11:13 05.03.2018
Սահմանադրական դատարանի նախագահ Գագիկ Հարությունյանը ՍԴ աշխատակազմին է ներկայացրել ՍԴ նորընտիր անդամ Հրայր Թովմասյանին: Հարությունյանի խոսքով`ՍԴ-ում սերնդափոխություն է տեղի ունենում, և ԱԺ-ի կողմից ՍԴ նոր անդամ է ընտրվել՝ Հրայր Թովմասյանը:
«Ես անչափ ուրախ եմ, որ այստեղից դուրս եկածները հետո վերադառնում են այստեղ: Տա Աստված, որ շատ լինեն նմանատիպ մարդիկ: Հավանաբար ՍԴ կոլեկտիվը այնքան լավ է եղել, որ անկախ նրանից որտեղ լինում են, հետո ձգտումը շատ մեծ է վերադառնալու: Մեզ մոտ ՍԴ-ն, բացի իր գործառույթները լիարժեք իրականացնելուց, և իսկապես միջազգային մակարդակով շոշափելի ներդրում կատարած ինստիտուտ լինելուց զատ, եղել է կադրերի լավ դարբնոց: Այսօր ՍԴ-ի շատ աշխատակիցներ բավականին լուրջ պաշտոններ են զբաղեցնում, և ես չեմ էլ կասկածում, որ նրանք որտեղ էլ որ աշխատում են, այստեղի միջավայրը, այստեղի միկրոկլիման այստեղի հոգեբանությունը, այստեղի ձեռքբերած փորձառությունը կարողանում են լավագույնս օգտագործել»,-ասաց Գագիկ Հարությունյանը:
Նա շնորհավորեց Թովմասյանին, հաջողություն մաղթեց և նկատեց, որ քանդածի վրա ոչինչ չեն կառուցում, արդեն իսկ նորոգածի վրա պետք է շարունակել կառուցել:
Այնուհետև, արդեն իսկ դահլիճում, Թովմասյանին հանձնեցին ՍԴ անդամի հագուստը, որը կրելուց հետո նա հայտարարեց, թե վերադառնում է իր արմատներին: Նրա խոսքով` այս կոլեկտիվի հետ վատ աշխատել հնարավոր չէ:
SHANTNEWS.am-ի հարցին՝ ԱԺ-ո՞ւմ է ավելի հարմարավետ զգացել իրեն, թե՞ ՍԴ-ում, Թովմասյանը պատասխանեց.
«Գիտեք, եթե փորձեմ համեմատություն անցկացնել, ԱԺ-ն, եթե սպորտային խաղի նմանեցնեմ, թիմային խաղ է՝ բասկետբոլ է, ֆուտբոլ է, այստեղ շախմատ է երևի, շատ ավելի բարդ է, ավելի նուրբ է, ավելի ոսկերչական նրբություններ է պահանջում ՍԴ-ն, քան ԱԺ-ն: ԱԺ-ում դեռ կարող է` այդպիսի բաներ էլ լինել, բայց սա վերջինն ատյանն է այդ հարցերը լուծելու առումով»:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
