21:00 20.06.2023
Աշոցքի Կոճոռ թաղամասի փայտյա երկհարկանի կացարանների տեղում կկառուցվեն նոր շենքեր։ Կառավարության որոշմամբ հաստատվել է Կոճոռի 164 ընտանիքների բնակապահովման հարցը։ Ի սկզբանե երեք տարբերակ էր քննարկվում՝ փայտյա կացարանների վերանորոգում, բնակարանի գնման վկայագրերի տրամադրում կամ նոր բնակֆոնդի կառուցում։ Հաշվի է առնվել բնակիչների կարծիքը և ընտրվել է երրորդ տարբերակը՝ բնակարանաշինությունը։ Այն այժմ նախագծանախահաշվային փուլում է։ Այսօր Աշոցքում անցկացվել է բնակելի շենքերի կառուցման շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում:
Բնակելի շենքերի կառուցման շրջակա միջավայրի վրա ազդեցության նախնական գնահատման հայտով տրվում են այն հարցերի պատասխանները, թե ինչքան աղմուկ է բարձրանալու շինարարության ընթացքում, փոշու ինչպիսի մակարդակ է լինելու և բնապահպանական ինչ հետևանքներ առհասարակ կարող է ունենալ շինարարութւոնը։ Բայց հանրային քննարկման մասնակից Կոճոռի բնակիչներին լրիվ ուրիշ հարցեր էին հետաքրքրում։ Դրանցից առաջինը՝ որտե՞ղ են կառուցվելու նոր շենքերը։ Ըստ նախագծի` նոր շենքերը կառուցվելու են ներկայիս թաղամասի տարածքում։
Կոճոռի փայտյա երկհարկանի կացարաններից յուրաքանչյուրում 1988-ից հետո 4 ընտանիք է ապրում։ Եվ բնակիչներին անգամ հետաքրքրում էր, թե նոր շենքերը կառուցելուց հետա արդյո՞ք փոխվելու են իրենց հարևանները։ Այլ կերպ ասած՝ առաջնային է, թե ինչպես են բաշխվելու բնակարանները։
«Ամեն մուտքում լինելու է 4 բնակարան՝ երկուական 3 և երկուական 4 սենյականոցներ։ Բնակարանների ընդհանուր մակերեսը, ինչ հիմա ունեն բնակիչները, դրանից 1-2 քառակուսի մետր ավելի շատ է նախատեսված», – բնակիչներին ասել են հանրային քննարկման կազմակերպիչները։
Բնակիչներին հետաքրքրող առաջնային հարցերի ցանկում նաև ենթակառուցվածքներն են։ Կոճոռում որոշ բնակիչներ սեփական միջոցների հաշվին բնակարանները գազաֆիկացրել են։ Ըստ նախագծի՝ նոր թաղամասը ևս գազաֆիկացում ունենալու է։
Ծրագիրը դեռ նախագծանախահաշվային փուլում է։ Նախագծի մշակումը գնահատվել է 4,2 մլրդ դրամ։ Ըստ Աշոցքի համայնքապետի տեղակալի՝ նախագծի մշակման համար հատկացված գումարը կազմում է Կոճոռի բնակարանաշինության ընդհանուր գումարի 30 %-ը։ Իսկ ծրագրի ժամկետներ չեն նշվում։
«Գտնվում է ծրագիրը նախագծային փուլում և ժամկետները կախված են դրանից, թե ինչքան արագ կավարտվի նախագծման փուլը։ Հետո կհայտարարվի մրցույթ, մասնակցող շինկազմակերպություններից ով ճանաչվեց հաղթողը, նա էլ կկառուցապատի »,- SHANTNEWS-ին ասել է Աշոցք համայնքի ղեկավարի տեղակալ Լևոն Կոնդյանը։
Կոճոռում 164 բնակարան կա։ Դրանց մի մասը բնակեցված չէ։ Անմխիթար վիճակի պատճառով բնակիչները լքել են տները, այլ բնակավայրեր տեղափոխվել, բայց պահպանել են բնակարանի նկատմամբ սեփականության իրավունքը, ինչը նրանց դարձնում է բնակարանաշինական ծրագրի շահառու։
Բնակարանաշինությունը Աշոցքում բավական մեծ հատկացումներ պահանջող ծրագիր է, բայց գյուղացիները ամենահարմարն են համարում։ Վկայագրերից հրաժարվել են ոչ միայն դրանց ցածր արժեքի պատճառով, այլև նրա համար, որ վկայագրերի տրամադրումը կնշանակեր գյուղում ընտանիքների արտահոսք։ Բնակարանաշինությունը նշանակում է, որ 164 ընտանիք կշարունակի ապրել Աշոցքում։
15:54 11.04.2025
Մանվել Խաչատրյանը բացահայտ առավելությամբ հաղթեց թուրք ըմբիշին և նույնպես դուրս եկավ կիսաեզրափակիչ․ ԵԱՍլովակիայի մայրաքաղաք Բրատիսլավայում ընթացող ըմբշամարտի Եվրոպայի առաջնությունում 55 կգ․ քաշային Մանվել Խաչատրյանը պայքարի մեջ է մտել քառորդ եզրափակչից։ Հայ ըմբիշը 3 րոպե 34 վայրկյանում բացահայտ առավելությամբ՝ 9-0 հաշվով հաղթել է թուրք Էմրե Մուտլուին և դուրս եկել կիսաեզրափակիչ։ Հիշեցնենք, որ կիսաեզրափակիչ են դուրս եկել նար Կարեն Ասլանյանն (63 կգ․) և Մալխաս Ամոյանը (77 կգ․)։ ...
