23:36 16.12.2022
21-րդ դարում 120.000 արցախցի շարունակում է պատանդի կարգավիճակում մնալ իր իսկ հայրենիքում՝ զրկված աշխարհի հետ կապից: Անցնող օրվա ընթացքում ի՞նչ զարգացումներ տեղի ունեցան, ինպե՞ս է մեկնաբանվում այդ ամենը Բաքվում:
Թեմայի շուրջ «Հորիզոնի» տաղավարում Արտակ Հովհաննիսյանի հետ զրուցել է Արտյոմ Երկանյանն ու մանրամասներ հայտնել:
«Ադրբեջանական մամուլի տեղեկություններով` այսօր հանդիպում է տեղի ունեցել ռուս խաղաղապահների ղեկավարների հետ: Ադրբեջանական կողմը ներկայացված է եղել հատուկ այդ նպատակով ստեղծված խմբով, որի կազմում են եղել մի շարք բարձրաստիճան պաշտոնյաներ, որոնք ներկայացնոմ են Էկոնոմիկայի, Բնապահպանության նախարարությունները, Պետգույքի պետական գործակալությունը և «Ազերի Գոլդ» պետական ՓԲԸ-ն:
Այդ թիմը հանդիպում է ունեցել գեներալ Վոլկովի և նրա թիմակիցների հետ՝ խաղաղապահների գլխավոր շտաբում, որը գտնվում է Իվանյան ավանում: Այսինքն՝ կարող ենք ենթադրել, որ ռուս խաղաղապահներն իրենց տրանսպորտային միջոցներով Լաչինից նրանց են տեղափոխել Արցախ: Հայտնի չէ, թե այդ ամենի մասին արդյո՞ք տեղյակ են եղել Արցախի իշխանությունները:
Ոմն Մասիմ Մամեդով, որը ներկայացվում է որպես Արցախում այդ հանքերի մոնիթորինգի համար ստեղծված խմբի պատասխանատու, ասել է, որ Վոլկովի հետ քննարկել են ճգնաժամից դուրս գալու ճանապարհային քարտեզն ու դրա կետերը: Ընդ որում, հետաքրքիր է, որ այդ ամենը Վոլկովի հետ «քննարկել է» առանց հայերի:
Որքան հնարավոր է հասկանալ Մամեդովի խոսքերից, ադրբեջանական կողմը պատրաստակամություն է հայտնել հանել Արցախի շրջափակումը, բայց մինչ այդ իրենք պետք է դիտարկում իրականացնելու հնարավորություն ստանան՝ Դրմբոնի ոսկու հանքում և Կաշենի պղնձամոլիբդենային հանքում: Երկուսն էլ գտնվում են Մարտակերտի շրջանում:
Ընդ որում, պնդում են, որ այդ մոնրիթորինգը պետք է ենթադրի նաև գույքագրում անելու հնարավորությունը. այսինքն՝ որ պահեստում ինչքա՞ն ոսկի կամ մոլիբդեն կա, թե որ հանքում ինչքա՞ն է ակնկալվում արդյունահանել, ո՞ւր է ուղարկվում, ի՞նչ նպատակով և այլն:
Մամեդովն ասել է, որ հակառակ իրենց սպասածին՝ նրանց հնարավորություն չի տրվել իրականացնել անհրաժեշտ աշխատանքները: Ընդ որում, անորոշ է ձևակերպել, թե արդյո՞ք Վոլկովի հետ ձեռք է բերվել այդ ամենի մասին պայմանավորվածություն, և այն չի կատարվել, թե չի հաջողվել գալ ընդհանուր եզրակացության և կոնկրետ որոշման:
Նշեմ, որ պաշտոնական Ստեփանակերտը չի հաստատում տեղեկություններն ինչ-որ ճանապարհային քարտեզի գոյության մասին»,-ասաց Արտյոմ Երկանյանը:
Մանրամասները՝ ամբողջական հարցազրույցում:
21:17 19.04.2025
Երևանում «Nissan»-ը բախվել է եզրաքարին, հայտնվել հետիոտնի համար նախատեսված վայրում և կոտրել երկաթե ճաղավանդակըԱպրիլի 19-ին, ավտովթար է տեղի ունեցել Երևանում: Ժամը 12:40-ի սահմաններում «Nissan» մակնիշի ավտոմեքենան Դավիթաշենից դեպի Աշտարակ տանող ճանապարհահատվածում՝ Աշտարակի խճուղում, դեռևս անհայտ հանգամանքներում, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին՝ կոտրելով երկաթե ճաղավանդակը: Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան: Վթարի փաստով ՊԾ Երևան քաղաքի […] ...
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
