19:54 14.12.2022
Արցախցիներն արդեն 2-րդ առավոտն են լուսացնում մայր Հայաստանից ու աշխարհից կտրված, 100-ավորները մնացել են փակ ճանապարհի աջ ու ձախ կողմերում, անհրաժեշտ բուժօգնության կարիք ունեցողները շարունակում են մնալ ծայրահեղ ծանր վիճակում: Ցուրտը, Ադրբեջանի հերթական սադրանքն ու ժամ առ ժամ ավելացող դժվարությունները, սակայն, չեն ընկճում տառապանքներից ու ցավից ավելի ամուր դարձած արցախցիներին:
Հենց խուճապ չլինելու և թշնամու ապատեղեկատվական ջրաղացին ջուր չլցնելու նպատակով պետնախարար Վարդանյանը որոշել է ամեն օր, այսպես ասած՝ առաջին ձեռքից տեղեկատվություն փոխանցել՝ ներկայացնելով իրավիճակը, չէ որ թշնամին օգտագործում է տարբեր միջոցներ կեղծ տեղեկություններ ու լուրեր տարածելու համար։ Արցախի Հանրապետությունում առաջացել է բենզինի, դիզվառելիքի, հեղուկ և սեղմված գազի պակաս: Ինչպես տեղեկացնում են Արցախի տեղեկատվական շտաբից, վառելիքային ճգնաժամ չառաջանալու համար լցակայաններում վառելիք առաջնահերթ կտրամադրվի շտապ օգնության ծառայությանը, հասարակական տրանսպորտին և հատուկ ծառայություններին:
Մարդիկ ստիպված բաժանված են իրարից: Ցավոք, նրանց թվում կան նաև երեխաներ, որոնք օրինակ գնացել էին «Մանկական Եվրատեսիլ 2022»-ը դիտելու, կամ՝ այլ միջոցառումների, և հիմա չեն կարողանում վերադառնալ Արցախ: Ռուբեն Վարդանյանն ընդգծեց, որ Արցախը պատրաստ է բանակցությունների, եթե դա ընդունելի է բոլոր կողմերի համար:
Հայաստանի առողջապահության նախարար Անահիտ Ավանեսյանը դիմել է Առողջապահության համաշխարհային կազմակերպությանը՝ ակնկալելով կազմակերպության բարձրաստիճան պաշտոնյաների արագ արձագանքը Ադրբեջանի կողմից Լաչինի միջանցքը փակելու հետևանքով Արցախում հասունացող հումանիտար աղետին: Նա խնդրի մասին բարձրաձայնել է նաև «Թվիթեր»-ի իր միկրոբլոգում կատարած գրառմամբ:
Արցախը բոլորիս կարիքն ունի և բոլորիցս կախված անելիքներ կան. Արցախի Հանրապետության պետական նախարարի խորհրդական Արտակ Բեգլարյանը, ով ևս չի կարողանում վերադառնալ Արցախ, հայտարարել է Երևանում ՄԱԿ-ի գրասենյակի առջև անժամկետ նստացույց ու շարժում սկսելու մասին:
Մանրամասները՝ ռեպորտաժում:
11:51 04.04.2025
Թրամփը մոտ ապագայում կարող է հեռախոսազրույց ունենալ Պուտինի հետ․ PoliticoԱՄՆ նախագահ Դոնալդ Թրամփը մոտ ապագայում կարող է հեռախոսազրույց ունենալ ՌԴ նախագահ Վլադիմիր Պուտինի հետ, գրում է Politico-ն՝ վկայակոչելով Լոնդոնի և Բեռլինի աղբյուրները։ Հրատարակության տվյալներով՝ այս մայրաքաղաքներում ակնկալում են, որ Թրամփի և Պուտինի զրույցը կարող է տեղի ունենալ կամ մինչև հանգստյան օրերը կամ հանգստյան օրերից հետո։ Մարտի 31-ին ՌԴ նախագահի մամուլի քարտուղար Դմիտրի Պեսկովը հայտարարել […] ...
11:33 04.04.2025
Քննարկվել են կրթական ոլորտում Հայաստան-Վիետնամ համագործակցության հնարավորություններըՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Վիետնամի Սոցիալիստական Հանրապետության կրթության և մասնագիտական ուսուցման նախարարի տեղակալ Նգուեն Վան Ֆուկին: Հանդիպմանը ներկա է եղել նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը: ԿԳՄՍ նախարարի տեղակալ Արթուր Մարտիրոսյանը ողջունել է գործընկերոջը՝ կարևորելով Հայաստանի և […] ...
11:21 04.04.2025
Կհրավիրվեն խորհրդարանական լսումներՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ ապրիլի 9-ին կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով: Այս մասին հայտնում են ՀՀ ԱԺ-ից։ ...
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
