17:20 11.01.2023
Գնահատման և թեստավորման կենտրոնի փոխտնօրեն Կարո Նասիբյանը «Արմենպրես» լրատվական գործակալությունում տեղի ունեցած ասուլիսում ներկայացրել է բուհերի ընդունելության միասնական և պետական ավարտական քննությունների մասին: Այս մասին տեղեկացնում են ՀՀ ԿԳՄՍ նախարարությունից:
Կարո Նասիբյանի խոսքով՝ համաձայն բուհերի ընդունելության նոր կարգի՝ այս տարի առաջին անգամ դիմորդը կարող է միասնական քննություն հանձնել 2 անգամ՝ հունվար-փետրվար ամիսներին (1-ին փուլ) և հունիսին (2-րդ փուլ). հուլիսին տեղի կունենա լրացուցիչ փուլը: Փոփոխությունները չեն վերաբերում ներբուհական քննություններին:
«Առաջին փուլի հայտագրման գործընթացն ավարտվել է: Հունվար-փետրվարին անցկացվելիք քննությունների համար դիմորդները միայն դիմում-հայտ են լրացրել՝ առանց բուհ և մասնագիտություն նշելու: Առաջին փուլի առաջին քննությունը կմեկնարկի հունվարի 15-ին՝ ժամը 11:30-ին»,- իրազեկել է ԳԹԿ փոխտնօրենը: Նրա գնահատմամբ՝ հայտագրվել են սպասվածից ավելի շատ՝ 6871 դիմորդ:
Ամենաշատ հայտագրվածներն «Անգլերեն» առարկայից են՝ 3139, այնուհետ «Մաթեմատիկա»՝ 2950 և 3-րդ տեղում՝ «Հայոց լեզու և գրականություն» առարկայից՝ 2018 հայտագրված: Մնացած առարկաների համար հայտագրվել են 1000-ից պակաս դիմորդներ: Քննությունները կանցկացվեն 29 քննական կենտրոններում, որտեղ ապահովված են բոլոր պայմանները:
Ի պատասխան այն հարցի, թե ինչով է պայմանավորված «Անգլերեն» առարկայից քննություն հանձնողների գերակշիռ թիվը, Կարո Նասիբյանը նշել է. «Առարկաների ընտրության հնարավորությունը և առարկաների բարդությունը. ըստ վիճակագրության՝ բարձր միավորներ հիմնականում հավաքում են «Անգլերեն» առարկայից»:
Քննական բոլոր օրերը նախատեսված են կիրակի օրերին՝ բացի փետրվարի 4-ից, որը շաբաթ օր է. նպատակը քննական կենտրոններում՝ դպրոցներում, դասապրոցեսը չխոչընդոտելն է: Քննասենյակներում տեսախցիկ չի տեղադրվելու, ինչը նշանակում է՝ ծնողներն ընթացքին հետևելու հնարավություն չեն ունենա՝ պայմանավորված եղանակային անբարենպաստ պայմաններով և տեխնիկական խնդիրներով:
Առաջին փուլի բոլոր դիմորդները հնարավորություն ունեն ամռանը ևս մասնակցելու միասնական քննություններին:
ԳԹԿ փոխտնօրեն Կարո Նասիբյանն անդրադարձել է նաև Արցախի դիմորդներին առնչվող խնդիրներին:
«Մինչև Բերձորի միջանցքի շրջափակումը՝ արցախցի մեր գործընկերները տեղեկացրել էին, որ հունվար-փետրվարի՝ 1-ին փուլի քննություններ չեն անցկացնելու: Ըստ նախնական պայմանավորվածության՝ ցանկացողները կարող էին քննություն հանձնել Գորիսի քննական կենտրոնում, սակայն պայմանավորված այս իրավիճակով՝ գործընթացն առկախ վիճակում է և հնարավոր չէ իրականացնել: Պետք է ձեռնարկել նոր մեխանիզմներ՝ հետագայում Արցախի դիմորդների՝ քննություն հանձնելու իրավունքը փոխհատուցելու համար»,- հայտնել է Նասիբյանը և հավելել, որ Հայաստանում ուսումը շարունակելու համար հայտագրվել է արցախցի 50 դիմորդ:
