14:28 19.03.2018
ԱԺ տնտեսական հարցերի մշտական հանձնաժողովն այսօր դրական եզրակացությամբ մարտի 20-ին մեկնարկող հերթական նիստերի օրակարգ է ընդգրկել «ՀՀ ընդերքի մասին օրենսգրքում» փոփոխություններ և լրացումներ կատարելու վերաբերյալ երկրորդ ընթերցման ներկայացրած օրենքի նախագիծը:
Նախագծով առաջարկվում է պարտադրել մետաղական հանքարդյունաբերությամբ զբաղվող խոշոր ընկերություններին պարբերաբար իրենց ընկերությունների կայքերում տեղադրել հաշվետվություններ:
«Այն, որ մենք անդրադառնում ենք մետաղական հանքարդյունաբերության ոլորտին, պայմանավորված է նաև նրանով, որ արտահանման ծավալների մեջ դրանք ունեն առանձնահատուկ դերակատարում և ՀՆԱ-ի համար համակարգաստեղծ գործունեություն են իրականացնում», – ընդգծել է հանձնաժողովի նախագահ Խոսրով Հարությունյանը՝ միաժամանակ հավելելով, որ հաշվի առնելով այդ ընկերությունների նշանակությունը տնտեսության զարգացման տեսակետից, շատ կարևոր է, որ այդ ընկերությունները գործեն հնարավորինս թափանցիկ:
ԱԺ Ելք խմբակցության անդամ Արամ Սարգսյանը իր հերթին ընդգծել է, որ ոլորտին քաջածանոթ է, քանի որ երկար տարիներ շինանյութերի ոլորտում զբաղվել է հանքարդյունաբերությամբ, ու հիմա մտավախություն ունի, որ օրենքի նախագծում թափանցիկության պահանջը չափազանցված է: «Չափից ավելի շատ բյուրոկրատական ու թղթագրության համար դաշտ ենք ստեղծել և կարծում եմ, որ այդ թափանցիկությունը նաև ինչ-որ առումով հետագայում խանգարելու է մեր հանքարդյունահանողներին, որովհետև առանձնապես շատ էլ չեն այդ ոլորտում ներդրումներ անելու ցանկություն ունեցողները», – նշել է «Ելք» խմբակցության ներկայացուցիչը՝ հավելելով, որ կողմ կքվեարկի նախագծին, բայց խնդրում է նաև հաշվի առնել իր նկատառումը:
Խոսրով Հարությունյանը մասամբ համաձայնել է Արամ Սարգսյանի դիտարկման հետ՝ նշելով, որ իր ենթադրությամբ սա դեռ մեկնարկային փուլն է, իսկ հետագայում կյանքը ցույց կտա՝ արժի նոր կարգավորումներ մտցնել, թե ոչ: Խոսրով Հարությունյանի պնդմամբ, մի բան ակնհայտ է, որ ոլորտը հանրային վերահսկողության կարիք ունի:
«Մենք էլ կհետևենք, որպեսզի չփորձենք հոնքը սարքելու փոխարեն, աչքն էլ վնասել», – եզրափակել է տնտեսական հարցերի հանձնաժողովի ղեկավարը:
Նախագիծը դրական եզրակացություն է ստացել բացառապես կողմ ձայներով:
00:59 04.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
00:51 04.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետոՀունաստանի Հռոդոս կղզում ավարտվեց շախմատի Եվրոպայի կանանց անհատական առաջնության 4-րդ խաղափուլը: Այս մասին հայտնել են Հայաստանի շախմատի ֆեդերացիայից: 4 խաղափուլից հետո գրոսմայստեր Էլինա Դանիելյանը ունի 3.5 միավոր և կիսում է 2-8-րդ հորիզոնականները: Միջազգային վարպետ Լիլիթ Մկրտչյանը և կանանց գրոսմայստեր Մարիա Գևորգյանը ունեն 3 միավոր և նույնպես առաջատարների շարքում են: Այսօր Մարիան հաղթել է Եվրոպայի կանանց […] ...
00:42 04.04.2025
Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն ՍիմոնյանՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը ապրիլի 3-ին մասնակցել է ԵՄ կողմից ֆինանսավորվող «Կանաչ գյուղատնտեսություն նախաձեռնությունը Հայաստանում» (EU-GAIA) շրջանակներում Երևանում անցկացվող Կանաչ գյուղատնտեսության միջազգային համաժողովին։ Այս մասին հայտնել են ԲՏԱ նախարարությունից: Ողջունելով համաժողովի մասնակիցներին՝ Ռուբեն Սիմոնյանն ընդգծել է, որ նման միջոցառումները կարևոր հարթակ են նորարարների, գիտնականների և քաղաքական գործիչների համար՝ համատեղ քննարկելու կայուն […] ...
00:30 04.04.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...
00:16 04.04.2025
Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրներըԵրևանի «Դինամո» մարզադահլիճում ավարտվել է հունահռոմեական ոճի ըմբշամարտի Հայաստանի պատանեկան առաջնությունը։ Այս մասին հայտնել են Հայաստանի ըմբշամարտի ֆեդերացիային՝ ներկայացնելով հաղթողներին և մրցանակակիրներին։ 45 կգ Արարատ Ավետիսյան Գյումրի Նարեկ Ալեյան Նորայր Մուշեղյան ՄԴ Բագրատ Կարապետյան Նորայր Մուշեղյան ՄԴ Ալեն Քեսաբյան Աշտարակ 48 կգ Մարտին Մանջիկյան Նորայր Մուշեղյան ՄԴ Վլադիկ Վարդանյան Նորայր Մուշեղյան ՄԴ Ռազմիկ Գևորգյան Ջրվեժ […] ...
23:59 03.04.2025
Ապրիլի 13-19-ը Երևանում կկայանա Հոկեյի աշխարհի առաջնությունըՀՀ սփյուռքի գործերի գլխավոր հանձնակատար Զարեհ Սինանյանը հանդիպել է Հայաստանի հոկեյի ֆեդերացիայի գլխավոր քարտուղար Արամ Սարգսյանի և Հայաստանի հոկեյի լիգայի խորհրդի անդամ Նատալյա Կազանցևայի հետ։ Այս մասին հոյտնել են Սփյուռքի գլխավոր հանձնակատարի գրասենյակից: Հանդիպման ընթացքում քննարկվել է այս տարվա ապրիլի 13-19-ը Երևանում կայանալիք Հոկեյի աշխարհի առաջնությունը, որտեղ Հայաստանի հավաքականը հանդես կգա 15 տարվա դադարից հետո։ […] ...
