17:00 01.11.2022
Հանրային ծառայությունները կարգավորող հանձնաժողովի 2023 թ. բյուջեն 1 միլիարդ 109 մլն դրամ է, որից 80 տոկոսն ուղղվելու է աշխատանքի վարձատրությանը, իսկ շուրջ 16 տոկոսը հանձնաժողովի բնականոն գործունեության ապահովման համար անհրաժեշտ ապրանքների, ծառայությունների ձեռքբերմանը: Վերոնշյալ 16 տոկոսի 6,2 տոկոսն ուղղվելու է «Հայաստանի էլեկտրական ցանցեր» եւ «Գազպրոմ Արմենիա» ընկերությունների կողմից նախորդ տարի իրականացված ներդրումների տեխնիկական աուդիտի ձեռքբերմանը: Հանրային ծառայությունները կարգավորող հանձնաժողովի նախագահ Գարեգին Բաղրամյանն ԱԺ տնտեսական ու ֆինանսավարկային եւ բյուջետային հարցերի մշտական հանձնաժողովների համատեղ նիստում ներկայացրել է ոլորտի բյուջետային ծրագրերը, պատասխանել պատգամավորների հարցերին:
Ինչպես տեղեկացնում է ՀՀ ԱԺ պաշտոնական կայքէջը, ներկայացվել են 2023 թ. ընթացքում հանձնաժողովի գործունեության հիմնական ուղղությունները, մասնավորապես, էլեկտրաէներգետիկական շուկայի ազատականացման գործընթացը, գազամատակարարման, էլեկտրոնային հաղորդակցության համակարգերի բարելավմանն ուղղված աշխատանքները:
Հարցուպատասխանի ձեւաչափում Սերգեյ Բագրատյանը կարծիք է հայտնել, որ տարբերակված մոտեցում է ցուցաբերվում արեւային էներգիա արտադրող կայաններին լիցենզիա տրամադրելու հարցում: Արեւային էներգիայի օգտագործման ծավալը մեծացնելը կարեւորել է նաեւ պատգամավոր Հովիկ Աղազարյանը:
Գարեգին Բաղրամյանի խոսքով՝ առաջնորդվում են «Էներգետիկայի մասին» ՀՀ օրենքով, լիազոր մարմինն է որոշում՝ հաշվի առնելով ենթակառուցվածքի այն հնարավորությունը, թե էներգետիկայի տվյալ ճյուղը ինչ չափաքանակներով է զարգացնելու: «Արեւային կայանների մասով՝ Կառավարության՝ էլեկտրաէներգետիկական համակարգի ռազմավարական ծրագրով նախանշված 1000 մեգավատի շրջանակում մեր կարգավորման եւ սակագնային քաղաքականությունն այնպես ենք վարում, որ այդ 1000 մեգավատի հարցում խնդիր չունենանք: Արդեն 200 մեգավատն ունենք, իսկ մնացած 800 մեգավատը ձեւավորվում է այն մրցութային փաթեթներով, որոնք լիազոր մարմինն իրականացնում է. դա Մասրիկի կայանն է, Այգ կայանն է: Նախանշված հզորությունները, որոնք լիազոր մարմինը հնարավոր է համարում, որ ենթակառուցվածքը կարող է ընդունել եւ անհրաժեշտ է մեր երկրի էներգետիկայի, անվտանգության եւ զարգացման համար, դրանք ապահովում են»,-ասել է բանախոսը:
Պատգամավոր Միքայել Թումասյանն էլ բարձրաձայնել է բազմաթիվ կառուցապատողների մտահոգությունը նոր կառուցվող շենքերը չգազաֆիկացնելու հետ կապված:
Գարեգին Բաղրամյանը տեղեկացրել է, որ խնդիրը քննարկվում է Էկոնոմիկայի նախարարության հետ: Այս պահին Կառավարության որոշման նախագիծ է շրջանառվում, որով նախատեսվում է Երեւան մտնող նոր հզորությամբ 4 գազաբաշխիչ կայանների եւ միջին ճնշմամբ գազատարների կառուցում: Դա կնշանակի, որ տեխնիկական պայմանները կտրամադրվեն տարածքային գազաբաշխիչ կայանների ամենամոտ կետից:
21:27 29.04.2025
«Մանչեսթեր Յունայթեդը» պատրաստ է 100 մլն եվրո վճարել «Ինտերի» երկու ֆուտբոլիստի տրանսֆերի համար«Մանչեսթեր Յունայթեդը» շարունակում է աշխատել թիմի կազմն ուժեղացնելու ուղղությամբ։ Inter Live-ի տվյալներով՝ ակումբում հետաքրքրված են «Ինտերի» միանգամից երկու ֆուտբոլիստով։ Խոսքն աջ պաշտպան Դենզել Դումֆրիսի և կենտրոնական պաշտպան Յան-Օրել Բիսեկի մասին է։ Աղբյուրի փոխանցմամբ՝ «Մանչեսթեր Յունայթեդը» պատրաստ է այս տրանսֆերների համար վճարել 100 միլիոն եվրո։ Դումֆրիսի գործող պայմանագիրը «Ինտերի» հետ ուժի մեջ է մինչև 2027/2028 մրցաշրջանի […] ...