15:49 11.04.2025
Փաշինյանը ծանոթացել է Խոտ-Որոտան ավտոճանապարհի վերակառուցման աշխատանքների ընթացքինՀՀ վարչապետ Նիկոլ Փաշինյանը ծանոթացել է Խոտ-Որոտան ավտոճանապարհի վերակառուցման աշխատանքների ընթացքին։ Այս մասին Փաշինյանը գրել է Ֆեյսբուքի իր էջում ու կիսվել տեսանյութով։ ...
15:40 11.04.2025
Մալխաս Ամոյանը դուրս եկավ կիսաեզրափակիչ, որտեղ կմրցի Բուլղարիան ներկայացնող հայ ըմբիշի հետ․ ԵԱՍլովակիայի մայրաքաղաք Բրատիսլավայում ընթացող ըմբշամարտի Եվրոպայի առաջնությունում Մալխաս Ամոյանը (77 կգ) երկրորդ հաղթանակը տարավ և դուրս եկավ կիսաեզրափակիչ։ 1/4 եզրափակչում Մալխասը 7-2 հաշվով հաղթեց մոլդովացի Ալեքսանդր Սոլովեյին։ Հիշեցնենք, որ 1/8-ում Մալխասը հանդիպել էր լեհ Մատեուժ Բերնատեկի հետ և փայլուն հաղթանակ տարել 9-0 հաշվով։ Գոտեմարտը տևել էր 1 րոպե 59 վայրկյան։ 1/2 եզրափակչում Ամոյանը կմրցի Բուլղարիան […] ...
15:35 11.04.2025
Հայաստան-Թուրքիա կարգավորման գործընթացի վերաբերյալ լավ քննարկում ունեցա Սերդար Քըլըչի հետ․ ՌուբինյանՀայաստանի Ազգային ժողովի փոխնախագահ, Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը Անթալիայի դիվանագիտական ֆորումի շրջանակներում հանդիպել է կարգավորման գործընթացում Թուրքիայի հատուկ ներկայացուցիչ Սերդար Քըլըչի հետ։ Ռուբինյանն այս մասին հայտնել է X-ի իր միկրոբլոգում։ «Անթալիայի դիվանագիտական ֆորումի շրջանակներում Հայաստան-Թուրքիա կարգավորման գործընթացի վերաբերյալ լավ քննարկում ունեցա Սերդար Քըլըչի հետ»,- գրել է Ռուբինյանը։ ...
15:33 11.04.2025
Հանձնաժողովը դրական եզրակացություն է տվել վարկային համաձայնագրինՀայաստանի Հանրապետության ու Վերակառուցման եւ զարգացման միջազգային բանկի միջեւ «Առողջության համապարփակ ծածկույթի ներդրման ծրագիր» վարկային համաձայնագիրը ստորագրվել է 2024 թվականի հուլիսի 25-ին: Համաձայնագրով նախատեսվում է բանկի կողմից Հայաստանին տրամադրել 102,000,000 եվրո վարկ՝ առողջության համապարփակ ծածկույթի ներդրման ծրագրի իրականացման համար: Այս մասին ասել է ՀՀ առողջապահության նախարարի առաջին տեղակալ Լենա Նանուշյանը՝ ԱԺ առողջապահության հարցերի մշտական հանձնաժողովի՝ […] ...
15:25 11.04.2025
Տիգրան Դադունցն ընդունել է Արժույթի միջազգային հիմնադրամի հայաստանյան առաքելության պատվիրակությանըԱրդարադատության նախարարի տեղակալ Տիգրան Դադունցն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովային, ով ավարտում է իր առաքելությունը Հայաստանում, Ալեքսանդր Թիմանին, ով շուտով ստանձնելու է ԱՄՀ հայաստանյան առաքելության նոր ղեկավարի պաշտոնը, ինչպես նաև առաքելության ներկայացուցիչներին: Հանդիպմանը նախարարի տեղակալը բարձր է գնահատել հաստատությունների միջև առկա համագործակցությունը՝ հատուկ ընդգծելով ԱՄՀ հետ համագործակցության նշանակությունն ու […] ...
