20:02 17.08.2018
ՀՀ վարչապետ Նիկոլ Փաշինյանն օգոստոսի 17-ին հրավիրած հանրահավաքի ժամանակ տեղեկացրեց՝ այս տարի 29 986-ով ավելի մարդ է ժամանել, քան մեկնել, ապա նշեց՝ նախորդ տարվա նույն ժամանակահատվածում մեկնածների թիվը եկածներից շուրջ 6 000-ով ավելի էր:
Փաշինյանը հայտնեց, որ վերջին 3 ամսում Հայաստան է եկել նախորդ տարվա համեմատությամբ 34 000-ով ավելի օտարերկրացի, ինչն, ըստ էության, նշանակում է ներդրումային և զբոսաշրջության հետաքրքրության աճ:
«Իհարկե, ֆորմալ օտարերկրացիների մեջ բազմաթիվ են նաև մեր հայրենակիցները, և այն, որ Երևանում և հանրապետության բազմաթիվ քաղաքներում անշարժ գույքի գներն աճել են 20 տոկոսով, նշանակում է, որ գալիս են ոչ միայն որպես տուրիստ, այլև բնակարաններ են գնում Երևանում և այլ քաղաքներում: Հեղափոխության օրերին շատ էր խոսվում, որ միլիոնավոր դոլարներ Հայաստանից արտահոսում են, դա համապատասխանում է իրականությանը, այդպիսի բան կա: Ես այսօր պաշտոնապես ասում եմ՝ դուրս գնացած գումարների համեմատ եկել է մոտ 116 միլիարդով ավելի շատ գումար, այսինքն՝ դուրս եկած գումարների չափով գումար է եկել. Հայաստանի բանկերում ավանդներն ավելացել են 116 միլիարդ դրամով, այսինքն՝ մոտ 250 միլիոն դոլարով, ընդ որում՝ սա ֆիզիկական և իրավաբանական անձանց կողմից բանկերում թողած ավանդներն են, ինչը նշանակում է, որ մեր հայրենակիցները, նաև սփյուռքի մեր հայրենակիցներն ապագայի նկատմամբ ունեն մեծ վստահություն, և սա հետագա տնտեսական առաջընթացի և աճի ամենակարևոր երաշխիքն է»,- ասաց նա:
ՀՀ վարչապետը հայտնեց, որ վերջին երեք ամսում հայաստանյան բանկերի վարկային պորտֆելն աճել է շուրջ 99 մլրդ դրամով, այսինքն՝ այդքանով ավելի վարկ են վերցրել ՀՀ քաղաքացիները, ներդրել բիզնեսի մեջ: Փաշինյանը նշեց՝ 2018 թ. օգոստոսի 1-ի դրությամբ Հայաստանից արտահանվել է այնքան միրգ-բանջարեղեն, որքան նախորդ ամբողջ տարում: Նա նաև հայտնեց, որ երեք ամսվա ընթացքում ՀՀ կառավարությունը, հարկային մարմինները նախորդ տարվա նույն ժամանակահատվածի համեմատ ավել են հավաքագրել 28,8 մլրդ դրամ, ընդ որում՝ գերավճարների թիվը պակասեցրել են 26 մլրդ դրամով:
«Սրանք թվեր են, ես երևի ձեզ թվերով շատ չծանրաբեռնեմ, բայց ընդհանուր առմամբ՝ հարկ եմ համարում ընդգծել, որ այս թվերը միասին մի բան են նշանակում՝ Հայաստանի Հանրապետությունում հեղափոխության քաղաքական հաղթանակից հետո մենք թևակոխել ենք տնտեսական հաղթանակների մի ժամանակաշրջան»,- նշեց վարչապետը:
19:12 28.04.2025
Մասնագիտական պարտքը կատարող բուժաշխատողների հանդեպ ոտնձգության դեպք է արձանագրվել. Անահիտ ԱվանեսյանՄասնագիտական պարտքը կատարող բուժաշխատողների հանդեպ ոտնձգության դեպք է արձանագրվել: Այս մասին ֆեյսբուքյան իր էջում հայտնել է Առողջապահության նախարար Անահիտ Ավանեսյանը: «Հանրապետական շտապօգնության ծառայության Աշտարակի բրիգադը կանչի վայրում էր, երբ դանակով զինված քաղաքացին հարձակվել է բուժաշխատողների վրա: Տուժել է շտապօգնության վարորդը: Ոստիկանություն հաղորդում է ներկայացվել: Խիստ դատապարտում եմ տեղի ունեցածը, անընդունելի համարում բուժաշխատողների հանդեպ ուժի և […] ...
