարեն Գրիգորյանի ընտանիքի հետ: Վերջինիս ընտանիքի անդամները, ըստ ծառայության պետի, բժշկական ապահովագրություն են ստացել քաղաքապետարանի հաշվին, տենդերներ են շահել կազմակերպությունները, որոնք փոխկապակցված են այդ ընտանիքի հետ, որոնց ծրարը չի բացվել մինչև օրս, այն բացել են վերահսկողական ծառայության աշխատակիցները, մինչդեռ տենդերներն իրականացրել են:

Նա նաև հայտնեց, որ գնման գործընթացին վերաբերող փաստաթղթերում հայտնաբերվել են մասնակցի կողմից կնքված` երկու տարբեր գնային առաջարկով բնօրինակներ, իսկ պայմանագիրը կնքվել է ավելի բարձր գնային առաջարկով, արձանագրվել են նաև դեպքեր, երբ փաթեթում բացակայել է մասնակցի գնային առաջարկը, մինչդեռ նրա հետ կնքվել է պայմանագիր, ու հիմնականում տենդերները իրականացրել են Գրիգորյանների ընտանիքին փոխկապակցված կազմակերպությունները:

Սանասարյանի խոսքերով` չկա պետական կառույց, որտեղ քաղաքացիներին ընդունում ու ճանապարհում են այնպես, ինչպես իրենց կառույցում: Նա վստահեցրեց` չկա քաղաքացի, որ կգա, փողոցում կկանգնի, ու նրան չեն ընդունի: Կառույցը ստացել է 604 դիմում-բողոք, դրանցից 301-ը վերահասցեագրվել է, դիմում-բողոքներից 70-ը աշխատանքի ընդունման վերաբերյալ է, բանավոր պարզաբանվել է 80-ը, գրավոր պատասխան է տրվել 44-ին, ընթացքի մեջ է 76-ը:

«886 քաղաքացու ենք ընդունել, անցյալ հինգշաբթի օրվանից սկսած, մեր ծառայության՝ թվով 10 աշխատակիցներ կառավարության նիստերի օրը մոտենում են քաղաքացիներին, լսում նրանց, նրանք վաղվանից էլ կլինեն: Այդ քաղաքացիների մի մասը տեղափոխվում են մեր շենքի սենյակներ, տեղի է ունենում ընդունելություն, լսում ենք քաղաքացիներին»,- ասաց ծառայության պետը:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP