18:53 19.01.2023
Արթիկի թիվ 4 հիմնական դպրոցի տնօրենի պաշտոնի համար հայտարարված մրցույթն արդեն վեցերորդ անգամ չի կանայում։ Բանն այն է, որ դպրոցի կառավարման խորհրդի անդամներից 4-ը նիստերին չեն ներկայանում, իսկ տնօրենի մրցույթի մեկնարկի համար անհրաժեշտ է խորհրդի 9 անդամներից առնվազն 6-ի ներկայությունը:
Դպրոցի կառավարման խորհրդի հինգ անդամներն ու միակ թեկնածուն նիստը սկսելու համար սպասում էին բացակա 4 անդամներին:
«Սպասում ենք խորհրդի մյուս անդամներին, որոնք արդեն վեցերորդ նիստն է, որ չեն ներկայանում, ամեն անգամ տարբեր ծանուցումներ ուղարկելով, անձամբ զանգելով, օրական մի քանի անգամ տեղեկացնում ենք, բայց չեն գալիս»,- նշում է Արթիկի թիվ 4 հիմնական դպրոցի կառավարման խորհրդի քարտուղար Ֆրիդա Թադևոսյանը։
Թե ինչու կառավարման խորհրդի նախագահն ու 3 անդամները չեն ներկայանում նիստերին, մյուսներին հայտնի չէ, որևէ բացատրություն, գրավոր կամ բանավոր պատճառաբանություն չեն ներկայացնում: Տնօրենի միակ թեկնածու Նունե Գրիգորյանն ու կառավարման խորհրդի 5 անդամները սա որակում են բոյկոտ:
«Ես չգիտեմ ինչու չի կայանում նիստը, բայց արձանագրենք, որ մրցույթը բոյկոտում են մարզպետարանի երեք ներկայացուցիչները և համայնքի ղեկավարի կողմից առաջադրված մեկ ներկայացուցիչ՝ Հովհաննես Ցոլակյանը, ով հանդիսանում է կառավարման խորհրդի նախագահը»,- ասում է տնօրենի միակ թեկնածուն՝ Նունե Գրիգորյանը։
Նիստերին չներկայացող խորհրդի անդամները մինչ այս իրենց բացակայությունները հիմնավորել են պատշաճ ծանուցում չլինելու հանգամանքով։ Կառավարման խորհրդի քարտուղարն ու անդամները հակառակն են փաստում, որ բոլոր հնարավոր և թույլատրելի տարբերակներով ծանուցումներն ուղարկվել են, ցույց են տալիս էլեկտրոնային եղանակով ուղարկված նամակները:
Նիստերին չներկայանալու պատճառների մասին կառավարման խորհրդի բացակա անդամները նախընտրեցին խոսել հեռախոսազրույցի ձևաչափով։ Պարզվեց նրանցից ոչ մեկին հարմար չէր․ կա՛մ բացակայում էին մարզից, կա՛մ խիստ զբաղված էին հանձնարարականներով։
Տնօրենի թեկնածուն իր զարգացման ծրագիրը կառավարման խորհրդին միայն մեկ անգամ ներկայացնելու հնարավորություն է ունեցել, որին, սակայն, մարզպետարանի երկու ներկայացուցիչները դեմ են քվեարկել: Նունե Գրիգորյանի, որպես տնօրեն, լիազորությունները դադարեցվել են 2022 թվականի օգոստոսի 8-ից, պարտականությունները կատարում է փոխտնօրենը: Նունե Գրիգորյանը սեպտեմբերին ստացել է նաև տնօրենի հավաստագիր, իր զարգացման ծրագրին կողմ են քվեարկել մանկավարժական ու ծնողական խորհուրդները, բայց վերընտրվել չի ստացվում:
Վեցերորդ անգամ կազմվեց նիստը չկայանալու մասին արձանագրություն, որի օրինակներից մեկը կուղարկվի նախարարություն: Օրեր առաջ խնդիրը թեժ գծի միջոցով թեկնածուն նաև նախարարություն է ներկայացրել, պատասխան գրությամբ տեղեկացրել են, որ իրավական կարգավորումների համար բողոքը հասցեագրվել է մարզպետարան, որտեղից Նունե Գրիգորյանը դեռ պատասխան չի ստացել:
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
