18:39 01.12.2022
Վարպետի հուշատուն-թանգարանում էքսպոզիցիոն փոփոխությունը կատարվել էր 20 տարի առաջ, այցելուներին թանգարանում ցուցադրվում էին Վարպետի գրական ու ստեղծագործական ժառանգությամբ, ինչպես նաև մեմորիալ հատվածով, որտեղ Ավետիք Իսահակյանի ընտանիքին պատկանող գույքն ու կահ-կարասին է:
Այժմ հուշատուն-թանգարանը ներկայանում է նոր ցուցադրությամբ ու նոր վիդեո-ձայնային տեխնիկական հագեցվածությամբ: Ծրագիրն իրականացվել է ԿԳՄՍ նախարարության դրամաշնորհային միջոցներով, իսկ սրահների վերանորոգման համար գումար է հատկացվել Գյումրի քաղաքի բյուջեից։ Մշակված նոր ու ժամանակակից կոնցեպտում մասնագիտական խումբը մեծ ուշադրություն է դարձրել թանգարանում միջավայրի և ժամանակաշրջանի պահպանմանը՝ հինը համադրելով ինովացիոն նորագույն տեխնոլոգիաների հետ:
Գյումրիի համայնքապատկան հինգ թանգարաններից ամենաշատ այցելուներ ունենում է Ավետիք Իսահակյանի հուշատուն-թանգարանը։ Տարեկան 10-15 հազար զբոսաշրջիկ ծանոթանում է մեծ Վարպետի գրական ժառանգությանը: Ամիսներ առաջ սկսվեցին թանգարանի չորս սրահների վերանորոգման ու արդիականացման աշխատանքները։
«Ինչ է արվել․․․ Փոխվել է գրողի գրական ստեղծագործական ժառանգությունը ներկայացնող չորս սրահների ամբողջ ցուցադրությունը, հագեցել է եզակի նշանակության ցուցանմուշներով, անցկացվել է կետային լուսավորություն, ավելացել են մեծադիր պաստառներ, կատարվել է հսկայական տպագրական աշխատանք»,- նշում է Գյումրիի քաղաքապետարանի մշակույթի և երիտասարդության բաժնի պետ Լիլիթ Թովմասյանը։
Ձեռագրերից ու հայտնի գրվածքների բնագիր տարբերակներից բացի, բոլոր այցելուներին թանգարանն այժմ ներկայանում է թվային տեխնոլոգիաների կիրառմամբ: Օտարազգի զբոսաշրջիկները պլանշետների օգնությամբ հնարավորություն կունենան լսելու Վարպետի ստեղծագործությունների օտարալեզու տարբերակները:
Թանգարանում առաջին անգամ կցուցադրվեն եզակի վավերագրական արխիվային տեսանյութեր, այցելուն կարող է լսել Ավետիք Իսահակյանի ձայնը և ընթերցանումները: Իսկ տեղադրված շարժական պատերի միջոցով հնարավոր է ստեղծել նոր միջավայր, կենսագրական պատի միջոցով այցելուներին ներկայացվում է Վարպետի կյանքի առավել հետաքրքիր դրվագներն ու տարեթվերը:
«Կարելի է հատկապես կարևորել թանգարանում նոր կենսագրական քարտեզի առկայությունը, որտեղ թվականներ կան։ Շատերի համար թյուր կարծիք կա, որ Իսահակյանը հայրենիքի դժվարին պահերին լքել է հայրենիքը և այս ժամանակագրական քարտեզում կարող են տեսնել, թե ինչպիսի կյանքով է ապրել և այդ տարիներին որտեղ է եղել Վարպետը, դա մեծ բացահայտում կլինի բոլորի համար»,- նշում է ԱՎ․Իսահակյանի հուշատուն -թանգարանի տնօրեն Կարինե Վիրաբյանը։
Էքսպոզիցիոն փոփոխություններից բացի թանգարանը համալրվել է նոր ցուցանմուշներով: Թերևս ամենաթանկ ու բացառիկ ցուցանմուշը Շուշանիկ Մատակյանի նամակն է՝ ուղղված Ավետիք Իսահակյանին: Բնօրինակ նամակը, որի գոյության մասին երբրէ չէր հիշատակվում, թանգարանին է նվիրել Վարպետի թոռը՝ Ավիկ Իսահակյանը: Շուշանիկ Մատակյանի և Ավետիք Իսահակյանի նամակային երկխոսությունն այսուհետ հնարավոր է նաև թանգարանում լսել դերասաններ Բաբկեն Չոբանյանի և Նարինե Գրիգորյանի ձայներով:
Վարպետի թոռը թանգարանային ֆոնդ է տեղափոխել Իսահակյանի գրած նամակները Զապել Եսայանին, Արշակ Չոբանյանին, Անդրանիկ Կարապետյանին, Հովհաննես Շիրազին և պատասխան նամակները։ Շուտով կգործարկվի նաև թանգարանի պաշտոնական կայքը, որի միջոցով կկազմակերպվեն առցանց ցուցադրություններ։ Նախատեսվում է առաջիկայում հանգստյան օրերին ավելացնել քաղաքի թանգարանների աշխատանքային ժամերը և այցելուներին կընդունեն մինչև երեկոյան ժամը 8-ը:
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...