13:22 01.09.2018
ՀՀ վարչապետ Նիկոլ Փաշինյանը մասնակցել է Սևան քաղաքի Վլադիմիր Կարապետյանի անվան թիվ 3 հիմնական դպրոցի տոնական միջոցառմանը: Դպրոցն ամենամեծն է մարզում: Այնտեղ սովորում է 966 աշակերտ: Իսկ այս տարի առաջին դասարան է հաճախել 111 աշակերտ:
Դիմելով ներկաներին՝ Փաշինյանը նշել է, որ սա նոր Հայաստանի առաջին սեպտեմբերի 1-ն է և փոքրիկները նոր Հայաստանի առաջին առաջին դասարանցիներն են: Ո՞րն է տարբերությունը և ինչը պետք է տարբերվի այս նոր իրավիճակում:
«Նոր Հայաստանում կարևորը պետք է լինի ոչ թե գնահատականը, այլ գիտելիքը, այսինքն՝ ամեն աշակերտ, ամեն ծնող պետք է ոչ թե գնահատականի հետևից գնա, այլ գիտելիքի: Նոր Հայաստանում կարևոր է լինելու ոչ թե այն, ինչ անգիր ենք արել, այլ նոր Հայաստանում կարևոր է լինելու հմտությունը, ընդունակությունների զարգացումը: Նոր Հայաստանում ուսուցիչը, դպրոցն իր առջև պետք է ոչ թե խնդիր դնի երեխային ինչ-որ տվյալներ փոխանցելու, այլ նոր Հայաստանում դպրոցը երեխային պետք է պատրաստի թռիչքի բառիս բուն իմաստով, որովհետև մենք բոլորս մեզ, մեր երկիրը, մեր ժողովրդին պիտի պատրաստենք թռիչքի, որովհետև եկել են ժամանակներ, երբ մենք պետք է կարողանանք թռչել, կարողանանք հասնել շատ բարձր նպատակների, նոր բարձունքների»,- նշել է վարչապետը:
Նրա խոսքով՝ նոր Հայաստանում ուսումնական պրոցեսը պետք է ոչ թե տառապանք լինի, այլ հաճույք և այս դժվարին խնդրի լուծման համար պետք է համախմբել մեր ուժերը, ոչ միայն ծնողները, ոչ միայն ուսուցիչները, ոչ միայն քաղաքական իշխանությունը, այլև ամբողջ հանրությունը, պետությունը, կառավարությունը, որովհետև, ըստ Փաշինյանի, նոր Հայաստանի առաջին սեպտեմբերի 1-ը խորհրդանշում է մի նոր էջ և այդ նոր էջում բոլորը պետք է ապրեն հաճույքով, ազատ և երջանիկ:
«Ես ուզում եմ հաջողություն մաղթել թռիչքի պատրաստվելու այս առաջին օրվա կապակցությամբ, թռիչքի պատրաստվելու մեր այս նոր ժամանակաշրջանում: Ձեր աչքերում ես տեսնում եմ հավատի զգացողություն, որը ոչ միայն չի պակասելու, այլև ամեն օր ավելի ու ավելի հզորանալու է, որովհետև դուք մի ժողովուրդ եք, որը հաղթել է և այլևս երբեք չի պարտվելու»,- ասել է Նիկոլ Փաշինյանը:
Այնուհետև վարչապետը շրջել է դպրոցով, եղել առաջին դասարանցիների դասասենյակներում և լուսանկարվել նրանց հետ: Լուսանկարվելու հնարավորությունից օգտվել են նաև երեխաների ծնողները:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