21:18 29.04.2025
Սահմանամերձ բնակավայրերի զարգացման հիմնական նախապայմանը կայուն և երկարատև խաղաղության հաստատումն է. ՊապոյանՀՀ էկոնոմիկայի նախարար Գևորգ Պապոյանը և ՀՀ տարածքային կառավարման և ենթակառուցվածքների նախարար Դավիթ Խուդաթյանը նախօրեին գիշերել են Սյունիքի մարզի Տեղ համայնքի Խնածախ բնակավայրում՝ տեղում առկա խնդիրներին, համայնքի առօրյային ու բնակիչների կարիքներին առավել խորությամբ ծանոթանալու նպատակով։ Այս մասին հայտնել են Էկոնոմիկայի նախարարությունից: Առավոտյան նախարարները հանդիպել են Խնածախի բնակիչներին, զրուցել նրանց հետ, պատասխանել հուզող հարցերին, իսկ այնուհետև […] ...
21:10 29.04.2025
Պատվաստումների շնորհիվ` մեր երկրում 20 վարակիչ հիվանդություն կառավարելի է. ԱՆՊատվաստումների շնորհիվ` մեր երկրում 20 վարակիչ հիվանդություն կառավարելի է: Այս մասին հայտնել են առողջապահության նախարարությունից: Հանրային ընկալումը և վստահությունը նպաստում են պատվաստումներում ընդգրկվածության բարձր ցուցանիշներին և բարենպաստ իրավիճակին: Կանխարգելիչ պատվաստումները կարևոր են, արդյունավետ և անվտանգ: Մանրամասները՝ տեսանյութում: ...
21:00 29.04.2025
Արման Ծառուկյանը վերադառնալու է գրեփլինգԽառը մենամարտերում UFC-ի մարտիկ Արման Ծառուկյանը վերադառնալու է գրեփլինգ: Մայիսի 2-ին Դուբայում կայանալու է KC54 մրցաշարը, որտեղ Հայաստանի ներկայացուցիչը մրցելու է Մագոմեդ Զայնուկովի հետ: Ծառուկյանը նախկինում լուրջ հաջողությունների է հասել գրեփլինգում: Նա 2016 և 2017 թվականներին դարձել է Ռուսաստանում կայացած 3 մրցաշարերի հաղթող: UFC-ում Արմանի վերջին մենամարտը կայացել է 2024 թվականի ապրիլի 13-ին, երբ նա […] ...
20:55 29.04.2025
Էլեկտրաէներգիայի անջատումներ՝ Երևանի և մարզերի մի շարք հասցեներում«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Խորենացի փող. 25, 25ա, 27, 27ա շենքեր, Դեղատան փող. 15 շենք և հարակից ոչ բնակիչ-բաժանորդներ, Սարի Թաղ՝ 8-րդ փող․ 3-8 առանձնատներ, Սարի Թաղ՝ 9-րդ փող․ 1-27 առանձնատներ, Սարի Թաղ՝ […] ...
20:45 29.04.2025
Եվրահանձնաժողովը խոստացել է «մանրակրկիտ հետաքննել» իսպանական հոսանքազրկումըԵվրահանձնաժողովը (ԵՀ) մտադիր է «մանրակրկիտ հետաքննություն» անցկացնել Իսպանիայում հոսանքազրկման հետ կապված։ Այս մասին գրել է էներգետիկայի և բնակարանային հարցերով եվրահանձնակատար Դան Յորգենսենը X-ում։ «Եվրահանձնաժողովը մանրակրկիտ հետաքննություն կսկսի Իսպանիայում և Պորտուգալիայում էլեկտրաէներգիայի անջատումների հետ կապված»,- վստահեցրել է պաշտոնյան։ Ավելի վաղ Եվրահանձնաժողովի խոսնակ Պաուլա Պինյոն հաստատել էր, որ մարմինը բացառել է կիբերհարձակումը որպես ապրիլի 28-ին էլեկտրաէներգիայի համատարած […] ...
