18:52 18.05.2023
Ամասիայի վարչական տարածքում Կապսի ջրամբարի շինարարությունը սկսվել էր դեռ 1985 թվականին, նախատեսվում էր կառուցել 90 մլն մետր խորանարդ ծավալով ջրամբար, ինչը կապահովեր Շիրակի մարզի 30 հազար հեկտար հողատարածքների ոռոգումը: Պատվարի կառուցումը անավարտ մնաց 88-ի երկրաշարժի պատճառով, իսկ 1993 թվականից շինարարությունն ամբողջությամբ դադարեցվեց:
Երեսուն տարի անց վերսկսվում է ռազմավարական նշանակության ջրամբարի անավարտ շինարարությունը: Ախուրյանի կիրճի մի քանի անգամ փոքրացված մակետի վրա ճարտարապետը ցույց է տալիս ջրամբարի ընդհանուր տեսքը, հարակից կառույցների տեղակայումն ու դրանց գործարկման մեխանիզմները:
«Շատ հետաքրքիր կառուցվածք ունի էս ջրամբարը․ առկա է երկու թունել։ Առաջինը կունենա 498 մետր, իսկ երկրորդը ՝ 529 մետր երկարություն։ Մեկը ծառայելու է հատակային ջրթողի համար, իսկ մյուսը ոռոգման թունելն է, որտեղից ջուրը մղվելու է դեպի Ախուրյանի կիրճ»,- ջրամբարի կառուցվածքը ներկայացնում է Ճարտարապետության և շինարարության Հայաստանի ազգային համալսարանի ռեկտոր Եղիազար Վարդանյանը։
Ջրամբարի պատվարի բարձրությունը հասնելու է 53 մետրի, գործարկումից հետո կփոխվի նաև Գյումրի-Ամասիա ճանապարհի ուղղությունը: Դեպի արոտավայրեր, խոտհարքներ ու հին գյուղ՝ Ջրաձոր, հասնելու համար ևս այլընտրանքային ճանապարհ կկառուցվի, մայրուղին կանցնի հենց պատվարի վրայով:
Առաջին փուլով նախատեսվում է կառուցել 25 մլն մետր խորանարդ տարողության ջրամբար, շինարարության ընթացքում կօգտագործվեն գոյություն ունեցող պատվարի մի մասն ու կցակառույցները: Կապսի ջրամբարի տարածքում տեխնիկատնտեսական ուսումնասիրություններ իրականացվել են դեռևս 2015 թվականից: Կուտակվող ջրային պաշարներով հնարավոր կլինի ոռոգելի դարձնել մինչ այժմ անջրդի համարվող հազարավոր հեկտար հողատարածքներ:
«Առաջին փուլից հետո ոռոգելի հողատարածքները կլինեն 17 հազար հեկտար, նոր հողատարածքներ ևս կդառնան ոռոգելի՝ 2000 հեկտար, որոնք ներկայումս մեխանիկական ոռոգման եղանակով են ոռոգում, անցում կկատարվի ինքնահոս եղանակի»,- նշում է ՀՀ փոխվարչապետ Տիգրան Խաչատրյանը:
Ջրամբարի կառուցումը կարևորվում է նաև կլիմայի փոփոխությամբ պայմանավորված ջրային ռեսուրսների կրճատման ֆոնին պաշարների կուտակման ու ավելի արդյունավետ կառավարման տեսանկյունից: Երկրորդ փուլով նախատեսվում է ջրամբարի ծավալները հասցնել մինչև 60 մլն մետր խորանարդի, այս դեպքում կխնայվի նաև ոռոգման նպատակով ծախսվող էլեկտրաէներգիան:
Ջրամբարի բուն շինարարությունը կսկսվի մոտ մեկ ամսից, երբ տարածք կտեղափոխվի շինտեխնիկան ու կկառուցվի ժամանակավոր կեցավայր: Շինարարությունն իրականացնելու է չինական «Շանսի Քոնսթրաքշն Ինվեսթմենթ գրուպ» ընկերությունը, որը ջրամբարների կառուցման մեծ փորձ ունի: Աշխատանքներում կընդգրկվեն նաև հայկական կապալառու ընկերություններ։
Կապսի ջրամբարի կառուցմանը զուգահեռ հաջորդ տարվանից կսկսվեն նաև Նոր Ջրաձոր գյուղի հիմնադրման աշխատանքները: Տեղափոխվող գյուղը կկառուցվի 11.6 հեկտար տարածքում, հատակագիծն ու նախագիծն արդեն պատրաստ են:
«84 տնտեսություն է նախատեսված, հեռանկարի համար մի քանի ռեզերվային տարածքներ կան, որոնք կարող են գյուղի զարգացումը ապահովել։ Սկզբում 76 տուն է լինելու, նախագծում ներկայացված են 86-ը։ Յուրահատուկ կառուցման ճարտարապետական լուծումների շնորհիվ անհրաժեշտության դեպքում հնարավոր կլինի բնակակմակերեսները ընդլայնել, հարկայնությունը բարձրացնել»,- նշում է Ճարտարապետության և շինարարության Հայաստանի ազգային համալսարանի պրոֆեսոր Տիգրան Բարսեղյանը։
Նոր գյուղում անասնագոմեր չեն կառուցվի: Ըստ նախագծի, դրանք կլինեն գյուղից մոտ 300 մ հեռավորության վրա, որտեղ նախատեսվում է կառուցել ընդհանուր արտադրական տարածք: Ջրաձորցիներին առանձին անասնագոմեր ունենալու փոխարեն առաջարկում են ստեղծել կոոպերատիվ:
Նոր Ջրաձորի առանձնատների վերջնական նախագծման ու եղած բնակտարածքների հետ համադրությունների փուլը կմեկնարկի մայիսի 20-ից: Կհստակեցվեն նաև փոխհատուցման չափն ու տարբերակները: Նոր գյուղի կառուցման ընդհանուր արժեքը մոտ 5 միլիարդ դրամ է։ Բնակավայրի կառուցման շինարարական մրցույթ կհայտարարվի այս տարվա երրորդ եռամսյակում:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