Անդրադառնալով պետական ավարտական քննություններին՝ Կարո Նասիբյանը նշել է, որ պետական ավարտական քննությունները սկսվել են հունվարի 10-ից: Ամենամեծ թիվը գրանցվել է «Հայոց պատմություն» առարկայից՝ 9165, «Մաթեմատիկայից»՝ 6218, «Հայոց լեզու և գրականությունից»՝ 4097: Կան նաև շրջանավարտներ, որոնք ցանկացել են թեստը թարգմանել ռուսերեն, ինչն իրականացվել է ըստ ընթացակարգի:
ԳԹԿ փոխտնօրենը հաջողություն է մաղթել բոլոր շրջանավարտներին ու դիմորդներին և կոչ արել օգտվել նոր կարգի հնարավորություններից, որոնք ի նպաստ դիմորդի են:
00:30 29.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
00:27 29.04.2025
Իսպանիայում հայտարարվել է արտակարգ դրությունԻսպանիայի Ներքին գործերի նախարարությունը արտակարգ դրություն է հայտարարել էլեկտրաէներգիայի խոշոր անջատումից հետո։ Այս մասին հայտնել է Reuters-ը: Արտակարգ դրության ռեժիմը կգործի այն շրջաններում, որոնք համապատասխան դիմում կներկայացնեն։ Նշվում է, որ Մադրիդը, Անդալուսիան և Էքստրեմադուրան արդեն դիմել են կառավարությանը օգնության համար։ Անվտանգությունն ապահովելու համար նախարարությունը կտեղակայի 30,000 ոստիկանի։ ...
00:25 29.04.2025
ԱՄՆ ռազմածովային ուժերի ավիակիրից կործանիչ է ընկել Կարմիր ծովըԱմերիկյան USS Harry S. Truman ավիակիր նավի կործանիչը քարշակման ժամանակ ընկել է Կարմիր ծովը: Այս մասին նշվում է ԱՄՆ ռազմածովային ուժերի հայտարարության մեջ։ «F/A-18E-ը անգարում քարշակելիս անձնակազմը կորցրել է ինքնաթիռի կառավարումը։ Ինքնաթիռը և քարշիչն ընկել են ջուրը», – ասվում է հայտարարության մեջ։ Նշվում է, որ անձնակազմի անդամներից մեկը թեթև վնասվածքներ է ստացել։ Ռազմածովային ուժերը հետաքննություն […] ...
00:21 29.04.2025
Գրոսմայստեր Մանուէլ Պետրոսյանը «3rd Maharashtra International Grandmaster Chess Tournament 2025» շախմատի միջազգային մրցաշարի հաղթողԳրոսմայստեր Մանուէլ Պետրոսյանը դարձավ Հնդկաստանում անցկացված «3rd Maharashtra International Grandmaster Chess Tournament 2025» շախմատի միջազգային մրցաշարի հաղթող։ Այս մասին հայտնել են Հայաստանի շախմատի ֆեդերացիայից։ Մանուէլը 9 հնարավորից վաստակեց 7.5 միավոր և կիսեց 1-3-րդ հորիզոնականները: Լրացուցիչ ցուցանիշներով լավագույն եռյակը ունեցավ հետևյալ տեսքը. 1-ին տեղ՝ Մանուէլ Պետրոսյան (Հայաստան) 2-րդ տեղ՝ Լևան Փանցուլաիա (Վրաստան) 3-րդ տեղ՝ Բորիս Սավչենկո […] ...
00:15 29.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
00:09 29.04.2025
«Զանգեզուր» կենսոլորտային համալիր» ՊՈԱԿ-ի «Խուստուփ» արգելավայրի կուսական անտառները (լուսանկարներ)Շրջակա միջավայրի նախարարությունը լուսանկարներ է հրապարակել Ֆեյսբուքի էջում, որում պատկերված են «Խուստուփ» արգելավայրի կուսական անտառները: Շրջակա միջավայրի նախարարության «Զանգեզուր» կենսոլորտային համալիր» ՊՈԱԿ-ի «Խուստուփ» արգելավայրի կուսական անտառներն առանձնանում են ոչ միայն իրենց բուսական և կենդանական աշխարհի յուրօրինակ բազմազանությամբ, այլև կենսաբանական կայունությամբ՝ ստեղծելով բնական էկոհամակարգեր, որոնք ապահովում են հողերի պահպանումը, ջրային ռեսուրսների հավասարակշռումը և կլիմայական փոփոխությունների մեղմացումը։ […] ...
