18:38 15.02.2023
Հանրապետության բոլոր դպրոցներում համընդհանուր ներառական կրթական համակարգը ներդրվեց երկու տարի առաջ, ծրագրի արդյունքում առանձնահատուկ պայմանների կարիք ունեցող շատ երեխաներ իրենց հասակակիցների հետ հավասար պայմաններում հաճախում են դպրոց և ընդգրկված են կրթական ծրագրում։
Ներառական կրթական ծրագրի ներդրումը փոխեց նաև հատուկ դպրոցների գործառնական ոլորտը։ Դրանք վերակազմակերպվեցին տարածքային մանկավարժահոգեբանական աջակցության կենտրոնների, որոնց է վերապահված ներառական կրթական ծրագրում ընդգրկվող երեխաների գնահատման գործընթացը։
Առաջին մակարդակի գնահատումից հետո, երբ երեխայի կարիքը գնահատվում է թեթև, դպրոցում կամ նախակրթարանում հատուկ ծրագրերի և ուղեցույցների միջոցով իրականացվում են կանխարգելիչ միջոցառումներ, իսկ ծանր կամ խորը աստիճանների դեպքում արդեն երեխայի հետ աշխատում են նեղ մասնագետները։ Երեխայի գնահատման գործընթացը մասնագետները կարող են սկսել միայն ծնողի համաձայնությամբ, իսկ մերժում ստանալու դեպքում օրենքում կատարված նոր փոփոխություններով են առաջնորդվում։
«Կա մի օրենք, որն այս տարվանից է ուժի մեջ մտել․ եթե ծնողը չի համաձայնվում իր երեխային ներկայացնել գնահատման, բայց երեխայի մոտ խնդիրն ակնառու է և առանց մասնագիտական աջակցության ավելի կխորանա խնդիրը, ելնելով զուտ երեխայի շահերից, քաղաքապետարանից ստանում ենք հոգաբարձուների խորհրդի միջոցով ժամանակավոր խնամակալի իրավունք ու ներկայացնում ենք երեխային գնահատման»,- պարզաբանում է Շիրակի ՏՄԱԿ-ի գնահատման բաժնի ղեկավար Սեդա Կարապետյանը։
Այս տարվա սեպտեմբերից համընդհանուր ներառական կրթական ծրագիրը մտնում է բոլոր նախակրթարաններ ու մանկապարտեզներ։ 8 ամսում կվերապատրաստվեն Գյումրիի ու մարզի բոլոր համայնքների մանկապարտեզների աշխատակիցները։
«Ամենաշատը լոգոպեդների և հատուկ մանկավարժների կարիք կա, բայց ես չեմ պնդում, որ իրականության մեջ շատ կա պահանջ։ Մենք դեռ հետազոտական փուլում ենք, երբ որ գնահատումները կվերջացնենք, երեխաների քանակն ու իրենց դժվարությունների ցանկը կճշտենք, այդ ժամանակ նոր կտեսնենք, թե մասնագիտական որ կազմը ավելի շատ գերակշիռ կլինի»,- նշում է Շիրակի ՏՄԱԿ-ի վերապատրաստման և մեթոդական աջակցությունների բաժնի ղեկավար Գուրգեն Սարգսյանը։
Ըստ մասնագետի, գործընթացում ամենամեծ դժվարությունն առանձնահատուկ պայմանների կարիք ունեցող երեխաների հետ աշխատանքն է, ինչպես նաև նրանց նախնական գնահատման գործընթացը։ Ծրագրի ներդրումից հետո նախատեսվում է համայնքապատկան բոլոր մանկապարտեզներում նեղ մասնագետների հաստիքների ավելացում։ Մանկապարտեզներում խնդիրներից մեկն էլ շենքային պայմանների անհամապատասխանությունն է ներառական կրթական ծրագրի պահանջներին։
«Սա խնդիր է, որը միշտ քննարկվել է, մանկապարտեզներից ոչ բոլորն են հարմարեցված, ունենք մի երեք մանկապարտեզ, որ պայմանները բավարար են, մնացածը կառուցված են երկրաշարժից հետո և շենքային պայմանները չեն համապատասխանում պահանջներին։ Որ կարողանա երեխան ադապտացվել, այդ հնարավորությունը չկա, մենք քննարկում ենք առաջիկայում միջավայրային հարմարեցումներ ապահովենք բոլոր մանկապարտեզներում»,- նշում է Գյումրիի քաղաքապետարանի կրթության բաժնի առաջատար մասնագետ Անահիտ Գասպարյանը։
Ուսումնական հաստատություններում, աշխատավայրում խելամիտ հարմարեցումների ապահովումը նաև օրենքի պահանջ է։ Ըստ համընդհանուր ներառական կրթական ծրագրում ընդգրկված երեխաների կարիքների, նախակրթարաններին կհատկացվեն ֆինանսական միջոցներ՝ դիտակտիկ նյութեր ձեռք բերելու և միջավայրային հարմարեցումներ կատարելու համար։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
