19:45 16.12.2022
Գյուղական բնակավայրերում առողջապահության հասանելիության խնդիրներն ինչքանով են ուշադրության կենտրոնում, բուժօգնության որակի և ծավալի նկատմամբ արդյո՞ք կա վերահսկողություն։ Հարցերի շուրջ այսօր քննարկում է անցկացվել Գյումրիի Մեդիա երկխոսությունների կենտրոնում, ներկայացվել են նաև Սախարովի անվան մարդու իրավունքների պաշտպանության հայկական կենտրոնի Աշոցքի և Ամասիայի գյուղական բնակավայրերում կատարած մոնիտորինգի արդյունքները։
Պարզվում է, որ Շիրակի մարզի որոշ գյուղական համայնքներում բուժական կենտրոններ չկան։ Եղանակային պայմանների կամ տրանսպորտի բացակայության պատճառով հաճախ զրկվում են մարզկենտրոն կամ մոտակա բուժամբուլատորիս հասնելու, բուժօգնություն ստանալու հնարավորությունից։
«Մասնագետները նշում են, որ բնակիչները, տեսնելով, որ հնարավոր չէ տեղում բուժօգնություն ստանալ, արդեն իրենք տեղափոխվում են քաղաք՝ Գյումրի և գրանցվում են նաև պոլիկլինիկաներում, որպեսզի իրենց առողջության իրավունքը կարողանան իրացնել»,- ասում է Սախարովի անվան մարդու իրավունքների պաշտպանության հայկակն կենտրոնի իրավաբան Հերմինե Հովհաննիսյանը։
Եթե որոշ գյուղական բնակավայրեր ունեն ամբուլատորիաներ, դրանք կա՛մ չունեն շենքային բավարար պայմաններ, կա՛մ չկան բժշկական ժամանակակից սարքավորումներ։ Առաջնային բուժօղակներում հատկապես բացակայում են դժվարամատչելի հետազոտությունների թանկարժեք սարքավորումները։
Դեղորայքային, բուժսարքավորումային խնդիրները կարևոր են, բայց թերևս անլուծելին մնում է նեղ մասնագետների համալրման հարցը։ Մարզի գյուղական ամբուլատորիաներում բուժքույրերից բացի բժիշկ չի աշխատում։
«Խնդիրը միշտ եղել է․ ցավոք դեռևս լուծված չէ։ Այս խնդիրը մենք բարձրաձայնել ենք բազմիցս պատկան մարմիններին, և արդեն մի քանի տարի է այս խնդիրը լուծելու համար ներդրվել է նպատակային կլինիկական օրդինատուրայի ծրագիրը, որի շրջանակներում մենք վերջին երեք տարվա ընթացքում արդեն 16 նպատակային օրդինատորի մարզում ընդունել ենք աշխատանքի, բայց դեռևս խնդիը բաց է»,- նշում է Շիրակի մարզպետարանի առողջապահության բաժնի պետ Լեյլի Ասլանյանը։
Նեղ մասնագետների, դեղորայքի ու բուժսարքավորումների բացակայությունն արդեն պատճառներ են, որ տեղի բնակիչները հարկադրված դիմեն անգամ մայրաքաղաքի բժշկական կենտրոններ կամ օրերով սպասեն բժիշկների այցին բուժամբուլատորիաներ։
«Նեղ մասնագետները ստիպված են մի քանի առաջնային օղակում համատեղել աշխատանքը, մենք փորձում ենք հնարավորինս ապահովել այդ նեղ մասնագետների առկայությունը պոլիկլինիկաներում, դրա համար կան որոշակի ժամեր և նույնիսկ շաբաթվա օրեր։ Բնականաբար և շատ արդարացիորեն սա առաջացնում է բնակչության դժգոհությունը, մենք դա հասկանում ենք, ցավոք, այդ խնդիրը դեռևս լուծված չէ»,-պարզաբանում է Լեյլի Ասլանյանը։
Գյուղական բնակավայրերը սպասարկող ստրատեգիական նշանակության բաժանմունքներ են նաև փակվել։ Մասնագետների բացակայության, նաև ծնունդների թվի նվազման պատճառով մի քանի տարի առաջ փակվեցին Ամասիայի, հետո Մարալիկի առողջության կենտրոնների ծննդօգնության բաժանմունքները։
Մարզի առողջապահության բաժնի պետը հայտարարեց նաև Աշոցքի «Տիրամայր Նարեկ» հիվանդանոցի հիվանդանոցային ծառայության ժամանակավոր դադարեցման մասին։ Այսինքն ստացիոնար բուժման հնարավորություն տարածաշրջանի բնակիչները չեն ունենա, կենտրոնում կշարունակի գործել միայն պոլիկլինիկ ծառայությունը։
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
19:47 03.04.2025
Բոլոր ոլորտներում կա կադրային ճգնաժամ. վարչապետԿլավարկվի դպրոցների տնօրենների մրցութային համակարգը, ԿԳՄՍՆ-ն իր միջոցներից կանի վերաբաշխում՝ մի շարք դպրոցների շենքային պայմանները բարելավելու համար: Որոշումներն ընդունվել են գործադիրի այսօրվա նիստում: Մանրամասները՝ ռեպորտաժում: ...
