20:02 24.04.2023
1․5 մլն սրբադասված հայերի հիշատակին ամեն տարի Ջարդի կամ Հերհերի ձորում հարգանքի տուրք են մատուցում Շիրակի և Լոռու մարզերի բնակիչները։ Ամեն տարի ապրիլի 24-ին պատմական իրադարձությունների կնիքը կրող վայր են գալիս նաև Ջարդի ձորում սպանվածների սերունդները։
85-ամյա Միշա Զաքարյանն ամեն տարի Ջարդի ձոր է հասնում Սպիտակի տարածաշրջանի Լեռնավան գյուղից։ Գալիս է թոռների ու ծոռների հետ, նրանց պատմում Զաքարյանների տոհմի պատմությունը։ Արևմտյան Հայաստանից գաղթած պապին թուրքերը 1920 թվականին այստեղ են սպանել, տատը սովի ու աղքատության մեջ մեծացրել է 10 երեխաներին։ Ջարդի ձորը Միշա պապի համար ուխտատեղի է։
«Ես էստեղ եմ եկել մինչև հուշարձանի սարքելը։ Տատիս ասելով՝ իմ պապին էստեղի սարից գլորել են ցած։ Ուխտ ու պայման եմ արել, որ միշտ պետք է գամ այստեղ, քանի որ իմ պապի գերեզմանն է այստեղ։ Ես իմ պապի, մեկ ուրիշն էլ իր հարազատի համար է գալիս Ջարդի ձոր»,- պատմում է Միշա պապը։
Նախնիները գաղթել են Արևմտյան Հայաստանի Բասենի գավառի Ազաբքեա գյուղից։ Պապի հայրը՝ Պողոսը, եղել է գյուղի քյոխվեն։ 2000 տնտեսություն ունեցող գյուղի բնակիչներին վախեցնելու համար կենտրոնում այրել են պապի հորն ու եղբորը, ընտանիքներով թողել են իրենց տներն ու գաղթել Արևելյան Հայաստան։
«Գյուղացիները տեսնելով, որ Պողոսի պես մարդուն վառեցին, ձմեռն անցկացնելուց հետո գարնանը կելնին ու կփախնին գյուղից։ Մի 2000 տնտեսություն եկել են Հայաստան, մի մասը հաստատվել են Ախուրյանի տարածաշրջանի Թոփառլի գյուղում, մի մասը եկել են Նալբանդ գյուղ, իսկ մի մասն էլ հասել են մեր գյուղ՝ Լեռնավան»,- պատմում է Միշա Զաքարյանը։
Միշա պապը 12 երեխա, 36 թոռ ու 28 ծոռ ունի։ Ասում է՝ շատ երեխաներ ունենալով պետք է պահենք հայի գենը, իսկ նոր սերունդը պետք է շարունակի լինել պահանջատեր։ Պատմական իրադարձությունների ու իրական փաստերի հետ առերեսվելու պահանջը սերունդներն իրենց սրբազան պարտքն են համարում։ Հերհերի ձորում հիշատակի և խոնարհումին միացած աշակերտների, երիտասարդների համար հայրենի հողում ապրելը դրա լավագույն ապացույցն է։
Պատմական փաստերն ու Մեծ եղեռնի ականատեսների վկայություններն են հաստատում, որ Արևմտյան Հայաստանից տեղահանված հայերը էթնիկ զտումների են ենթարկվել` հասնելով Արևելյան Հայաստան, նրանց հանդեպ Թուրքիայի հետապնդումներն ու սպանությունները շարունակվել են։
Ջարդի ձորը Հայաստանում այն միակ վայրն է, որտեղ 1918-1921 թվականներին թուրքերը իրականացրել են հայերի զանգվածային կոտորածներ, այս տարածքում են սպանվել հիմնականում Ալեքպոլի և Ղարաքիլիսայի գյուղերի այն բնակիչները, որոնք 1915 թվականին գաղթել ու մի կերպ հասել էին Արևելյան Հայաստան։
Տարբեր ժամանակներում Ջարդի ձորում հայտնաբերվել են բազմաթիվ մարդկային ոսկորներ, եղբայրական գերեզմաններ, որոնք վկայությունն են դարձել տասնամյակներ առաջ կատարված ոճրագործության։ Բայց Ջարդի ձորում կոտորածի ենթարկված հայերի թիվն իրականում ավելի շատ է, առ այսօր պատմական այս տարածքն ամբողջությամբ դեռ ուսումնասիրված չէ։ Որոշ վկայությունների համաձայն, 1918-1921 թվականներին հայերի զանգվածային կոտորածներ են եղել Ամասիայի Բայթար՝ ներկայում Հովտուն գյուղի տարածքում և Աշոցքի տարածաշրջանում։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
