21:00 23.02.2023
«Կումայրի» արգելոց- թանգարանի հատուկ պահպանվող շինությունների ցանկում ներառված Գյումրիի թիվ 1 ավագ դպրոցի պատշգամբի և մարզադահլիճի վերանորոգման մեկնարկի ժամկետներ դարձյալ չկան: Նախագիծը պատրաստ էր դեռ երկու տարի առաջ։ ՀՀ տարածքային զարգացման հիմնադրամի մասնագետները գնահատել են, հստակեցրել պահանջվող ֆինանսավորման չափը: Պետության և համայնքային համաֆինանսավորման պարտավորությունները ևս կատարված են, բայց երկու տարի է պատշգամբի պահպանության ծրագիրը ձգձգվում է։
Ճոճվող հատակ, քայքայված փայտյա հենասյուներ ու մեծ ճաքերով՝ առանձնացված պատեր…. Ավելի քան 15 տարի դպրոցի մարզադահլիճի վիճակն անհուսալի է: Ֆիզկուլտուրայի դասերը խարխլված պատերով մասնաշենքում պարապել հնարավոր չէ։
Դեռ 2019 թվականին Արտակարգ իրավիճակների նախարարության մասնագետներն են վիճակը գնահատել, եզրակացություն տվել, որ դպրոցի մարզդահլիճն ու փայտյա պատշգամբը վտանգավոր են։ Մասնագիտական նման եզրակացությունն էլ հիմք է հանդիսացել «Կումայրի» արգելոցի կառույցն ընդգրկել դպրոցաշինական ծրագրում։
Խոսքը 2020 թվականին հաստատված քաղաքաշինական ծրագրի մասին է։ Հետագա քայլը եղավ այն, որ Հայաստանի տարածքային զարգացման հիմնադրամը կազմեց վերակառուցման նախագիծ-նախահաշիվ, հայտարարեց շինմրցույթ, բայց շահող կազմակերպություն մինչև հիմա չի գտնվել։
«Պատշգամբի հատվածը հիմնանորոգվելու է, այսինքն վերանորոգելու բան չկա, հիմքից կառուցելու են նորը։ Շինարարների հետ որ զրուցում եմ, ասում են, որ գումարը էդքան էլ մեծ չէ, չգիտեմ մոտ 50 միլիոնը մեծ է, թե չէ էս մի պատշգամբի ու մարզադահլիճի համար, բայց բոլոր դեպքերում սա է եղել պատճառը, որ չեն մասնակցել մրցույթին, մեկ-երկուսն էլ ասել են, թե տեղյակ չեն եղել»,- նշում է Գյումրիի թիվ 1 ավագ դպրոցի տնօրեն Նաիրա Թադևոսյանը։
Իսկ ինչո՞ւ են հրաժարվում շինարարական կազմակերպությունները մասնակցել պատմական պատշգամբի հիմնանորոգման և մարզադահլիճի վերանորոգման համար հայտարարված մրցույթներին: Դպրոցի տնօրենին հասած տեղեկություններով, պատճառը նախահաշվով սահմանված արժեքն է, որը, ըստ շինարար մասնագետների գնահատումների, նման ծավալի շինարարության համար բավարար չէ: Իսկ ե՞րբ կհայտարարվի նոր մրցույթ․ ծրագրի մասին պարզաբանումներ ներկայացնելիս, տարածքային զարգացման հիմնադրամի հասարակայնության հետ կապերի պատասխանատու Սարգիս Գոքորյանը ժամկետներ չնշեց։
«Էս պահին ծրագիրը, որով պիտի իրականացվեն տվյալ դպրոցի բարենորոգման աշխատանքները, որոշակի քննարկումներ կան, այսինքն՝ տեղական տնտեսական զարգացման ծրագիրն է, որը ֆինանսավորվում է համաշխարհային բանկի և կառավարության կողմից, և դրա շարունակություն, լրացուցիչ ֆինանսավորման հետ կապված հարցերն են օրակարգում։ Վերջնական քննարկումների արդյունքների վերաբերյալ հիմնադրամը հայտարարություն կտարածի»,- ShantNews.am-ի հետ զրույցում պարզաբանել է Սարգիս Գոքորյանը։
Պատասխանատուն ընդգծեց, որ ծրագիրը շարունակելու վերաբերյալ քննարկումներ են ընթանում Համաշխարհային բանկի և կառավարության միջև։ Նաև նախագծանախահաշվային փաստաթղթով պատշգամբի և մարզադահլիճի վերանորոգման համար սահմանված 43 միլիոն դրամը նման ծավալի աշխատանքներ իրականացնելու համար բավարար չեն և լրացուցիչ ֆինանսավորում գտնելու անհրաժեշտություն է առաջացել։
Արգելոցի մաս կազմող կառույցի վերանորոգումներն արվելու են նորմերի խիստ պահպանումով, որը նախագծով է նաև սահմանված։ Հին, քաղաքային միջավայրին բնորոշ փայտե պատշգամբը պետք է վերականգնվի նույնությամբ, թույլատրելի փոփոխությունը միայն լինելու է կրող հենասյուների համար, փայտե հենասյուները կփոխարինվեն երկաթյայով։
Տարածքային զարգացման հիմնադրամի պատասխանատուն հայտնեց, որ անցած 2 տարիների ընթացքում պատշգամբի և մարզադահլիճի սեյսմիկ վիճակի կրկնակի ուսումնասիրություն չի կատարվել, մասնագիտական եզրակացություններից հետո չեն բացառվում նախագծային փոփոխությունները ևս։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
