19:03 14.01.2023
Չինաստանում COVID-19-ով ծանր հիվանդների թիվը աստիճանաբար նվազում է, պիկն անցել է, թեև թիվը դեռ բարձր է։ Այս մասին շաբաթ օրը , մամուլի ասուլիսում հայտարարել է ՉԺՀ-ի հիգիենայի և առողջության պետական կոմիտեի առողջապահության կառավարման բաժնի ղեկավար Ցզյաո Յահուին։
«Հիվանդանոցներում ծանր COVID-19-ով հիվանդների թիվը հասել է պիկին, որից հետո այն սկսել է դանդաղ նվազման միտում ցույց տալ: Այնուամենայնիվ, ներկայում երկրի բուժհաստատություններում ծանր հիվանդների թիվը դեռ բարձր է», -ասել է նա։
Ինչպես նշել է Ցզյաո Յահուին, հունվարի 5-ին Չինաստանի բժշկական հաստատություններում COVID-19-ով ծանր հիվանդների թիվը հասել է 128000-ի: Հունվարի 12-ի դրությամբ նրանց թիվը նվազել է մինչև 105000-ի: Ծանր հիվանդությամբ հիվանդների մահճակալային ծանրաբեռնվածության մակարդակը կազմում է 75,3%։
Ծանր հիվանդների միջին տարիքը 75,5 տարեկան է, ամենատարեցը՝ 105 տարեկանը։ 60 տարեկանից բարձր մարդկանց համամասնությունը կազմում է 89,6%: Նա մատնանշել է, որ COVID-19-ով ծանր հիվանդների մեծ մասն ունի ուղեկցող հիվանդություններ, ինչպիսիք են սրտանոթային, էնդոկրին և շնչառական հիվանդություններ:
Ցզյաո Յահուին նշել է նաև, որ դեկտեմբերի 23-ին երկրի բժշկական հաստատություններից օգնության դիմողների թիվը հասել է իր գագաթնակետին։ Նրա խոսքով, բուժհաստատություններ այցելությունների թիվը ներկայում նվազման միտում ունի ինչպես գյուղական, այնպես էլ քաղաքային բնակավայրերում։
Չինաստանի իշխանությունները հայտնել են, որ դեկտեմբերի սկզբից երկրում մահացել է մոտ 60,000 մարդ։։ Այս մասին շաբաթ օրը՝ հունվարի 14-ին, հայտնել է Associated Press գործակալությունը։
10:40 03.04.2025
Միջազգային գործընկերների հետ քննարկվել է սննանկության ոլորտում իրականացվող բարեփոխումների ընթացքըԱրդարադատության նախարարի տեղակալ ՏիգրանԴադունցն ընդունել է Հայաստանում գտնվող Ասիական զարգացման բանկի և Զարգացման ֆրանսիական գործակալության համատեղ առաքելության ներկայացուցիչներին: Քննարկվել է ԱԶԲ և ԶՖԳ հետ համատեղ իրականացվող բյուջետային աջակցության վարկային ծրագրի Ենթածրագիր 3-ի վարկային միջոցների ներգրավման նպատակով կազմված քաղաքականության աղյուսակով նախատեսված միջոցառումների ընթացքը: Տիգրան Դադունցը ներկայացրել է սնանկության ոլորտում իրականացվող բարեփոխումների ընթացքը, մասնավորապես՝ Սնանկության նոր օրենսգրքի […] ...
10:33 03.04.2025
Էլ կլասիկո՝ Իսպանիայի գավաթի եզրափակչումԻսպանիայի գավաթի խաղարկության կիսաեզրափակչի պատասխան խաղում «Բարսելոնան» մրցակցի դաշտում 1-0 հաշվով հաղթել է Մադրիդի «Աթլետիկոյին»։ Հաղթական գոլը 27-րդ րոպեին խփել է Ֆերան Տոռեսը։ Հանսի Ֆլիկի գլխավորած թիմը երկխաղյա դիմակայությունում հաղթել է 5-4 հաշվով և ապրիլի 26-ին Սևիլիայի «Օլիմպիական» ստադիոնում տիտղոսը կվիճարկի Մադրիդի «Ռեալի» հետ։ ...
10:25 03.04.2025
Տարադրամի փոխարժեքներն ապրիլի 3-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 422 դրամ, վաճառքի նվազագույն արժեքը՝ 428 դրամ: Ռուսական ռուբլու առքի առավելագույն արժեքն է 4․59 դրամ, վաճառքի նվազագույն արժեքը՝ 4․71 դրամ։ ...
10:19 03.04.2025
Արմեն Գրիգորյանը և Մագդալենա Գրոնոն քննարկել են Հարավային Կովկասի անվտանգային իրավիճակըԱպրիլի 3-ին ՀՀ ԱԽ քարտուղար Արմեն Գրիգորյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը քննարկվել է Հարավային Կովկասի անվտանգային իրավիճակը, առկա մարտահրավերները: Զրուցակիցները մտքեր են փոխանակել Հայաստանի և Ադրբեջանի հարաբերությունների կարգավորման գործընթացի շուրջ: ԱԽ քարտուղարը մեկ անգամ ևս վերահաստատել է Հայաստանի պատրաստակամությունը շուտափույթ կնքելու Խաղաղության համաձայնագիրը, որը տարածաշրջանը […] ...
10:17 03.04.2025
Դիլիջանի թունելը կիսով չափ հոսանքազրկվել էԱպրիլի 3-ին ժամը՝ 10։00-ի դրությամբ, Դիլիջանի թունելը կիսով չափ հոսանքազրկվել է Դիլիջանի տարածաշրջանի կողմից եկող մալուխի վնասվելու պատճառով։ Այս մասին հայտնում է «Ճանապարհային դեպարտամենտ» հիմնադրամը։ ...
10:00 03.04.2025
Al Jazeera․ Գազայում Իսրայելի գործողությունների հետևանքով զոհերի թիվը 24 ժամում հասել է 77-իԳազայի հատվածում վերջին 24 ժամվա ընթացքում իսրայելական բանակի գործողությունների հետևանքով զոհերի ընդհանուր թիվը հասել է 77-ի։ Այս մասին հայտնում է քաթարական Al Jazeera հեռուստաալիքը՝ հղում անելով պաղեստինյան անկլավի առողջապահության նախարարությանը։ Ավելի վաղ Առողջապահության նախարարությունը տվյալներ էր ներկայացրել վերջին 24 ժամվա ընթացքում 24 սպանվածի և 55 վիրավորի մասին։ Միաժամանակ, վարչությունը նշել է, որ մարտի 18-ին Գազայում […] ...
