23:39 15.12.2022
Արցախի պետնախարար Ռուբեն Վարդանյանը մոսկովյան «Կոմերսանտ» թերթին տված հարցազրույցում հումանիտար աղետը կանխելու համար կոչ է արել միջազգային հանրությանը ճնշում գործադրել Ադրբեջանի վրա Ստեփանակերտի օդանավակայանի վերագործարկումն ապահովելու նպատակով:
«Օդանավակայանը պետք է գործարկվի։ Դրա համար անհրաժեշտ է, որ միջազգային կառույցների և բոլոր երկրների ճնշումը լինի, որպեսզի մարդասիրական բեռներով ինքնաթիռները կարողանան վայրէջք կատարել Ստեփանակերտի օդանավակայանում», – նշել է Վարդանյանը:
Օդանավակայանի գործարկում հնարավո՞ր է. թեմայի շուրջ «Հորիզոնի» տաղավարում հեռուստամեկնաբան Արտակ Հովհաննիսյանը զրուցել է Արտյոմ Երկանյանի հետ:
«Դե նկատի ունենանք, որ Ստեփանակերտի օդանավակայանի վերագործարկմանը չխոչընդոտելը Ադրբեջանի ստանձնած պարտականությունն է: Եռակողմ հայտարարության կետերից մեկը խոսում է այն մասին, որ կողմերը պետք է վերացնեն բոլոր խոչընդոտները տրանսպորտային կոմունիկացիաներն ապաշրջափակելու համար:
Հարցի դրական լուծման գործում շահագրգռված են նաև ռուս խաղաղապահները, քանի որ դա նաև նրանց կօգնի լոգիստիկ բնույթի խնդիրներ լուծելու համար: Այժմ բեռներ տեղ հասցնելու համար դրանք հասցվում են երկաթգծով մինչև Բարդա կայարանը, այնուհետ ավտոտրանսպորտով արդեն բերվում է Արցախ, ինչը և՛ թանկ է, և՛ ժամանակատար:
Այդ է պատճառը, որ ռուս խաղաղապահները այս խնդրին լուծում տալու համար հենց 2020-ի նոյեմբերից բանակցություններ էին վարում ադրբեջանական կողմի հետ:
Զուգահեռ տեխնիկական բոլոր աշխատանքներն ավարտել էին օդանավակայանում. ականազերծել էին տարածքը, վերանորոգել էին թռիչքուղիները, որպեսզի Ստեփանակերտի օդանավակայանը կարողանա ընդունել մեծ «Airbus»-ներ ու «Boeing»-ներ:
Սկզբում տպավորություն կար, որ խնդիրը լուծվում է, անգամ ժամկետներ էին հիշատակվում, թե երբ առաջին չվերթը կիրականացվի:
Ադրբեջանը, սակայն, անիրատեսական պահանջներ էր դնում: Օրինակ այն, որ մաքսային ողջ զննումը պետք է ադրբեջանցի մասնագետներն իրականացնեն, որ սահմանային անցակետում նույնպես պետք է լինեն զինվորական սահմանապահներ, իսկ նավիգացիոն ծառայությունը պետք է ենթարկվի Բաքվի աէրոնավիգացիոն համակարգին: Այս ամենը բնական է, որ անիմաստ էին դարձնում հետագա բանակցությունները»,- ասաց Արտյոմ Երկանյանը:
Մանրամասները՝ ամբողջական հարցազրույցում:
21:17 19.04.2025
Երևանում «Nissan»-ը բախվել է եզրաքարին, հայտնվել հետիոտնի համար նախատեսված վայրում և կոտրել երկաթե ճաղավանդակըԱպրիլի 19-ին, ավտովթար է տեղի ունեցել Երևանում: Ժամը 12:40-ի սահմաններում «Nissan» մակնիշի ավտոմեքենան Դավիթաշենից դեպի Աշտարակ տանող ճանապարհահատվածում՝ Աշտարակի խճուղում, դեռևս անհայտ հանգամանքներում, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին՝ կոտրելով երկաթե ճաղավանդակը: Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան: Վթարի փաստով ՊԾ Երևան քաղաքի […] ...
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