19:00 28.04.2025
Նա լավագույն օրինակն է մյուսների համար․ Կոմպանին գովել է Մյուլերին«Բավարիայի» գլխավոր մարզիչ Վենսան Կոմպանին գովել է մյունխենյան թիմի գերմանացի հարձակվող Թոմաս Մյուլերին, որը 500-րդ խաղն է անցկացրել Բունդեսլիգայում: «Յուրաքանչյուր խաղ ունի իր պատմությունը: Մյուլերի էլիտար մտածելակերպը նրան բերեց այս ակումբ և կառուցեց նրա կարիերան։ Նա լավագույն օրինակն է մյուսների համար: Մենք կունենանք պահեր՝ նշելու Թոմասի նվաճումը, բայց հիմա մենք ուզում ենք երեք միավոր»,- ասել […] ...
18:53 28.04.2025
Իսպանիայի և Պորտուգալիայի մեծ մասում էլեկտրականության լայնամասշտաբ անջատումները քաոս են առաջացրելԻսպանիայի և Պորտուգալիայի զգալի հատվածներում էլեկտրականության անջատումներ են տեղի ունեցել, ինչի հետևանքով կաթվածահար է եղել հանրային տրանսպորտի աշխատանքը, առաջացել են մեծ խցանումներ, հետաձգվել չվերթեր։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։ Իշխանությունները դեռ չեն կարողացել պարզել անջատումների հստակ պատճառը՝ չնայած կիբերհարձակումը չի բացառվում։ Կատարվում է հետաքննություն։ Reuters-ի աղբյուրը հայտնել է, որ Իսպանիայում իրավիճակը կառավարելու համար […] ...
18:45 28.04.2025
Երևանում 36-ամյա վարորդը «Hyundai Elantra»-ով բախվել է բազալտե եզրաքարին, ապա՝ ծառինԵրեկ՝ ապրիլի 27-ին, ավտովթար է տեղի ունեցել Երևանում: Ժամը 12:50-ի սահմաններում Վրաստանի Հանրապետության քաղաքացի 36-ամյա Հրաչուհի Ս.-ն իր վարած «Hyundai Elantra» մակնիշի ավտոմեքենայով Բաբաջանյան փողոցում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել բազալտե եզրաքարին, ապա՝ ծառին ու մասամբ հայտնվել ճանապարհի երթևեկելի գոտում: Ինչպես հայտնում է shamshyan.com-ը, վթարի հետևանքով վարորդը օպերատիվորեն ժամանած Երևանի […] ...
18:34 28.04.2025
Վարչապետը ծանոթացել է Էստոնիայի թվայնացման և էլեկտրոնային կառավարման կառուցվածքինՎարչապետ Նիկոլ Փաշինյանը Տալլինում այցելել է e-Estonia Briefing կենտրոն: Կենտրոնի ղեկավար Թրին Ջոասարը և ձեռնարկության կառավարման խորհրդի անդամ Սագրիդ Հարյոն վարչապետին են ներկայացրել Էստոնիայի թվայնացման և էլեկտրոնային կառավարման կառուցվածքը, թվայնացման ուղղությամբ իրականացված և առաջիկայում նախատեսվող ծրագրերը: Վարչապետ Փաշինյանն ուսանելի է համարել Էստոնիայում թվայնացման և էլեկտրոնային կառավարման ուղղությամբ իրականացված աշխատանքները և ընդգծել, որ ՀՀ Կառավարության համար […] ...
18:26 28.04.2025
«Ինտերը» 2012 թ-ից ի վեր վատագույն ցուցանիշն է գրանցել«Ինտերն» Իտալիայի Ա Սերիայի 34-րդ տուրում սեփական դաշտում 0-1 հաշվով պարտվելով «Ռոմային»՝ վերջին 13 տարվա վատագույն ցուցանիշն է գրանցել, հայտնում է Opta-ն։ «Ինտերը» բոլոր մրցաշարերում երրորդ անընդմեջ պարտությունն է կրել` առանց գոլ խփելու։ Բացի «Ռոմայից», «Ինտերը» նախորդ օրերին պարտվել է նաև «Բոլոնիային» (0-1, Ա Սերիա) և «Միլանին» (0-3, Իտալիայի գավաթ)։ Հիշեցնենք, որ Հենրիխ Մխիթարյանը որակազրկման […] ...
