15:04 10.11.2022
ԱՄՆ-ում տեղի են ունեցել միջանկյալ ընտրություններ, որոնց արդյունքում ամբողջությամբ կվերընտրվի Ներկայացուցիչների պալատը և Սենատի մեկ երրորդը։ Բացի այդ, մի շարք նահանգներում ընտրվել են նահանգապետեր և օրենսդիր մարմիններ։ Ձայների հաշվարկը շարունակվում է, սակայն նախնական տվյալներն արդեն որոշակի պատկերացում են տալիս արդյունքների մասին։
Ներկայումս Միացյալ Նահանգների Կոնգրեսի երկու պալատներն էլ վերահսկում են դեմոկրատները։ 435 անդամ ունեցող Ներկայացուցիչների պալատում մեծամասնություն կազմելու համար հանրապետականներին անհրաժեշտ է ստանալ 218 տեղ։ Ըստ նախնական հաշվարկների՝ հանրապետականներին դա կարող է հաջողվել, հետևաբար, դեմոկրատները կկորցնեն վերահսկողությունը Ստորին պալատի նկատմամբ։ Դա նշանակում է, որ Ներկայացուցիչների պալատի խոսնակ Նենսի Փելոսիին կարող է փոխարինել պալատում Հանրապետականների առաջնորդ Քևին ՄաքՔարթին։
Այժմ Ներկայացուցիչների պալատում դեմոկրատներն ունեն 220 մանդատ, հանրապետականները՝ 212։
Ինչ վերաբերում է Սենատի ընտրություններին, ապա նախնական հարցումները ցույց են տալիս, որ և՛ դեմոկրատները, և՛ հանրապետականները հավասար հնարավորություններ ունեն։ Այս միջանկյալ ընտրությունների արդյունքներով ընտրվելու են սենատի 100 անդամներից 35-ը։ Մեծամասնություն կազմելու համար կուսակցությունը Կոնգրեսի վերին պալատում պետք է ունենա 51 տեղ։
Վճռորոշ կարող էր դառնալ Ջեորջիա նահանգում քվեարկության արդյունքը, սակայն այնտեղ թեկնածուներից ոչ մեկին չի հաջողվել հավաքել ձայների 50 տոկոսը։ Դեկտեմբերի 6-ին Հանրապետական Հերշել Ուոքերի և Դեմոկրատ Ռաֆայել Ուորնոքի միջև կկայանա ընտրությունների երկրորդ փուլը։
Reuters գործակալությունը նշում է, որ որպես կանոն՝ ԱՄՆ-ում իշխող կուսակցությունը նախագահի պաշտոնավարման առաջին միջանկյալ ընտրություններում լուրջ պարտություն է կրում։ Սակայն այս ընտրություններում երկու կուսակցությունների միջև տարբերությունը չնչին է, և դեմոկրատներին հաջողվեց խուսափել ջախջախիչ պարտությունից։
Հենց այս փաստին է ուշադրություն հրավիրել ԱՄՆ նախագահ Ջո Բայդենն ընտրությունների արդյունքները մեկնաբանելիս։
«Չնայած ցանկացած կորցրած տեղ ցավալի է, և որոշ լավ դեմոկրատներ չհաղթեցին, սակայն դեմոկրատների համար լավ գիշեր էր։ Մենք ավելի քիչ տեղեր կորցրինք Ներկայացուցիչների պալատում, քան որևէ այլ դեմկորատական նախագահ իր առաջին միջանկյալ ընտրություններում վերջին 40 տարում։ Իսկ նահանգապետերի համար մենք լավագույն արդյունքներն ունենք 1986 թվականից ի վեր», – Բայդենի խոսքերն է մեջբերում Սպիտակ տան մամուլի ծառայությունը։
Վերլուծաբաններից շատերն են նշում, որ դեմոկրատների համար ընտրությունների արդյունքները սպասվածից շատ ավելի լավ են։
