19:56 21.02.2023
Գյումրիում բացվեց կամերային երաժշտության դահլիճ, որն իր ձայնային ու տարածական հնարավորություններով կդառնա հարթակ կամերային նվագախմբերի ու անհատ երաժիշտների համար։ Կամերային երաժշտության դահլիճի է վերափոխվել թիվ 4 երաժշտական դպրոցի աշակերտական դահլիճը, որի վերանորոգումը, կահավորումն ու լուսաձայնային տեխնիկայի ձեռք բերումը կատարվել է համայնքային բյուջեի միջոցներով։
70-ականներին կառուցված երաժշտական դպրոցի դահլիճում վերանորոգման աշխատանքները սկսվեցին երկու տարի առաջ։ Նախագիծը կարևորվեց, քանի որ մշակութային քաղաքը չուներ բավարար հնչողության համերգային դահլիճ։ Նպատակը աշակերտական դահլիճը կամերային երաժշտության վերափոխելն էր։ Բեմի փայտյա հատակն ու հենասյուները խոնավությունից քայքայվել էին, դահլիճը գրեթե փակ էր մշակութային միջոցառումների համար։
Երկու տարվա ծրագիրը իրականացվեց երեք փուլով։ Դահլիճը վերանորոգվեց ու արդիականացվեց։ Սկզբնական փուլում քաղաքային բյուջեից տրամադրվեց 20 միլիոն դրամ, իսկ ջեռուցման համակարգ անցկացնելու համար հատկացվեց ևս 5 միլիոն դրամ։ Ապա անհրաժեշտ պահանջ դարձավ կամերային դահլիճի նախասրահի վերանորոգումը։ Թիվ 4 արվեստի դպրոցի նախասրահի մեծ պատուհանները ենթակա էին փոխարինման, որի համար ծախսվեց ևս 8 միլիոն դրամ։ Երեք փուլով կատարված աշխատանքների արդյունքում առաջին անգամ Գյումրին այժմ ունի կամերային երաժշտության դահլիճ։
«Ես վստահ եմ, որ Գյումրիի կամերային երաժշտության դահլիճը դառնալու է սպասված հանդիպումների հանգրվան, որ այստեղ ելույթ են ունենալու հայ և միջազգային ճանաչում ունեցող այնպիսի երաժիշտներ, ովքեր մինչ այս պահը հրաժարվում էին նվագել կամ ելույթներ ունենալ Գյումրիում՝ համապատասխան դահլիճի, գործիքների կամ միջավայրի բացակայության պատճառով և, ավելի քան համոզված եմ, որ այսօրվանից հետո դասական երաժշտության պատմության նոր էջ ենք գրելու Գյումրիում՝ շնորհիվ այս դահլիճի»,- նշում է Գյումրիի քաղաքապետարանի մշակույթի և երիտասարդության հարցերի բաժնի պետ Լիլիթ Թովմասյանը։
Կամերային երաժշտության դահլիճն իր ակուստիկ հնարավորություններով թույլ կտա դասական համերգներ անցկացնել Գյումրիում։ Դահլիճը կահավորված է նոր լուսաձայնային տեխնիկական միջոցներով, նախատեսված է մինչև 250 հանդիսատեսի համար։
Այս ընթացքում Գյումրիում ստեղծվել են նոր նվագախմբեր, որոնցում ընդգրկված են քաղաքի արվեստի դպրոցների լավագույն աշակերտներն ու երաժիշտ կատարողները։ Նոր կամերային դահլիճում առաջին համերգային կատարմամբ ներկայացավ Տիգրան Մանսուրյանի անվան աշակերտական նվագախումբը, որը հիմնադրվել է երկու տարի առաջ։
Մանսուրյանի անվան աշակերտական նվագախմբից բացի, «Անի» փողային նվագախմբին կից այս ընթացքում հիմնվել է նաև մանկական փողային նվագախումբ, որը հարուստ պատմություն ունեցող նվագախմբի ավանդույթների շարունակողն է լինելու։ Բոլոր նվագախմբերն այս ընթացքում համալրվել են անհրաժեշտ երաժշտական գործիքներով։
Աշակերտական, երիտասարդական ու քաղաքի բոլոր նվագախմբերի, անհատ կատարողների համար կամերային երաժշտության դահլիճը համերգային ծրագրերով ու երաժշտական փառատոններով հանդիսատեսին ներկայանալու ազատ ու բաց հարթակ է լինելու։ Այստեղ են անցկացվելու մշակութային միջոցառումներն ու դասական համերգները։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
