Տեսանք, զարմացանք, վախեցանք, հիացանք. բնության բացառիկ անակնկալները

Շատ կարճ ժամանակ առաջ էր, երբ համացանցում այս լուսանկարները տարածվեցին՝  «Լուսապսակով արև» անունով: Բնության արտասովոր երևույթը  Բրազիլիայում էին նկատել՝ Սանտա-Կատարինա նահանգի վարչական կենտրոն  Ֆլորիանապոլսում և հարակից մի քանի քաղաքներում արևի շուրջ փայլուն, գունեղ օղակ էր հայտնվել:

Globo-ի հաղորդմամբ՝  այդ օպտիկական ֆենոմենը կոչվում է Հալո՝ լուսապսակ: Երևույթը տեղի է ունենում տրոպոսֆերայի վերին շերտերում՝ սառցե բյուրեղների պատճառով։ Համցանցում այս ու այլ լուսանկարները կայածակնային արագությամբ տարածվեցին: Հայաստանի երկնքում այսպիսի բան դեռ չի եղել, բայց անպես չէ, որ ոչինչ չենք տեսել:

Հայաստանի երկնքում նկատված բացառիկ երևություները                                                                 

Էլի շատ ժամանակ չի անցել՝  այս տարվա հունվարն էր, երբ Հայաստանում երկուգիշերը բացառիկ մի երևույթ տեղի ունեցավ՝ միանգամից  բնական 3 երևույթ զուգակցվեցին՝ Գերլուսինը, «Արյունոտ լուսին»-ն ու Լուսնի խավարումը: Բյուրականի աստղադտարանի տնօրեն Արեգ Միքայելյանը «Ռադիոլուր»-ին բացատրեց.                                                                                                                                                         

«Լուսատուն այսօր Երկրին սովորականից ավելի մոտիկ է եւ 15 տոկոսով ավելի մեծ է երեւում:  Բացի այդ,  դիտվում է նաեւ «Երկնագույն Լուսին». այդպես կոչում են երևույթը, երբ մեկ ամսում երկու անգամ Գերլուսին է լինում: Սա ևս հազվադեպ բան է: Բացի այդ տեղի է ունենում խավարում: Լուսինը ծածկվում է Երկրի ստվերում. իր լույսը չի երեւում, փոխարենը Լուսնի սկավառակը թեթեւ լուսավորվում է Երկրի մթնոլորտից հասած արեւի ճառագայթներով, որոնք դրան հաղորդում են կարմրագույն երանգ. հենց դա էլ կոչվում է «Արյունոտ Լուսին: Գերլուսինը խավարման հետ միաժամանակ շատ բացառիկ երեւույթ է, տասնյակ տարիների ընթացքում մեկ անգամ կարող է տեղի ունենալ», – ասաց  Արեգ Միքայելյանը: 

Հաջորդ քիչ հանդիպող երևութը Հայաստանի երկնքում ոչ թե ուղղակի երևաց, այլ՝ թափվեց: 2017 թվականի հունիսի 20-նն էր՝ երեկոյան ժամը 20-ը, երբ Երևանում, ինչպես այս հրապարակման մեջ են անվանել, «կույր»  անձրև տեղաց: Վայրկյանների ընթացքում ուժեղ քամի էր սկսվեց, զուգակցվել տեղատարափ անձրևով, հետո սելավ էր՝ արևի պայծառ շողերի ֆոնին:  ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը ShantNews-ին ասաց, որ օդերևութաբանության մեջ «Կույր» անձրև տերմին չկա, չգիտի, թե ինչու են մարդիկ  երևույթը որոշել այդպես անվանել:

Հաջորդ բացառիկը Հայաստանում չի եղել, բայց հայերի հետ ուղիղ կապ ունի: Վրաստանի հայաբնակ բնակավայրում՝ Ջավախքում, Ազգային արգելոցի աշխատակիցներն ու հյուրերը բնության մեջ հազվադեպ հանդիպող երևույթի են ականատես եղել: Նրանց հնարավորություն  ընձեռվեց հետևել ֆլամինգոների երամի միգրացիային: Թռչունները հանգիստ քայլում էին դաշտում, ուսումնասիրում շրջակայքը: Բանն այն է, որ Ֆլամինգոները շատ վախկոտ թռչուններ են և ձգտում են խուսափել մարդկանց հետ ցանկացած շփումից։ Բայց այդ անգամ որոշել էին համաձակ դառնալ, ավելին՝ լուսանկարվել:

 Դարձյալ երկինք վերադառնալով

Անցյալ տարի Մեխիկոյի երկնքում անսովոր մի օղակաձև ամպ նկատվեց: ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանն իր Facebook-ի էջում տեսանյութ հրապարակեց ու այն տարօրինակ անվանեց:  

Բրիտանական Մանչեստր քաղաքի բնակիչները  շրջված ծիածանի մասին խոսեցին: Դրա նկարները համացանցում տարածեցին: Մասնագետները նշում են, որ այդ երևույթը կոչվում է նաև զենիթային աղեղ։ Այն սովորաբար հայտնվում է, երբ երկնքում կան փետրավոր ամպեր: Շրջված ծիածան շատ հազվադեպ կարելի է տեսնել, քանի որ այն լինում է  շատ բարձր հատվածում։ Բացի այդ, այն հնարավոր է մի շարք մթնոլորտային պայմանների կոմբինացիայի պարագայում։  Ծիածանը հայտնվում է այն պատճառով, որ արևի ճառագայթները անցնում և արտացոլվում են օդում առկա կաթիլների, անձրևի կամ մառախուղի մեջ։