Սակայն ԱՄՆ նախկին նախագահ Դոնալդ Թրամփը, ով ակտիվորեն ընդգրկված էր նախընտրական արշավում, ընտրությունների արդյունքներն անվանել է «մեծ հաղթանակ», չնայած միևնույն ժամանակ նշել է, որ արդյունքները «որոշ առումով հիասթափեցնող են»։
Ընտրությունների ընթացքում նաև աղմկահարույց միջադեպ է տեղի ունեցել։ Դեմոկրատական կուսակցության կողմից Ներկայացուցիչների պալատի անդամ վերընտրված թեկնածուներից երկուսը մահացել են անցյալ ամիս՝ Թոնի Դելյուկան 85, իսկ Բարբարա Քուփերը՝ 93 տարեկանում։ Փենսիլվանիայում և Թենեսիում հատուկ ընտրություններ կանցկացվեն այդ թեկնածուներին փոխարինելու համար։
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
23:50 10.04.2025
Երևանում ուժեղ քամու հետևանքով հաստաբուն ծառն արմատից պոկվել էր և փակել մայթըԱպրիլի 10-ին, արտակարգ դեպք է տեղի ունեցել Երևանում։ Ժամը 11։00-ի սահմաններում ՀՀ ՆԳՆ ՓԾ 9-11 ճգնաժամային կառավարման ազգային կենտրոն ահազանգ է ստացվել, որ Թբիլիսյան խճուղում ուժեղ քամու հետևանքով հաստաբուն ծառը տապալվել է և փակել հետիոտնի համար նախատեսված մայթը, ինչի հետևանքով վնասվել են նաև էլեկտրալարեր։ Ինչպես հայտնել է shamshyan.com-ը, դեպքի վայր է ժամանել Երևանի հրշեջ փրկարարական […] ...
23:44 10.04.2025
Ուկրաինայում ԱՄՆ դեսպանը հեռանում է իր պաշտոնիցՈւկրաինայում ԱՄՆ դեսպան Բրիջիթ Բրինկը մտադիր է վաղաժամկետ հեռանալ իր պաշտոնից: Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «Այո՛, նա տուն է վերադառնում: Նա հիանալի աշխատանք է կատարել, և մենք նրան մաղթում ենք ամենայն բարիք», – ասել է Բրյուսը, երբ լրագրողները խնդրել են նրան հաստատել Բրինկի՝ Կիևում ամերիկյան դիվանագիտական առաքելության ղեկավարի […] ...
23:41 10.04.2025
Եվրանեսթ խորհրդարանական վեհաժողովի համանախագահը կայցելի ՀայաստանԵվրանեսթ խորհրդարանական վեհաժողովի համանախագահ Սերգեյ Լագոդինսկու գլխավորած պատվիրակությունը ապրիլի 14-16-ը կայցելի Հայաստան։ Այս մասին նշվում է ԱԺ կայքում: Ազգային ժողովի նախագահ Ալեն Սիմոնյանի կարգադրության մեջ, մասնավորապես, նշվում է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ. 1. Կազմակերպել 2025 թվականի ապրիլի 14-16-ը Հայաստանի Հանրապետություն ժամանող՝ Եվրանեսթ խորհրդարանական վեհաժողովի համանախագահ […] ...
23:35 10.04.2025
«Լոկոմոտիվը» չի նախատեսում նոր պայմանագիր առաջարկել Նաիր Թիկնիզյանին«Լոկոմոտիվը» չի նախատեսում նոր պայմանագիր առաջարկել Հայաստանի հավաքականի պաշտպան Նաիր Թիկնիզյանին, հայտնում է Sport Express-ը: 25-ամյա պաշտպանի գործող պայմանագիրը մոսկովյան ակումբի հետ նախատեսված է մինչև 2026 թվականի հունիսի 30-ը։ Թիկնիզյանը թիմին է միացել 2021 թվականին: Այս մրցաշրջանում նա անցկացրել է 27 հանդիպում, գրանցել է 2 գոլ, 4 գոլային փոխանցում: Transfermarkt-ը հայ ֆուտբոլիստի տրանսֆերային արժեքը գնահատում […] ...
